【8楼护士观察记5】　　　　今天排休，自己去4楼妇产科做产检，点知居然又俾我撞返一pair熟人，咪之前喺828病房住嗰个俞sir同佢女朋友咯。其实又唔单只一pair喇，仲有一个女仔，一头红发又几索，之前偶尔嚟探俞sir，但都係坐无几耐就走。唔似俞sir女朋友咯，帮佢抹脸抹身又带埋便当又陪佢散步，有几次自己周末派药，仲睇到俞sir对住平板同佢女朋友视频倾计喇，原来佢话女朋友去做gym。其实之前自己一直惗紧点解嗰个madam会同俞sir讲分手，佢睇落去都唔似咁现实嘅人喈，俞sir未睇到嘢嗰时，佢都好细心咁照顾佢，又时不时问医生好多嘢，有啲嘢都几专业，自己都好奇，后尾有次同佢同lift问起，佢话之前佢都读过护士文凭咯，原来呢位madam都几劲。　　讲返佢哋分手嘅话题，我今日先觉得，都可能係俞sir唔啱。因为我等紧做产检嗰阵，居然睇到俞sir同嗰个红头发嘅女仔一起入咗一向做开流产手术嘅Dr.Lau嘅诊室。唔通俞sir一脚踏两船喈？唔怪得之嗰个红头发女仔同madam好少同一时间出现了。原来有钱仔嘅感情世界係咁嘅，就算俞sir好返后佢屋企捐咗一大笔俾我哋眼科嘅基金，我作为女人都冇办法撑佢喇，咁样真係好贱格喈！！！　　点知我做完产检出嚟仲精彩，又睇到俞sir陪madam去隔离嗰个Dr.Ma嘅诊室，唔好话我知俞sir你啱啱出院冇几耐，就一次搞大两个女人嘅肚，跟住仲嚟同家医院搞埋啲手尾，如果俾佢哋撞返一起，咪好hurt咯！！！我自己仲喺度惗使唔使提下madam，又觉得唔好多事，又惊佢俾hurt到。其实拍拖呢单嘢，唔管男仔女仔感情如何，好多时候好多嘢，都係女仔辛苦啲，咪好似陀bb呢单嘢，都係要女仔一个人撑咯。　　原本惗住走了，点知又俾阿娟call返去，话搵唔到新入嚟病人嘅CT片。我有时真係顶唔顺佢喇，后生女挂住拍拖我都理解，话嗮自己都係从后生过嚟嘅，但做嘢都唔好咁求其喈。帮佢搵到CT片，佢咪问我今日产检点样咯，见冇乜病人，咪同佢倾下咯。点知佢又话我知，朝早落去teen买嘢食，居然坐自己后面嗰个係之前828房嗰个好有米嘅靓仔阿sir，仲问我佢叫乜？好心你喇方丽娟，你喺度做咗咁耐都唔记得人哋嘅名，如果我係病人家属我真係好想po你啊！！！跟住佢话我知，嗰个阿sir朝早同佢女朋友求婚，讲咗段好感人嘅对白，佢嗰时都好想喊。但我就真係好担心了，啊如果madam真係嫁咗俾俞sir，俞sir咁样唔专情，madam以后咪有排hurt？话唔定madam之前同佢散咗先至啱呀！！！　　　　【强的心语】　　　　——意外的搭上列车，意外的来到这里，意外给我这样命运　　　　学礼都出咗院一排了，半夜口渴醒返，文强轻轻推开他揽住自己只手，坐起身先发现床头有杯水。　　揸住水杯饮了几啖，惗惗下近排都发生好多事，他似个大细路的安谧睡颜，都是许久未见了。从他对眼有事到宜家，都好似发咗场梦，应该算是场噩梦咯。不过噩梦的ending居然可以呃到场求婚……呵呵。　　讲真要自己宜家结婚，都是无乜心理准备喈，虽然都知佢中意自己，但一时一样嘅大少爷脾气，又让我惗自己究竟了解佢几多呢。嗰日听到妇产科医师说自己未有怀孕，生理期延迟可能是因为食返避孕药的缘故，至于验孕棒，本来检测结果就是有可能出现偏差的，自己心里都算落下一旧大石。座椅间他紧紧揸住自己的手，也瞬间松了松。出到诊室门口，他同自己笑笑，我竟然从笑颜里睇到失落。嘿，你准备好孭起一个家庭的责任了吗？借着窗外透进来的月光，伸手隔空描画他的眉目，把自己交给你，同把自己交给你，又是有这样的不同。我惗，我都未做好准备。幸好这次是乌龙喈，如果宜家为咗BB结婚，我觉得我实会嬲你啊。话嗮入行动队的基本条款四年都未做满，就算你哋话我体能唔差，都净係对女仔而言喈，在全team里根本都算不上拔尖，何况总有一日会衰退。如果现在就因为有咗BB转回文职，底时就算有机会回行动队，我都冇信心一定能pass到体能测试。　　可是如果有咗，我可以say no咩，唔使讲你唔会同意，我惗我都过唔到自己嗰关啊。想到这里，忽然又觉得自己幸运，至少唔使搵呢单嘢嚟头疼咯。俞学礼，你上辈子一定是走了狗屎运，对眼又好返，又逃过今次让我气你却奈何你不得的大头佛喇！！！　　“阿强，点解仲唔瞓嘅？”大掌没捞到想捞的人，学礼醒返，见文强掩着被单靠坐在床头揸住水杯好似望住自己发呆。　　“冇，口渴喈嘛~瞓了。”想想明天还要返工，文强朝他笑笑，放低水杯，跟住躺下。　　“冇嘢吧？”学礼搂近她问，大眼里尽是关心。　　“冇，瞓喇，早唞！”给他一个晚安吻，跟住闭上眼睛，任由他揽过自己，听着他一下一下有力的心跳声逐渐都放缓，跟住意识都神散去了天空旅行。