【回到未爱时】　　　　“喂，倾啲乜啊？”学礼和家星走进PC吧，见着全team人坐在老地方，问道。　　“你哋返嚟咗？捞到啲乜嘢啊~body定係凶器啊？”掌门见到两只下午被抓去做水鬼的兄弟，递上啤酒。　　“冇话了，我都宁愿捞到条尸，结果捞到啲~”家星坐定，接过啤酒，不由打了个冷战，“边有人咁恶心啊~” 　　“到底捞到啲乜啊？仲恶心过条尸嘅……”光仔好奇追问。　　Bob仔咽下几口啤酒，冷冷开声道：“人皮缝成嘅公仔。要听细节你哋一阵睇新闻…”　　“哇~”班男仔集体朝后仰，好似捞尸的两位先係人皮公仔嘅始作俑者，争住离他们远些。　　“你哋倾啲乜啊？”慧慧端了碟薯片过来，坐在阿源座位的扶手上，笑问。　　“係啲case啦，妳啱啱落机，唔使忙前忙后啦。”阿源忙起身俾慧慧坐自己座位，“攰唔攰啊？”　　众人又见呢对bb咁痴缠，个个都竖起鸡皮疙瘩。　　“係咯，Madam冇嚟咩？”坐了已有一会儿，仍未见文强出现，学礼忍不住问出声。　　“人哋一放工即刻走咗，bob仔，做乜咁关心人哋啊，妈打都冇嚟到，又唔见你问佢。”贱仁带着坏笑和班手足打了个眼色，“哪，趁今晚Madam唔喺度，再审你多一次，你係咪想追Madam啊？”　　“乜啊，我同Madam纯粹係兄弟。”学礼不自然地耸了耸肩，“我都讲咗几多次啦，你哋仲问~”　　“好，你真嘅净係当人哋係兄弟先好~”贱仁神秘兮兮道，“哪~我有Madam嘅料要爆~你哋有冇发觉佢呢排有啲乜特别？”　　“乜特别？Madam唔係日日返工同我哋一起操，佢入咗行动队以后都係咁，冇乜特别啊？”光仔摸着下巴思考了下，未惗到。　　“都话你啦，冇拍过拖係咁啦，冇经验。”贱仁拍拍光仔的肩，摆出一副过来人的样子，环顾众人，见大家都无惗法，遂道，“Madam呢排，电话多咗，一收工即刻走，仲有，喺餐厅食啲嘢特别少，根据我嘅观察，Madam梗系拍紧拖！”　　“贱仁，哪，你老实讲，你係咪暗恋Madam啊，观察到咁仔细？”同慧慧你侬我侬紧嘅阿源bb悠悠出声道。　　众手足闻声笑成一片，唯独有人笑里带着些纠结。　　　　“咁多位，大新闻~”周一早晨，家星走进总部大房，即刻召集诸位四散在周围讲笑、看手机、浇花的手足过来。　　“乜料啊？哪，讲定先，唔使再讲啲人皮公仔杀手落网啦，我一个朝早听咗八百次了。”龙婆拉拉声插埋手中敬俾关二爷的香，拍拍手行过来。　　“唔关杀手事，关Madam事！”见诸人目光都被吸引过来，卖够了关子，家星才爆料，“琴日我帮我女朋友去影楼摞写真，睇到Madam同个男仔~去影婚纱相！”　　“乜话？”龙婆一怔，双眼瞪圆。　　“你会唔会睇错啊~”掌门双臂交叉胸前，不是很相信地摇着头。　　“梗係唔会啦，我仲问咗影楼嘅工作人员，珍珠都冇咁真！”怕众人不信，家星摞埋只手机出嚟俾大家睇佢琴日偷影嘅相，角度问题，虽然madam块面影得唔係咁清楚，但凭头型衣着身形背包，加埋模糊嘅面容轮廓，大家都认到确实係佢。张偷影嘅相反倒是把那个无名氏准新郎影得几清，成team人传阅起家星的手机，满足自己的八卦心理。　　“哇，我就话Madam唔妥啦，净系估唔到佢咁快手，无声无息就要拉埋天窗。”