作者有话要说：虎2真是看伤了，编剧和监制放学后别走咱们聊聊~俞师兄你都冇走住，唔该你解释下“女人真係麻鬼烦”係乜意思，否则分分钟用MP5爆你个死人头！！！　　“你真嘅唔同我一起去啊？”上班路上，揸紧车的学礼问坐在副驾驶座上的人。　　“你同Uie返乡下祭祖，我又唔係你边个，使咪去呀？”揸着手机上网的madam瞥了他一眼，没好气道。　　“哇，你咁讲係乜意思先？”路口红灯前面车子排起长龙，学礼缓缓停下车，探过身来故作大力地努努鼻子。　　“你做乜啊？”古古怪怪！　　“你嗅没嗅到一阵酸味好重啊？哪～老实讲，你係咪提我你已经惗紧成为我边个，俾我啲贴士同埋心理准备先？”学礼点点文强鼻尖道。　　文强拍开他那只扰人的爪，斜睨了他一眼：“都话咗你唔好睇咁多电视剧了，想象力过剩～”呢排文强收工要上泰拳班唔得闲陪佢，结果学礼居然迷上了煲剧，跟个师奶仔咁边追边跟文强安利剧情。　　“乜啊？你唔知喇，宜家播紧嗰套几好睇啊！剧情係有个筋肉人中意咗个泥水妹，但係嗰个泥水妹呢几冇自信，都唔够胆去信任嗰男仔。係咯，嗰泥水妹同你仲有一样嘢好相似。”反驳起来俞sir又开始安利剧情了。　　“乜啊？”原本睇紧手机的文强听到跟自己有关，也不由扭头问下。　　“就係～畏高咯！”前面交通灯转绿，学礼撤回身子启动车子都不忘卖个关子先讲。　　“专心揸车喇，咁多嘢讲～”明明自己现在都不畏高了，仲要摞嚟讲，madam梗系唔开心了，俞sir你都傻傻啲。　　　　“Madam，出边有人揾阿礼，好似揾得好急，你係咪出一出去啊？”午休时间，小雨在大房值班，文强窝在自己座位上翻杂志，班男仔集体喺宿舍，忽然一个来电打破此刻的宁静。　　“有冇讲係乜人揾佢啊？”文强摆低杂志起身。　　“好似係一个后生女仔，叫Larine。”　　“Larine？咁熟嘅，係边个咧？”madam思索着行出去。　　　　“係你！”在接待处，文强睇到一头红发齐刘海造型妖冶的身影，即刻惗返点解自己会觉得呢个英文名耳熟。　　“点解会係你，我明明揾阿礼啊！”舒子丽见来人并非所愿，继续张望文强身后。　　“你唔使睇了，阿礼请咗假，有乜事我可以帮你转达。”文强双手插着裤袋道。　　“咁你俾佢电话我啊，我自己同佢讲。”舒子丽摞出手机准备mark低号码。　　“原来佢冇留电话你啊？咁我惗我都唔係好方便俾嗰电话你，话嗮都係佢私隐嘅一部分。”文强耸耸肩。　　“乜啊，你哋香港差人质素原来咁差嘅，今时今日咁嘅服务态度点可以令到市民满意喈？”舒子丽似有很大不满。　　“舒小姐我惗你误会咗，香港警察服务市民嘅内容并不包括留返私人电话跟住随叫随到，也不包括俾市民落药同埋整蛊。如果你仲有其他问题，我建议你打999报案中心电话，哩度係警察总部，我哋飞虎净係根据上级order做嘢，宜家够钟training了，如果你冇其他嘢，失陪了。”文强作势转身要走。　　“唔係唔係，你误会咗，我今次係有正经事揾阿礼，我觉得我哋间公司，有人要害我。”舒子丽连忙抓住文强只手臂解释。　　“如果你觉得人身安全不能够被保障，我都係建议你打返999先，飞虎负责operation但冇权查案，就算阿礼喺度都係一样，踩界分分钟俾人革职。我惗，你唔会想害佢嘅喔？”文强挣开她只手，背脊对住佢留低说话，跟住离开。　　　　指挥车上，展sir介绍行动情况。　　“今次我哋嘅行动目标是电视城，根据O记线报，宜家3号摄影棚入面有8个女模特同2个现场工作人员，仲有一个女童，佢哋俾公司保安经理谭志朗持枪挟持住。