作者有话要说：《飛虎II》千呼万唤始出来，但是。。。小失望呀。对手戏感觉再无从前般得心应手，缺失自然是为着什么呢~大暖男俞生突然间变身黑面神，仲可以对住madam开黄腔，madam你真係无考虑俾佢两巴咩（讲笑）。照本宣科的互动，那是我们都回不去的从前呀~　　【相处之道】　　　　“你做乜一定要跟埋嚟咧？”che完毕，坐在候机室里，文强双手交叉于胸前，气鼓鼓地撅着嘴朝身边人道。　　“睇实你咩，费事又发生啲乜唔应该发生嘅嘢，累你上唔到飞机事小，再整亲就唔好啦！”学礼一副理所当然的样子，半是玩笑半是认真道。　　“咁都唔使陪我上飞机挂？”文强挑挑眉，不满道。　　“Madam，其实俾我陪你返英国会点哩？如你话哉，我都唔係未去过。反正假都摞埋，机票都订了，冇理由唔俾我去噶！”学礼其实不是好明点解文强对自己陪她回去探亲这件事，反应咁大。　　“鬼叫你把口咁疏~”文强侧目嘟嚷道。　　“乜啊，唔係噶，你仲嬲紧上次嗰单嘢？”学礼不由哀叹道。　　说起来不过是上次A team做排爆演练，文强那组的模拟器计时故障导致提前震爆，搞到她左耳鼓膜小小穿孔，本来不算大件事，看过医生，在短期内尽量避免嘈杂环境就好。结果隔周寒流袭港，全队在暴雨中集训了一整天，不巧总部女浴室出了故障，没热水供应，她还很硬颈地冲了冷水澡，跟住就感冒了，以致穿孔的旧患处感染，半夜仲发埋烧。俞sir漏夜车她去睇急诊，再车返屋企，整夜照顾她到天亮才眯眼，才会迷迷糊糊误接了苏爸的电话，仲说漏嘴了。是，没跟烧初初才退还在睡得很深的她报备就接她手机是他不对，跟住爆出她受伤生病也是他不对，但是不这么说，那一大早他就出现在她家，还不就直指他留宿的事实吗，两权相较取其轻，他也是为她考虑好不好。　　“哪，我警告你啊，到时候小心讲嘢。”事后退了烧鼓膜好返却被屋企人唠叨了好久的Madam So实在心有余悸，鬼知道这个大嘴怪到时候又会不小心爆乜大镬。　　“Ok，ok，一切都照妳order，就算你话太阳喺西边出嚟，我都咁话。”听到机场广播，俞sir长出一口气，拖起身边人的手拉她起身，“得了得了，够钟上机了，捉实我啊，费事走失仲要机场广播，丢格嘅！”　　“放心，走失我都识路嘅，识返屋企嘅。”饶是这样说，文强还是握紧了男友的手。　　“係，你识路冇错，但你passport喺我度，你出唔到关。”学礼摇摇头逗她，大步朝登机口走去。　　“咁我passport还我~”文强说着就朝他另只手里的护照夹进攻。　　“喂喂喂，大庭广众唔好郁手郁脚，因住俾人告公众地方行为不检啊Madam~”　　“我还告你非法占有他人财物哩！”　　　　十二个钟的航程，有身边人陪伴，都不算枯燥。自父母移民后，习惯了独来独往乜都靠嗮自己的文强，此次出行有学礼帮手跑前跑后，订机票、买手信、call的士、che、托运行李大大小小他都包埋……不可谓不幸福，当然，在享受这份轻松的同时，madam So也得忍受身边人的长气以及骚扰。　　