作者有话要说：白色【防屏蔽】情人节的番外更在微博和贴吧忘了更在这里了，再不贴都清明了可以拜山了。。。　　主持人：今天很高兴请到又一对警界伉俪参加我们的节目，这对伉俪好特别，来自绝少直接现身于大众视野的部门——特别任务连，也就是大家常说的飞虎队了，下面请两位跟听众朋友们打个招呼。　　礼：嗨，大家好，我係俞学礼。　　强：大家好，我係苏文强。　　主持人：可不可以请两位介绍一下自己具体从事嘅工作呢？　　礼：我係特别任务连行动组A team的攻击队员，我太太係我同事，不过现在转咗文职人员了。　　主持人：即係话Madam你之前也是行动组攻击队员？　　强：嗯，无错，我做咗四年多攻击队员。　　主持人：那是因为什么原因没有继续做下去？大家都觉得做女飞虎，好威的啊！　　强：嗯，身体原因。其实做文职工作一样是参与到扑灭罪行的行动，也很有意义。　　主持人：具体什么原因不能说吗？　　礼：嗯，（带着笑意的）暂时唔讲得。　　主持人：好，那我们转入下一个话题。大家其实对飞虎队都很好奇，想知道你们日常主要是做些什么？　　强：日常我哋主要係进行训练，包括基础嘅体能啦、枪法啦、仲有一些战术训练，训练喺粉岭总部或者其他一些地方进行。如果收到其他部门需要我哋协助，我哋先会出动。　　主持人：这些训练累不累？听讲SDU几难考得进？　　礼：遴选嘅要求比较严格，我哋同机场特警一起招考，第一关係pre-sele，包括跑步、游泳、掌上压、引体上升、俯卧撑等等一些基本体能测试，呢关会淘汰一批人。跟住係body check，pass咗之后先会进入Basic Sele，内容跟pre-sele差唔多，但更丰富啲，难度都高啲，呢关又会淘汰一批人。再跟住係更难嘅Basic Training，像拆弹、反恐、谈判仲有好多战术应用都会教，一般到呢关净会剩二三十个人了，其中一些人会被sdu邀请，参加Hell Week，啲内容就相当考验体能同埋意志力，一般一次遴选行到呢关就净剩下两三个人了。　　主持人：即係话Hell Week会淘汰很多人？　　礼：係，但前面嘅Basic Sele会淘汰掉更多，不过pass咗Basic Sele又冇通过Hell Week嘅人，可以选择参加机场特警高级课程，朝呢个方向发展。　　主持人：咁系咪pass咗Hell Week即係入咗sdu？　　礼：仲未，仲要参加半年到八个月嘅ACTT，即係高级反恐训练，pass嘅话先入队试用，过咗试用期先算正式加入SDU。　　主持人：哗，我听都听到头皮发麻，咁Madam你身为女仔，觉得中间最难係边关？　　强：其实关关都很难，我都考咗三次先考入。如果话边关最难，我觉得都係自己这关。因为我觉得啲sele係死嘅，人係活嘅，如果自己唔俾信心自己，咁都冇可能去发挥潜能，去坚持，就很难过到关。如果确实发挥咗潜能，但係因为体能或者其他方面限制，确实过唔到，但都算俾自己机会挑战过极限，也都有机会去其他部门比如ASU，可以丰富下自己嘅职业生涯。　　主持人：Madam我知你係香港第一个女飞虎队员，我想知道到宜家为止飞虎队有几个女队员？　　强：因为我宜家都转咗文职，如果你净係问行动组，係冇女飞虎队员。　　主持人：原来宜家飞虎队係全男班。咁你以前喺行动组，会唔会觉得有乜唔适应或者唔方便嘅地方？　　强：唔适应我觉得仲ok喔，因为转行动组之前我都喺sdu做文职，都算比较了解份工嘅性质，都预埋心理准备。但讲到唔方便，梗系有了。