因为现场排练紧低空烟花show，有很多易燃易爆危险品，大家take a时要特别小心，唔可以使用枪械。家下谈判专家喺现场做紧嘢，我哋到现场指挥中心之后再做具体部署。”　　“唔係吧？电视城，摄影棚？咁点做嘢啊，又冇夹空层又冇窗。”作为《美女厨房》的铁杆粉丝，阿源可是到现场参与过节目录制，对摄影棚有少少印象。唔可以使用枪械已经限制住sniper嘅专长，仲要喺行一步震动都好犀利嘅摄影棚，今次行动都几大镬。　　“做乜啊，你惊啊？”阿头完成简报之后问内弟。　　“唔係～有你同家姐夫妻同心，使咪惊喈。不过有细路几麻烦喈。”娃娃脸的sniper一脸正色道。　　“小雨，现场图则到咗未？”阿头问道。　　“仲收紧，展sir，呢度有被挟持人员名单。”小雨点开新收到的文件。　　“又係佢？”展sir不觉皱了下眉，同坐在电脑前的妈打和站在一旁stand by的龙婆看到名单也不约微微张了张嘴，毕竟一个普通人被飞虎救两次，都应该好少有。　　“又係乜人啊？”话唔可以使用枪械，一下觉得好无聊嘅贱仁插嘴问道。　　“舒子丽啊！”当年都有份做高级保安的龙婆给出答案。　　“唔係吧？”那次一同take a的光仔掌门等人都面面相觑。　　“唔通佢嗰次讲嘅係真嘅？”文强皱起眉头自言自语。　　“乜係真嘅啊？”坐于佢隔离嘅学礼听得唔係好清楚，关心一问。　　“冇，冇嘢。”释出笑脸俾佢，文强嘅心仲係囉囉挛，嗰次自己当真是以为舒大小姐玩到冇嘢嚟玩，旧病复发谎称自己癞嘢。如果真係佢人身有危险先揾学礼帮手，虽然自己话嘅无错，飞虎唔可以插手查案，但万一佢因此有乜差池，自己都过意不去。　　　　去到现场，3号摄影棚是小型摄影棚，前面是浅浅几排观众席，一眼睇嗮，中间是临时搭起的倒T台，跟住是烟花show的大型布景展牌，布景后面则是供模特候场的后台，地势最低，但一面靠墙。劫匪都唔算傻，O记自电视台现场监控睇到，佢揸住枪逼啲吓成惊弓之鸟嘅模特，将后台剩余嘅烟花围成外圈，成班人质同佢自己居于内侧，狙击手投鼠忌器，真係好难做到嘢。而后台通往其他地方的门得返一个，已经被劫匪锁死，上方的钢筋支架亦与别处不相连，整体嚟讲摄影棚是个密闭空间。劫匪唔肯开门，只愿意在电话中同谈判专家交流，但条件是要求警方释放之前佢入狱的细佬，同埋安排车辆。　　“阿sir你俾我入去喇，蓉蓉嘅药喺我度，佢冇药用好大镬嘅！”trol room门外一阵扰嚷，“乜事啊？”展sir问刚进门的madam庄，房内full gear stand by的学礼掌门等人亦望向她。　　“现场女童嘅家长话自己嘅女有哮喘，担心个女有事，要求送药入去。”产女先得两个月，一身西服套装的madam庄又回复之前的清瘦，调看现场画面，由于电视公司装设的监控摄像头距离人质太远，无法看清是否女童已经发病。　　“家下嘅环境，送药太危险，有冇可能要求嗰犯放咗个细路女先。”展sir思索片刻，提出建议。　　Madam庄亦赞同时下送药不现实，遂电联劫匪讲数。　　“谭志朗唔同意放人，佢话可以揾人送药入去，但条件係净可以係一个人，同埋必须女仔。”放低电话，madam庄转达劫匪要求。　　“阿强，你入嚟trol room。”展sir对住话筒道。　　等full gear的文强撤回指挥中心，换下装备着返便装，展sir将哮喘药交俾佢，文强话自己阿爸亦有哮喘，佢识得点样用药。　　“送药只是幌子，阵间嗰犯开门俾你可能係一个机会，sniper会埋位，如果有机会一枪爆头最好。如果冇，我哋迟啲会组织强攻，最紧要係确保人质，尤其係细路女嘅安全。”