“你笑细声啲得唔得啊~”睇笑片有无必要笑成咁啊，又不是不知道自己大只，还笑到反应这么大，座位都震埋，塞着耳筒边听歌边翻杂志的文强用胳膊肘捅捅隔离这只忘形儿童，虽然头等舱排与排之间隔离比较大，于最后一排靠窗位的他骚扰范围是不太大，但总归不是太好。　　“乜啊，好好笑嘅，你睇！”学礼主动将自己右边的耳筒摘下，又意图拔下文强左边的耳筒，热情地邀她共赏片。　　“唔睇，我眼瞓，我要咪一阵。”文强强势地保卫了自己的耳筒，合上杂志插入插袋，闭上眼休息，两个人明明昨晚一样迟睡，凭什么他就那么有精神啊，不公平！　　哇，这人，睡觉还要嘟着个嘴，谁欠她啦~学礼没辙地摇摇头，按了服务铃，唤来空姐帮文强摞条毯子过来，帮她掖好毯边，调低自己这边的阅读灯，继续睇片。　　　　“哇，阿妈，你又煮咁多餸，我返嚟三天已经肥咗两斤了。”闻着饭香，文强放下和侄子康仔打得正劲的游戏手柄，冲进餐厅望望成枱面的菜，摇摇头朝厨房嚷道。　　“女仔唔好太瘦，妳睇下妳比前年瘦咗咁多，训练咁辛苦，顶唔顺嘅。”苏妈端着刚煲好的花胶杞子鸡汤由厨房走出来。“带康仔去洗手了，仲有，顺便叫你阿爸同阿礼来食饭。”　　“喔，来，康仔来洗手。”文强撇撇嘴，揽着尾随自己冲过来的侄子去洗手间，两人洗过手，见他自觉自发跑到餐桌边帮苏妈摆碗筷。文强走出门口，对花园里的两个男人喊道：“阿爸，阿礼，开饭了。”　　“收到！”正蹲着重漆篱笆的学礼停下手里的动作，将刷子和油漆桶摆到一边，直起身走过来。　　“阿爸，阿妈话食饭了。”文强走过去抢下苏爸手里的园艺剪，搀他起身。　　“知了，我剪埋呢两颗嘛。”苏爸还想夺回剪刀。　　“唔使啦，等阵留俾阿礼剪咪得咯！”说着文强回过头瞥了瞥后面的那个人。　　又係我？学礼愕然地伸出手指了指自己，见文强回头，即刻摆出一副笑眯眯的样子，翘起手指比OK状，“是了世伯，剩下的下晝等我嚟搞。”　　等苏爸进房去洗手，看学礼坐在玄关换下沾了油漆渍的工作衫，文强开声：“忙咗成朝，攰唔攰呀？”　　“OK啊，比不得你叹世界咁轻松啦。”　　“阵间康仔去瞓晏觉，我陪你漆啊！”　　“唔使，你摞把遮摞瓶水企我隔离就得了。嗯，惗唔到你梳孖辫仔都好似呢啲民国剧里嘅妹仔，嚟，叫声少爷听下。”换好衫，学礼站起身用手勾勾她下巴，带着坏笑道。　　“俞少，你再唔去洗手餸都凉了，唔係要成村人等你一个吧？”文强拖着他的手推他入洗手间。　　　　“阿妈，你唔使一直夹餸俾佢啦，等佢自己嚟。”见学礼的饭碗上堆满了菜，文强出声道。　　“做乜啊，咁你就呷醋啊？又是你自己话食我嘅饭肥咗，我先唔夹俾你。”苏妈半是玩笑半是负气玩味道。　　“乜啊，我边有肥到~”学礼在一旁，文强才不认自己胖，连忙抗议。　　“唔紧要伯母，我食，我食肥啲咪显得阿强瘦咯。”学礼连忙打圆场，成桌人听了之后都在笑。　　“你肥咗我仲中意，肥啲手感都好啲。”趁大家没注意，学礼轻轻在文强耳边道。　　“讲乜啊你！”文强又羞又好笑，踩了桌下他一脚，父母面前到底要放庄重些。　　“小姑姑同学礼叔叔讲悄悄话！爷爷话食不言寝不语！”坐在文强隔离的康仔忽然揭发。　　