贱仁托住下巴得意洋洋道，“知唔知Madam条仔乜人嚟架，又几靓仔喔~有啲似伊面咁。”说着不怀好意地瞄了bob仔几眼，见他深深端详着家星的手机，好似要把幅偷影相吞入腹内。啧~贱仁不由打了个寒颤，其实bob仔黑面起来都几得人惊啊！　　“唔知啊，我琴日赶时间，净係睇到佢哋上楼试礼服。”如果不是女朋友夺命连环call催得咁紧，家星相信自己一定可以刮到更多料~　　“咦，咁我哋要备定利是啦，封几多钱先啱啊？”光仔抛出最关心的话题。　　……　　这边厢纷纷扰扰，独留学礼一个人若有所思。　　　　展sir入来，环顾四周人齐，“大家都到咗！五分钟后操场集合！”看看手表落完order又出返去。　　“唔係啊，Madam仲未到啊？”家星发现绯闻女主角仲未到场，出声问道。　　“你哋上周五去捞啲公仔唔怪得之唔知啦，公共关系科嗰边今日有嘢做，叫madam过去帮手。”妈打拿着训练计划说明道。　　“哇，话唔定係上警讯喔！”掌门开始想入非非了。　　“上警讯都轮唔到你啦！再唔走阵间加操就有你份！”见大房内的人走得七七八八，龙婆拍拍掌门的肩打断他幻想。　　“妈打，你知唔知madam今日喺边度做嘢啊？”学礼像想起什么似的，追问折返摞笔嘅妈打。　　“唔知喔，你想知咪自己打俾佢问下咯！”妈打摇摇头，望着他失望离去嘅背影，自己真係好唔明bob仔——讲对madam无意思，成team人廿几只眼唔係盲嘅，个个都睇到佢点对madam了，大家都算识做，俾机会俾空间佢哋，结果居然搞到咁？后生仔嘅世界，佢真係唔明，中意人咪坦坦白白讲出嚟，男子汉大丈夫使咪怕丑，如果怕丑，佢当年点可以追得Grace嘅阿妈呀！　　　　平平安安练到收工，学礼打返电话俾文强，想约她出嚟，奈何人家答今晚唔得闲，乜事听日再讲。头先已经推咗掌门他们去PC吧的约，唔知今晚点打发时间，忽然手机震动起来。　　　　VIP室内　　“俞生，戒指整好咗，请您过目，如果没有问题，麻烦在这边签个字。”　　周末回家吃饭，Mummy提起自己成日戴住的戒指镶着的钻石有小小松咗，偏偏司机又放假，学礼便自告奋勇将戒指拎到家里常去的珠宝店清洗修整。刚才珠宝店打来电话通知他可以取货，反正无事，想约的人又约不到，俞大少便过去验货。　　说起来这只戒指并不是Daddy Mummy的婚戒，他们的婚戒听讲是老式的金戒指，小时候还见到他们戴，但不知什么原因后来竟不见了。现如今这只，是Daddy发迹之后重新买给Mummy的，成日见Mummy戴住。其实Daddy份人虽然脾气差点，□□点，对Mummy倒是极好的。能够相守一世，也算是幸福了。只是，自己的幸福呢，又在何方？　　　　学礼摞埋戒指从VIP室出来，店内大堂里不少顾客在选购。是了，Madam要结婚，身为好兄弟，应该送点什么吧。学礼缓下脚步，沿着展柜细细查看，心内却一片茫茫然。送什么合适，项链吗？她中意乜款式的？其实自己也一无所知。　　行过一个柜台，学礼看到一款链坠是只镶钻小鱼的白金项链，倒是挺精致，遂请柜员拿出来细看。拿在手里端详，他却又不禁苦笑，难不成因为madam中意食鱼片，就送人家条小鱼？