小雨帮文强装上内入式耳机，又在衣襟里缝入微型话筒，最后戴埋安了微型摄像头的平光眼镜，试机成功后，展sir拍拍她的肩叮嘱了句“注意安全”。行过学礼身边，他伸出只拳俾佢：“小心”，她抿抿唇团起手和他的拳头对碰，留下一句“你都一样”，便在众手足的关切目光中出发了。　　果然冇咁好彩，虽然门是开了，但开门的是被谭志朗揸枪指住满脸惊惶双眼通红的舒子丽，由门打开再到关上，seam只能眼睁睁看着文强的后脑勺消失在瞄准镜里。　　进门后，嗰犯照例搜身，好在警方有嗮准备，文强贴身的短袖衫加埋长裤，一眼睇嗮，确实藏唔到嘢。　　搜过身，在嗰犯的监视下，文强帮哮喘女童喷埋药后，亦被舒子丽照嗰犯指示反绑双手，和其他人质一起蹲在烟花围起的矮墙后面，而嗰犯则拉着舒子丽用枪抵住她嘅头在场内行嚟行去，冇几耐又狂躁地对住蓝牙耳机叫嚣起来：“到底仲要几耐啊！我要见我细佬！你哋係咪呃我啊！”　　似乎电话里警方正在进行解释安抚，“我唔理你哋咁多，俾多你哋最后半个钟，再见唔到我细佬嘅话，我就不客气了！第一个杀的就是太子女！”说着他朝棚顶放了一记空枪，棚内棚外诸人听到枪响心都是一震，舒子丽已是哭到麻木，文强身边这些本就惊魂未定的人质，更是纷纷尖叫抽泣起来。　　虽然从摄像头可以看到是放警示空枪，展sir还是和文强取得联系确认现场情况。　　“冇嘢，冇人受伤，不过我觉得啲犯情绪越来越唔稳定，我惊迟啲可能会出事。”文强在周围一片饮泣声中低头快速报告。　　“阿强，你睇有冇办法引开嗰犯嘅注意力，等佢唔好关注门口，我哋两分钟后会强攻入去。”　　“收到。”　　　　“啊～啊～”文强身旁的嗰个哮喘女童蓉蓉突然又周身颤抖尖叫起来，虽然细路女分贝不高，但坐于她隔离的文强却听得特别清楚。　　“乜事啊妹妹？”文强忙问，千其唔好喺呢个钟数发病。　　“有～有～有老鼠！！！”蓉蓉将头埋到文强胸前，不敢抬头。　　“唔使惊，慢慢爬过来姐姐右边。”虽然头先舒子丽被吓到懵懵啲，但好在力气不大，反绑的绳结文强已经松开，但此刻未到时机表露，思索片刻，文强对住蓉蓉的耳轻轻说了几句。　　“救命啊！救命啊！”计埋时间，30秒倒计时，文强嚷了起来。　　“又乜事啊？”拉着几乎行唔到的舒子丽，谭志朗走过来不耐烦地问道。　　“嗰妹妹哮喘又犯了，唔该你啊，解开我只手，我要帮佢喷药。”文强作势恳求道，蓉蓉虚弱无力靠于墙上，喘不过气来的样子极为真切。　　“鬼死咁麻烦啊！你，过去解绳子，警告你哋，唔好玩嘢啊！”用枪指指舒子丽落order，谭志朗看了看表又扭头睇门口。　　舒子丽委委屈屈地蹲下身，却见文强的手已经解开，不由“啊”了一声。　　“乜事啊又？”谭志朗不胜其烦转头，忽然大门轰然倒下，跟住催泪瓦斯带来浓烟滚滚，霎时迷茫所有人视线。谭志朗知大事不妙，还想扫射，却被人一脚踢掉了手中的枪。　　戴住红外线透视镜的学礼等人迅速穿过浓烟，将其制服，掌门和星仔押着他出去，其他sdu也帮手扶起人质出门。　　“冇嘢吧？”透视镜里的世界只得绿黑两色，见文强被熏得直流眼泪，学礼问道。　　“冇。”文强闭起眼睛，用力吸吸鼻子，忽然感觉脚边一沉。　　“Larine！”两人试图搀起她，却发觉她毫无知觉。　　“等我抱佢出去，你行先。”学礼打横抱起舒子丽，跟着文强离开摄影棚。　　才跨出门口将昏厥的舒子丽交给外面的手足，学礼就听到身后一声闷声重响，他回头，见是钢筋支架上的大型射灯掉落在烟花堆上，火花四起，忙喊：“小心爆炸！”话音未落，他已被热气掀翻，冲天的响声瞬间穿透摄影棚顶，火花四射。