“好你个二五仔，亏我陪你打咗一个上晝的game！”文强在康仔的小屁屁上扭了一下以示惩戒。　　“食饭食饭，康仔，大人的事唔使理。”苏妈忙给康仔夹了只虾，“嫲嫲剥虾俾你食哈！”　　康仔瞥瞥隔离忽然又有主意：“我唔要嫲嫲剥嘅，我要小姑姑碗里嘅虾！”正给文强剥虾的学礼，给康仔剥虾的苏妈，伸着筷子预备夹虾的苏爸，和嘴里含着虾的文强，闻声不由周身一僵。　　“自己剥自己食，唔使剥嚟剥去！”终于以苏爸一锤定音收场。　　　　“係了，阿妈，今晚糖水唔使预我哋，阿礼嘅同学约我哋出去饮啲嘢。”想起晚上的节目，文强忙跟阿妈报备。　　“咁你哋早啲返啦，天文台报咗会落大雨。”苏妈叮嘱道。　　“Yes，madam！听嗮你话啦！”文强调皮地剥了只虾放进苏妈碗中，复又拍拍手道，“阿爸你话自己剥自己食，咁我唔帮你手啦！”　　见文强摆了苏爸一道，正大口进食满嘴是菜的学礼登时笑到哼出声鼓起腮帮子，忽然接触到对面的凛凛目光，方意识到失态，忙低头扒饭。　　　　用过午饭，苏妈苏爸凑康仔去瞓午觉，留下两个后生收拾残局。　　“等我嚟啦。”学礼跟在文强身后想接过她手中的碗碟，却差点跟转身太急的她来了个亲密接触。　　“行开啦！大佬！”好在女飞虎平日训练有素，才保住这一摞餐具，步入厨房将它们安放于水槽中，没好气道：“你仲想整烂我屋企嘅碗哪？”　　“喂，失手一次啧，使唔使一直摞嚟讲啊？”事出到伦敦的第一晚接风宴后某人表现太积极，和苏妈争洗碗不慎跌烂一只碟，虽然大家都话冇嘢，但有些人就时不时摞出嚟刺下人家咯。　　“咁就当我慰劳你辛苦咗成晝，请你唞下得唔得？”头也不抬专注于手上功夫的文强道。　　闲不住手又被勒令停工的bob仔背靠流理台边看女友洗碗实在好无聊，就地随手拿起筷笼里的筷子在指尖上转起来：“啊，唔知大家大半年冇见会发生啲乜嘢咧？听讲上次喺北爱嘅演习都几大规模。”　　今晚约他们出去喝东西的是去年学礼来英国培训时认识的朋友，虽然并非同文同种，但个多月的严酷培训也让这班热血阿sir们生出了别样感情，听说俞sir今次携同为特警的madam重返英伦，几个住附近又得闲的金发蓝眼sir们便趁周末来聚聚。　　“你哋就好啦，到SAS特训威水咯！”出国特训的机会并不是每年都有，SDU又人才辈出，身为行动队新丁的文强自然是向往这难得的机会，只是不知几时自己才能有幸呢。　　听她口气里带着不甘和惋叹，学礼不由停下手里的动作，细细端详她。　　“做乜啊？”见学礼不出声盯着自己，文强不明所以，“我块面污糟咗咩？”说着用没沾染到洗洁精泡沫的手臂顺着他的视线擦拭额头。　　“唔係啊。”说着学礼拉下她那只套着塑胶手套又沾着泡沫的手，凝视文强认真道：“你咁fit，实有机会嘅，我对你有信心。仲有，唔好成日皱住个眉啦。”另一只黝黑大掌则覆在她眉心上轻揉。　　“乜啊，你嫌我皱眉老得快啊？”面对突如其来地深情鼓励，文强有点不知所措，唯有挡开他的手，杏眼一瞪顾左右而言他。　　相处日久，也愈发了解文强的个性，加之此刻她的感动与羞涩已于面颊的绯红全然呈现出来，学礼并不在意她这张不饶人的嘴，行快两步，从背后揽住女友的纤纤细腰，附在她耳畔道：“边会咧？