心烦意乱，看什么都不满意，也无心听柜员详细介绍，学礼将项链还给她。　　柜员收好项链，微笑道请他慢走，跟住返去招呼旁边一对似乎是来调整戒指大小的年轻夫妻。那位太太听口音像是台湾人，学礼刚才站在她隔离，倒是听见她一连讲了好多句唔该，很客气的样子。又看了两个柜台，也没什么合心意的货品，大概今晚也看不出个所以然来了。学礼转身朝门口走去，见头先那对小夫妻出了门。　　忽得一下，学礼像是被什么闪到，他想起在哪里见过那位先生——家星早上在总部传阅的那张八卦偷拍照里，他就是传说中的准新郎。耳边回响着自己头先看项链时他们和柜员的对话：“惗唔到先两个月手指就粗咗咁多，再过几个月都唔知点算啊老公？”“傻猪，到时穿在项链里戴咪得了，你唔使愁咁多，忙完呢单嘢安心唞一阵，底时生咗就戴得落啦。”“是啊，太太，其实如果过几个月戴不下的话，妳可以再过来，我们可以帮你调的。”“我好惊调嚟调去啲戒指形都变嗮，到时就唔靓了。”……　　学礼一怔，追出去，早已不见了那对夫妻的踪影。定了定神，学礼打给家星，想让他把那张照片send给自己，谁知接起电话的却是年轻女声：“你搵星仔哪？等一阵我叫他复你好唔好，佢宜家冲紧凉。”　　看看时间，八点不到，咁早冲凉？学礼虽然自己没拍拖，但不等于不明成年人的夜生活……向对方礼貌道过谢，学礼没辙地翻了个白眼，决定四周围行下等电话。　　十分钟后，家星回电：“Bob仔，乜事啊搵得我咁急？”　　“放心，唔会阻你哋sweet好耐，方唔方便将你琴日影嘅嗰张Madam喺影楼嘅相send俾我？”　　“做乜，想箍煲啊？”家星八卦心未改，“唔係喔，你同Madam都冇开始过，点箍煲啊~”　　“你管我做乜，拉拉声send过来咪得咯，费事要你条女等你啊。”学礼没好气道。　　“咦，你又神通广大，知佢等我食佢下嘅面？”家星噗得一声笑出来，看来龙婆这神算也后继有人了。　　“乜啊~”学礼陷入一种鸡同鸭讲的状态，不打算再同他绕下去，谁知那边厢传来家星模糊的应答，“即刻到即刻到。”他正疑惑，又听到话筒里传来家星巨大的喷嚏声，唔系吧大佬，叫你send张相，唔使震坏我只耳挂？“哪，讲明先，如果你今日箍煲成功，底时你同madam结婚，免咗我封利是啊！係咁，bye！”等唔切自己反驳，那边已经收了线，跟住send来一张照片。　　折返珠宝店，学礼扮做遗失了头先调好的那只戒指，要求调看之前在柜台的监控录像，没费什么力气，就调出了那对夫妻和自己在柜台前的片段，和手机里的照片对比，确是同一人。学礼影低那人视频里的照片，向珠宝行道谢，离开。　　　　周二朝早，总部女更衣室门口，文强才换完作训服，就被守在门口的学礼拉到一边。　　“你做乜啊你？”这人怎么老是神神化化，上次是自把自为帮自己递表格，跟住是拉自己上天台，今次唔知又搞乜。　　“我有啲嘢俾妳睇。”将文强拉到僻静处，学礼拿出手机调出家星影的那张照片递给她，“呢个係咪妳？”　　接过学礼的手机，文强看过照片，一脸不可置信地瞪着他：“係啊，你做乜偷影我？”　　“再睇下一张。”学礼一脸严肃划过屏幕。　　“你做乜影低我表哥同我表嫂啊？”