比如讲佢哋成班男仔夏天到郊外训练，啲天确实好热，佢哋就可能会打赤膊啊，我见到就会有小小尴尬。同埋喺郊外训练，要解决啲生理问题就比较棘手啲，要自己惗办法。　　主持人：讲咗咁多工作上嘅嘢，我相信听众朋友对俞sir同Madam嘅感情生活都很感兴趣，两位结婚几年了？　　礼：两年几。　　主持人：头先Madam话佢做咗行动组四年几，所以你哋偂酢鮝dam入行动组之后先认识拍拖？　　礼：唔係，我哋先认识，跟住我太太入行动组我哋先拍拖。　　主持人：咁你哋係几时认识，跟住俞sir你係点追到madam呢？　　礼：我入队嗰时，我太太已经係做紧文职了。咁我出行动佢就做埋support，有时都会一起参加训练。我太太嗰时想考行动组，所以常常同我哋班男仔一起training，佢係对自己要求好高嘅一个人。因为全team得佢一个女仔，佢又比我哋职级高，我就会惗，一个女仔已经做到见习督察，份工人工又高，做文职又安定，佢表现又好叻，阿头都成日赞佢，冇乜意外跟住就升两粒花（督察）了。做乜咁难为自己，嚟同我哋班男仔咁搏命去做外勤……（停住，思索）　　主持人：所以你就注意到Madam了？　　礼：係，可能我觉得当你对一个人开始感到好奇，你就会不知不觉去注意佢，如果磁场啱，就可能俾佢吸引咗，慢慢拉近距离，可能就会有啲工作以外嘅接触，更加了解佢係乜人，了解下了解下就拍咗拖，跟住拉埋天窗了。　　主持人：（笑）咁Madam你认不认可俞sir讲嘅呢part呢？　　强：我认可啊，佢嚟之前做咗功课，我听过觉得ok噶（笑）。讲下笑啦！其实我觉得老套啲讲，即係缘分咯。两个人可以走到一起，都係需要天时地利人和，我觉得我哋都好lucky。　　主持人：嗯，那不如跟两位做个小游戏，这里有两块题板，现在我要做下电灯胆，请两位分别坐在两边，我提一个问题，两位在十秒内分别写下答案，再由我念给听众听。　　（换座……）　　主持人：Ok，第一题，对方有乜特别嘅绰号或者昵称？好，我睇到Madam已经写好咗——bob仔，可唔可以解释一下？　　强：其实係佢入队嗰时，阿头问佢做乜要入飞虎，佢话佢係the best of the best，就俾啲伙计咁叫咯。　　主持人：我哋睇下俞sir呢边——飞虎之花，相信听众都明嘅。ok，下一题，两位对对方嘅第一印象係乜？今次係俞sir呢边快啲，ok我睇下——几靓嘅师姐。　　礼：因为嗰时啱啱入队，我哋唔係好熟，第一印象係咁了。　　主持人：咁我哋睇下madam呢边——大只同埋体能王。　　强：因为我会负责帮佢哋派啲训练服了，咁就睇到佢啲尺寸，係我哋队中算比较大只。仲有整理训练记录嗰阵，就发现啲体能项目，佢嘅分数会比较突出啲。　　主持人：原来两位从一开始就有注意到对方（笑）。下一题——欣赏对方哪些特质？Madam嘅答案係，唔食烟，爱运动，上进，孝顺。　　礼：其实我哋全team都唔食烟嘅……　　强：因为我几憎啲烟味，所以我觉得唔食烟好紧要咯。爱运动咪俾人感觉阳光啲，健康啲。一个男仔如果唔上进，我觉得应该好难吸引到女仔噶？佢几孝顺屋企人，我觉得男仔做到咁都很难得。　　主持人：一个唔食烟，一个憎烟味，确实一凸一凹特别登对啊（笑）。我哋嚟睇下俞sir嘅答案係，善解人意，上进，坚毅不屈。　　礼：因为我觉得做警察，要得到屋企人同埋另一半嘅支持係至关重要嘅，所以我很感谢我太太很明白事理，很支持同埋理解我。