琴日凑康仔同囡囡放学，啲人唔係仲以为你係佢哋家姐？仲有，你想特训，我帮你啊，一对一贴身指导，SAS都冇咁高级。”到英国之后学礼住客房，文强则和囡囡同住一间，许久没亲热，此刻难得的二人世界，学礼的手不禁不规矩起来。　　“喂，你做乜啊你？”发现他心迹，文强一急，连忙转身推开他。　　“你整污糟我件衫啦，俾我锡一啖补数先。”学礼看着胸前的泡沫，又好气又好笑地追着文强索吻，两个人在厨房里追闹起来。　　“咳咳～”门边传来人声，两人停下脚步扭头望去，原来是举着奶瓶的苏家大嫂，她尴尬笑道：“楼上冇滚水，囡囡肚饿等食牛奶，你哋继续啦。”　　“阿嫂你哋返嚟啦？咦，唔见大佬嘅？”被大嫂“断正”两人不免有些不好意思，文强望望出边未见到大佬架车，遂问。　　“喔，新铺揾佢，佢冇返。”苏嫂仔细地往奶瓶里灌滚水，边回答小姑子。　　“囡囡打预防针冇嘢吧？”文强关心道，这小丫头一到睇医生打针就一万个不老实，她这个半瓶水的护士可是听大佬诉苦问计过。　　“头先喊到眼都红嗮，宜家瞓过一阵，冇嘢了，我返上去先了，你哋慢慢。”加好温水又在手背上挤出牛奶试了试温度，苏嫂告别二人回房。　　“你觉唔觉得阿嫂有啲怪怪啲？”目送苏嫂上楼，学礼还是没忍住问出口。　　“你仲好讲，还不都是因为你。”文强嘟起嘴回到水槽前继续洗碗大计。　　“你冇成日话别人唔话自己，你都有份整到我周身都是泡沫。”学礼指着自己微湿的衣服这一有利铁证。　　“咁你咪去换衫咯，企喺哩度做乜，阻住嗮！”继续维持头也不回的风格。　　“我等你帮我换～madam你係咪应该有小小表示先？”显然某人仲挂住心心念念未索到的吻。　　“费事睬你！”　　还是闲不住又不舍得回房换衫的俞sir摞住条干抹布站在一旁帮手拭干啲碗碟，未净得几下，又出声：“哎，头先伯母唔係话今晚落大雨，不如我哋冇返啦？”　　“我～唔～滞～”文强摇摇头否决。　　“做乜啊～落大雨冇返都好正常啧～”某人扮可怜哀求状。　　“咁你一个人饮到醉醺醺住酒店我係冇意见嘅。”睇唔过眼佢条仔浮夸嘅演技，完成洗碗大业的文强丢下这句话，带着笑意飘然远去。　　　　“你冇嘢吧？”在洗手间外等到进去了好久的文强，学礼才算放下心来。　　“咦，点解你会喺度？我冇事呀！讲电话啧，出边太吵听唔到。”文强笑笑揽住学礼手臂朝着座位走去。　　“枉我仲惊你饮大咗，同边个讲电话讲咗咁耐啊？”　　“做乜？你吃醋啊？唔话你知。”文强摇摇头，双眼含笑，一副“天机不可泄露”的样子。　　　　回程的士上，“估唔到嗰个Steven，人仔细细，真係好饮得。”讲起今晚识嘅法国佬，文强道。　　“人哋自细屋企开酒庄係咁啦～”都不知道是不是对身边人有意思，法国佬成晚都猛敬佢酒，搞到学礼心里多少有些不是滋味，两个人虽然感情都几稳定，但自己条女俾他人觊觎嘅心情都几难顶，看看身边人，大而化之仿佛全然不觉，唉～俞sir心情有谁知。　　“咦，屋企冇人嘅？”