文强一整个莫名其妙，这人朝早发什么神经嘛……　　“乜话？你表哥同你表嫂？唔係你要结婚？”学礼比她更晕，枉费自己一整晚愁得睡不着，光是想着怎么揭开真相对她伤害比较小，又惜她未曾带眼识人，临到结婚先发觉一脚踏两船，另外那个仲陀埋BB，佢实输紧……结果这竟然是一个大乌龙？　　“我几时话我要结婚了？”怎么才三天没来总部，就传出这种哭笑不得的绯闻了。文强觉得自己跟SDU有点犯冲啊，入嚟之后拖都未拍过，一时又要帮阿源扮女友骗慧慧，一时又传出这种乌龙消息，冇阻住自己搵食先得噶。唔通呢个係阿源同慧慧行埋一起后自己嘅报应，点讲自己嗰次都是善意的谎言来的……慢住，嗰次都是bob仔搞搞震先会穿着，望着面前这个一朝早就搞到自己心都乱嗮的大只仔，文强真是气不打一处来：“俞学礼你对我有意见就讲咯，使咪玩针对啊？”　　“乜啊？”学礼本来关心则乱，刚刚获知真相一惊之下愈加支支吾吾，“我边有玩针对哪！”　　“咁呢张相喺边度得返嚟嘅？又係边个话我要结婚嘅？”文强咄咄逼人咁追问。　　“都係阿星啊……”还没回过神来的bob仔下意识就讲出去了。　　“好啊，谢家星，你整蛊我！”知晓始作俑者是边个，文强怒气冲冲朝大房走去。　　这边厢，昨晚因为帮女友修爆闸的水喉而着凉的家星，忽然又打了个喷嚏，今次真是好大祸，琴晚就唔应该同bob仔讲咁耐电话啦，好奇未害死猫，冻死自己先，打了个寒颤的家星仲未知自己将会面对啲乜嘢……　　　　“谢家星！”文强中气十足的喊声震住大房内一众手足。　　“乜事啊Madam？”刚从饮水机边接了杯热水的家星俾震得手都有点摞唔稳水杯。　　“你仲问我？我问你，你做乜周围唱我要结婚啊？”文强双手交叉别在胸前，眉头都皱埋。　　唔系吧，咁快穿咗？琴晚bob仔问自己摞照片，唔通箍煲未成功，仲出卖埋自己？重色轻友啊bob仔~唉，过咗呢关先算了。“冇啊，Madam，我哋係等你高兴嘛。”点讲madam都是自己上司，伸手不打笑脸人嘛，既然是自己理亏，摆个笑脸总没错，家星咁惗。　　“你哋哩滴唔係叫等我高兴喔大佬！”文强摇摇头，惗唔明点解啲电视剧里成日拍警队同事拍拖几有爱，怎么偏偏自己遇到嗰班，不是要自己扮拍拖气走暗恋对象的，就是乱传自己绯闻说自己要结婚的。更搞笑的是要自己帮手演戏的那个，现在又同当初的暗恋对象走埋一齐，搞到自己里外不是人咁，哎~自己RP不是真的这么差吧？　　“唔係啊Madam，我嗰日问咗影楼啲工作人员，人哋确确实实话我知你哋去影结婚相嘅，我唔知你唔想俾我哋知啊，sorry咯！”家星苦口婆心解释道。　　“你冇听过一句话叫你睇到嘅未必即係真相咩？你又有冇睇到我哋一共去咗几个人哪？”睇嘢表面，流于武断，文强顿时有了一种费事同他们讲下去的感觉，“嗰日我係陪我表哥表嫂影结婚相，我做伴娘啫。唔该你哋下次搞清楚先放消息好唔好啊，真係俾你哋激死！”说完她嘴一撅眉一皱，气冲冲出返去。行至门口撞到懵懵懂懂仲未够清醒的学礼，她也没好气地白了他一眼，哼了一声“无聊”走咗。　　俾Madam嬲咗一餐，班手足不禁面面相觑。展sir进来通知集合，也是丈二和尚摸不着头脑，头先路上见到文强黑住块面，都唔知边个激亲佢。