喺SDU，佢冇因为自己係女仔就放松过对自己嘅要求，唔管我哋嘅训练有几严格，啲要求有时可能对女仔嘅体能同心理来讲，都唔係好合理，但佢从来未say过no，都係尽全力去做，我觉得很多男仔都未必够她上进，咁硬颈。　　主持人：两位都係警界很优秀嘅人才，唔怪得之会互相吸引。好，我哋进入下一题——都话拍拖拍拖，咁两位第一次拖手仔係乜时候？Madam嘅答案係，高空training。俞sir嘅答案係，跳天台。　　强：其实係咁嘅，嗰时我畏高，所以sele入面有一项就一直过唔到，咁佢拖住我只手同我一起练习点从高空往下跳。　　主持人：话，听起来好浪漫喔，好似铁达尼号入面嘅Rose同Jack啊，you jump I jump咁~　　礼：（笑）其实都冇咁浪漫，我哋企度总部天台，差唔多四层楼咁高咯，地下面摆咗个安全气垫，我就拖住佢只手，话，一二三，就go咯。其实我哋嗰时仲未拍拖，佢成日都话我哋係兄弟，哩滴用宜家时兴嘅话，系咪叫基情啊（大笑）。　　主持人：啲男仔同男仔先叫基情啦，男仔同女仔啲咪叫暧昧咯。　　两人笑。　　主持人：下一题係第一次同对方约会喺边？俞sir嘅答案係，我嘅公寓。Madam嘅答案係佢屋企。哇，第一次约会就去到咁私密嘅地方啊？　　强：嗰时佢啱啱同我表白，喺嗰日放工嘅时候，跟住佢车埋我离开总部。佢就约我食晚餐，话乜私家菜，未惗到原来係佢自己整嘅。　　礼：可能我係比较守旧啲人，就觉得两个人第一次约会希望俾对方很尊重对方嘅感觉，所以约佢返自己公寓煮嘢食，我觉得准备食物嘅过程其实很能表达你嘅心意。　　主持人：那对方为自己做过嘅俾你印象最深刻嘅一件事係乜？俞sir嘅答案係，第一次补过生日，点解係补过呢？　　礼：因为嗰时我去英国培训，时间唔啱，所以后尾佢帮我补过。我觉得佢好为我，好花心思，特别感动。　　主持人：其实係如何庆祝呢？　　礼：喺我哋休班嘅短假期，佢特登准备咗旅行，我觉得好享受嗰种两个人一起出去玩，一起放松，一起去体验未去过嘅地方，啲感觉好特别。　　主持人：呢份礼物都几特别，我哋睇下madam嘅答案——係求婚。　　强：以前我睇电视电影，睇小说，入面话啲男主角同女主角求婚，跟住女主角就会喊，我觉得好夸张，都唔相信係真嘅。但係真正发生喺自己身上，又发觉，係好唔同。两个人走咗咁耐，彼此都认可对方，又都愿意去俾承诺对方，我觉得真係好需要啲勇气啲冲动，因为如果对方觉得时机唔啱，可能就会好尴尬，可能就未必会有下一次或者係其他可能。　　主持人：如果求婚俾回绝确实又几尴尬，咁俞sir你收过回绝冇？　　礼：无呀，我太太喺我第一次求婚就应承我，嗰次都係我唯一一次求婚，我觉得自己好好彩（笑）。　　主持人：咁即係话你哋timing啱啦~下一题係，你收过对方送嘅最满意嘅礼物係乜？俞sir嘅答案几特别喔，收咗，唔讲得，点解唔讲得哩？　　礼：讲出嚟惊唔灵啦~（笑）其实我太太送嘅每一样嘢我都好满意。　　主持人：俞sir你啲标准答案又唔够有诚意喔~我哋睇下madam嘅，勇于面对，係乜意思哩？　　强：即係话我觉得佢影响我最深嘅一样嘢，係无论遇到啲乜嘢，都唔好去逃避，逃避係冇用嘅，呢样嘢仲係度，只有去面对去解决，先係一个正确嘅态度。我觉得呢样嘢俾咗我好多启发好多帮助，比其他嘢更有意义。　　主持人：Madam呢番说话又相当积极，我觉得大概好嘅婚姻，就好似二位咁，互相欣赏，互相支持。咁今日嘅时间都差唔多了，感谢两位嚟参加我哋嘅节目，同听众朋友交流啲你哋喺工作同埋婚姻生活中嘅心得，多谢两位。听众朋友们，下礼拜同一时间，欢迎继续收听我哋嘅节目，再会。