付过车资开了门，屋企静悄悄，往常这个时候，应该阿爸同阿妈都还在看电视才对。　　“可能出咗去吧？”学礼冲到洗手间解决生理问题先。　　“不是吧，咁夜连囡囡同康仔都带埋出去？乜节目啊究竟。”文强回卧室摆低背包，却不见侄女在房，正准备反包找手机，忽然门铃阵阵。文强忙下楼，透过猫眼看了看，这才开门：“唔好意思，你揾边位？”这黄皮肤黑头发的少年，她虽觉得眼熟，一时却不记得在哪儿见过。　　“强哥，啊~唔係，强姐，Uncel头先跌亲，我送佢哋去医院，头先打你电话唔通，Auntie叫你快啲过去。”这埋在记忆深处的称呼提醒了文强少年的真正身份，不过他后面的话却叫她吃惊。　　“世伯入咗医院？”才从洗手间出来的学礼听得一怔，文强已经转身冲回房间拿包了。　　夜茫茫落大雨截唔到车，都係要麻烦少年车佢哋到医院。　　学礼打给苏嫂，才问明状况，原来苏爸在浴室滑倒，原本打999，偏偏附近医院的急救车又都被派出去了，苏家大哥也联系不上，家里没车又落大雨，call的士都唔知几时先可以到，好在邻居阿豪在家，挨义气送苏家老少上医院。现在苏爸做紧手术，初步诊断是右臂和左腿骨折，问题可能不算太大，文强和学礼这才略微放下心来。　　“大佬又係嘅，咁夜都唔返，电话又唔通，离嗮大谱！”文强瞪着始终无人接听的手机生闷气。　　“可能健哥临时有啲嘢挂。”学礼安慰道。　　　　到了医院，苏爸还未出手术室，苏妈靠坐在长椅上，满眼通红，泪痕犹在。苏嫂满脸疲倦地抱着眼瞓的囡囡踱来踱去哄她入睡，康仔拿着妈咪的手机不时重拨，依然联系不上他爹地。　　苏妈一见女儿，即刻喊返：“阿强，你阿爸头先郁都郁唔到，入去手术室咁耐，我好惊啊！”　　文强连忙坐低将阿妈揽入怀中安抚：“冇嘢嘅阿妈，冇嘢嘅，阿爸一定会大步揽过。”阿爸好少生病入医院，在文强记忆中这是第二次，第一次便是当年阿爸做嘢间银行被劫匪打劫，佢中枪嗰次。当年文强仲细，第一次睇到飞虎出动，亦自此下定决心要当救人于危难中嘅SDU。　　不知熬过多久难挨的寂静，手术室的门终于打开，医生出嚟咗。大家围上去。医生简单介绍了手术情况，手术大体上比较顺利，下一步主要还是休息静养，具体恢复情况就要看苏爸的骨骼和肌肉复位了。　　众人谢过医生，送苏爸回病房。　　“好了，都夜了，你哋返去了，我睇你哋阿爸得嘅啦。”听完医生介绍，苏妈总算放心少少，仔细掖好被角，开始赶人了。　　“阿妈，我留下来睇阿爸，你同阿妹返去啦！”苏嫂怎会应允家婆守夜。　　“阿妈阿嫂，你哋冇听医生讲咩？阿爸麻药估计要到天光先至会醒。阿妈你返去啦，今晚唔瞓你听日实头痛，不如听日煮啲阿爸中意食嘅嘢嚟。阿嫂你都返去啦，囡囡日头打完针先发过噩梦，离咗你就醒，唔通你拖住囡囡瞓病房咩。有我睇阿爸得嘅了。”文强劝两位苏太道。　　“係了，搞咗成晚大家都攰了，伯母、阿嫂，康仔都好眼瞓了，你哋返去啦，我陪阿强够了。”学礼自然站在女友这边。　　“你帮我送阿妈返去啦，我一个人冇问题嘅。”大晚上老的老小的小，文强并不放心。　　“不如你返去，我睇住世伯？”　　“唔使啦，啊，我电话要冇电了，你听日带埋充电器过来啦，喺我床头。”