“生日快乐！”　　终于赶得上在八月生日前出院，至少唔使辛苦老婆放工仲要医院屋企两边跑，体能王俞sir还是相对满意自己的恢复能力。请班手足返屋企食饭，抱住两个月大嘅细女的寿星虽然俾太座批准净係饮得果汁，冇得劈酒，但唔使同个女一起饮牛奶，他已经知足喇。虽然医生话，炸弹碎片伤及运动神经，所以应该无乜机会返行动队，但其实做文职也都几好喈，都捡回一条命，他仲可以要求更多吗？喺屋企休养嘅日子，他睇返之前未能去上嘅妈妈教室嘅课程，复习点样睇住BB，老婆呢胎俾激到无母乳，女女净係可以食奶粉，不过咁样喂夜奶都唔使老婆起身了，自己一个人冲奶拍背全部搞定。再唞多半个月，等医生签纸，应该就可以返工了。冇得留低喺A team，预咗会有小小唔惯，但好彩都仲喺粉岭总部返工喈。一家人齐齐整整，俞sir就觉得几好，人生有小小遗憾在所难免了，好彩细女都仲係生得白雪雪，他其实几惊遗传到自己嘅肤色，底时真係俾自己把口噏中，冇人接收就弊了。　　　　“喂，你真嘅唔使唞多阵呐？”虽然日头复查医生是签了纸，文强还是有小小不放心，话嗮佢都住咗咁耐医院，都唔差唞多几日了。　　“Madam，我知你以前係读过护士文凭，但话嗮你都咁多年无捞份工了，唔该你了莫踩过界好唔好？医生都话OK了……”学礼站在衣柜前，整理着久违的制服道。　　“你係咪咁讲嘢啊，我踩过界~”死人俞学礼，一返嚟就激我！文强嘟着嘴从他身边行过，没好气道，“借借啊，唔该！”说着打开自己那半边衣柜取出衣物，就往浴室去。　　“老婆，冇反面嘛，我讲下喈~”学礼忙上前拉住她手臂，好声好气道，“係，我知，你担心我了，但我真嘅冇嘢喇，你唔知喈，日头你返工，宜家心心又返学了，得返我对住念念，佢係食饱瞓瞓醒食，我就几咁寂寞喈！”　　“你嫌佢，嫌佢就冇凑佢咯！”文强仍是撅着嘴不看他。　　“冇，我点会嫌佢喈，锡佢都等唔切了，不过我咁大个人日日hea喺屋企，我真係惊迟啲你会嫌我out，唔理我就弊了。”说着学礼就点点她面颊，“冇嬲了，嬲就唔靓了，咁大个人仲翘埋个嘴，係咪想念念笑你啊？”　　“反正我都一把年纪了，靓唔靓有乜紧要啊？”文强拍开他的手，瞪了他一眼。　　“乜喈，你就算嬲咗，都係全天下至靓嗰个女人喇！”见文强嘴角弯起泄露出笑意，学礼忙拉住她只手，转身一个大步往衣柜抓了背心短裤，主动请缨，“一起洗了，俾你check下我好返未！”　　“鬼要check你啊！睇住个女喇！”文强推了他一把，自去浴室。　　“冇下下讲自己係鬼先得噶！”从床垫上起身，学礼嘟嚷了一句，自去客房洗漱。　　　　“喂，够钟返工喇！”学礼敲敲卧室门，自己复工第一日，梗係要车埋老婆一起走了，但是点解她又匿埋间房唔出嚟啊。　　“等下喇！嗞~”文强迷迷糊糊应到，好似好不舒服的样子。　　“做乜喈？”学礼想旋开门，居然被反锁了，担心她不妥，索性拿钥匙打开，点知被眼前情景吓了一大跳，“喂，你冇事吧？”　　“喂你做乜入嚟，快啲出返去了！”文强没想到他居然进来，登时手忙脚乱，起身赶他又不是，只想快点搞定，只得转过身避他。　　想想妈妈教室的课本，学礼一下子明白过来：“我帮你了，係咪好痛啊？”他蹲低接过她手中的物品小心翼翼操作，看她龇牙咧嘴的表情，很是心疼。　　“梗係了，不然你试下了！”文强嘟嚷了一句。　　“呢个……我试唔到喔~”学礼无奈回了句，就算是40寸鸡扒又点样，中看不中用喇，看她没那么难受了，学礼复又问了句，“你之前唔係……冇嘅？”念念一直都是冲奶粉食的啊。　　“我点知喈！”文强早上起身被睡衣胸前的乳渍吓到，咪拉拉声搞埋啲手尾了。　　“好喇好喇，冇嬲了，吸唔出了。你着衫了，我摞出去俾笑姐，叫佢中午喂念念了。”学礼拿了装到半满的吸乳器起身就走。　　“记得洗过再带个空奶樽俾我了，我中午要用！”文强理了理衫，对着他背影叮嘱道。　　“得了，我知~”学礼没回头，举起暂时空闲的右手，比了个OK的手势继续行出去。　　　　这年终于可以看到维港的烟火，大女和细女都睡着在酒店的圆床上，学礼搂着文强靠在天台栏杆边，回想这一年的起伏波折，小家庭的变化，心内都各有许多感慨。　　“老婆~”学礼轻唤了句。　　“嗯？”文强转头望着他。　　“辛苦你了呢一年……”学礼抵着她的额，柔声道。　　“你都係一样啊，又过咗一年咯，我哋结婚十一年了！”文强朝他笑笑，“老公，多谢你咁锡我！”　　“我要多谢你至真，多谢你骂醒我！”不管是当年人生最低谷时没放弃自己，还是旧年的精心照料与守候。　　“係啊，以后你有乜唔啱，我都会再骂你！”文强笑着用鼻尖顶了顶他的鼻尖道。　　“只要係我唔啱，你尽管骂~”学礼不再说话，转而低头吻上她的唇，越吻越深，舍不得放。　　一吻尽了，两人稍稍平顺呼吸，望着文强双眼迷茫面颊绯红的情态，学礼哑声道：“我哋返房好唔好？”不待她回答，就打横捞起她朝室内走去。　　多谢你，多谢你冇丢低我哋，多谢你醒返~　　再冻的冬夜都唔紧要，冰凉的手掌有了去处，畏寒的脚掌有了依靠。