送家人到病房门口，想起今晚工作量很大的手机，文强忙叮嘱道。　　“唔使咁麻烦，电话摞嚟。”学礼拿出自己的手机，换下电池给文强，再将她的电池装到自己手机上，“听日见。”　　　　第二天一早，趴在病床边正好睡的文强悠悠醒转，肩上的外套落咗地，她转头一看，是学礼的，咦，他们来了？床尾的置物架上放了保温壶，可病床上阿爸去咗边？文强不由一惊，正从口袋里摸手机，背后传来脚步声。　　“阿爸，你哋去咗边哪？”见学礼推着苏爸回来，苏妈在一旁拎着拐杖，文强忙接过拐杖摆到一边，又和学礼合力扶阿爸上床。　　“去厕所啦，我见你瞓得咁熟，刚啱你阿妈同阿礼来咗，咪冇叫醒你咯。”苏爸慢条斯理解释道。　　“去厕所咪喺病房上咯，做乜去出边？”给阿爸塞上厚厚的大枕头充做靠垫，文强道。　　“唔使问你琴晚实冇洗面，入面马桶塞咗，一开门好大的味道。”将轮椅移到墙边，学礼半调侃半释疑道。　　“食啲嘢啦，食饭冇讲埋啲污糟嘢。”苏妈扭开保温壶，给苏爸盛了一碗，坐在床边喂食。　　“唔係吧？”文强快步上前，将洗手间开了道门缝，“咳咳~唔得哦，有冇通知人嚟整啊？”　　“讲咗了，迟啲会换间房了。”想不到女友如此具有实证精神，学礼忙上前拉住文强，关实道门。　　“阿强，你阿妈有煮埋你嗰份，洗返个面嚟食啦。”苏爸嚼着爱心鸡肉粥，叮嘱爱女。　　“喔。”想起刚才学礼说自己没洗脸，文强不觉尴尬起来，低头出去了。　　　　换过病房　　“阿强你哋返去先，你阿妈喺度得嘅了。”见文强将餐具洗好收拾清楚，苏爸道。　　“唔使，我都唔知几精神。”文强皱眉辩驳道。　　“四点几你仲未瞓，咪几个钟边够啊，听话啦！”头先天蒙蒙亮自己口渴，个女即刻喂自己饮水，成晚得佢一个人睇，苏爸不是不心疼。　　“係咯係咯，你阿嫂下晝会嚟换我，你放心啦。”苏妈也加入赶人行列，“阿礼，帮伯母送佢返去唞下。”　　“咁好啦，有嘢即刻call我啦！”文强撇撇嘴应承道。　　“医生姑娘都喺度，你放心啦！”　　　　步出医院，文强疲态毕露，打了个哈欠靠着学礼等的士：“我大佬返咗屋企未呀？”　　“没，打佢电话飞咗去留言。”学礼一手拎着保温壶，一手揽着文强，观察她脸色小心翼翼道。　　“屋企冇其他人电话？”如果是揸车出咗意外，总会有电话通知。　　“都冇，阿嫂都揾佢唔到。”唔知係咪攰得至，文强都冇炸型。　　“唔知佢搞乜鬼，算了返屋企先了。”　　　　照顾病人不是一朝一夕的事，好在文强和学礼在，人手上才不至于捉襟见肘。文强在家里补了几个钟眠，傍晚，提前吃过晚饭，和学礼带着两个小的和鸡汤面，去医院接阿嫂兼换班。　　“大佬？”文强拎着保温壶，一手牵着康仔，学礼抱着囡囡，穿过门诊大堂，远远见到苏哥苏嫂在花园里，似乎起了什么争执。　　囡囡已挣脱学礼，滋溜下地喊着“爹地”朝父亲奔去，康仔亦跟着妹妹大步跑去。文强学礼对视一眼，急急跟上。　　“你哋来咗？”苏哥仍是昨天出门的装束，抱起女儿亲了亲脸颊，跟妹妹未来妹婿问好。　　“Daddy, why did\\\'t you back last night ”囡囡眷恋地揽着父亲的脖子问道。　　“Daddy had something to do, did you miss me ”　　“Yeah, I miss you so much.”囡囡赏了爸爸好几个面颊吻。　　“大佬，你琴晚去咗边哪？揾极都揾你唔到。”文强可没心思欣赏这幅父慈女孝图。　　“喺friend度饮大咗手机冇电啧嘛。”见细妹手里的保温壶，苏哥急忙转移话题，“阿爸仲未食饭，你哋上去先啦。”　　文强还想说什么，学礼却拉拉她衣袖，瞥见苏嫂的眼神，文强愤愤只得作罢，伸手道：“康仔，跟姑姑去睇阿爷。”　　“Jessica, go with auntie.”苏哥也放低手里的囡囡。　　“Daddy byebye，mummy byebye~”小丫头一步三回头地跟着走，康仔也不时回头。　　　　第二天一早苏妈来换班，文强和学礼没从老人家身上看出什么端倪，返咗屋企，苏哥亦不在家，苏嫂送了两个小的去上学才回来，见他们俩，便交待二人道自己要返工，午饭店里会准备让他们直接过去吃，下晝换苏哥去医院之类云云，就匆匆离去。　　“你阿嫂唔係一直返part time，点解突然间咁准时返工？”苏爸胃口渐渐恢复，苏妈准备的份也只够他一个人，两人赶着回来也没另外买早餐，现下开雪柜找牛奶准备医肚。　　“唔知啊！”文强叼了块白吐司，给剩下的几片抹果酱。　　“喂喂喂，你做乜啊？”看文强用餐刀给瓷碟抹果酱，学礼百思不得其解，这是什么行为艺术吗。　　“咦，面包咧？”找了一圈，原来某位madam大头虾把吐司放回放果酱的橱柜了。　　“做乜咁神不守舍啊？”学礼接过餐刀，把抹好果酱的吐司递给文强。　　“我觉得大佬同阿嫂有啲唔妥。”憋了一晚上不敢在苏爸面前提，文强可算解脱了，“原本唔敢肯定，睇阿嫂头先嘅表现，十有八九佢哋有嘢！”　　“咁你惗住点啊？”搞定整碟吐司，学礼都坐低用餐。　　“阵间揾大佬倾下咯，喂，你唔使跟埋嚟啦。”　　“我又冇话要跟。”这点EQ他也还是有的好吧。　　　　午饭时分，学礼去苏家餐馆，苏哥已经去往医院，问文强才知，兄妹谈话也没问出个所以然出来。　　傍晚阿嫂话公司有啲嘢可能要迟啲先收工，请文强帮手接仔女放学，见还没到换班时间，文强开车到幼儿园接康仔同囡囡。　　上车后，囡囡挂住看iPad里的卡通，安坐在安全座椅中。康仔却好似欲言又止，几度望向文强，又看看隔离的妹妹，眉头几乎纠结成个“川”字，殊不知全被文强从后视镜中收进眼底。　　“囡囡康仔，肚唔肚饿，姑姑请你哋食cup cake好唔好？”路过蛋糕店，文强停下车建议。　　小盆友自然没say no，买了点心和牛奶，三人围坐。囡囡依然看卡通看得入神，cup cake吃得天一半地一半，文强也暂且由着她去。　　“康仔，你係咪有乜事想同姑姑讲啊？”　　“姑姑，Daddy同Mummy好似嗌交，Daddy琴晚冇返房瞓，同我孖铺。”康仔虽小，但父母间不友善的气氛仍能感受到。他也知阿爷生病是大事，在阿嫲面前父母都尽量表现得像没事一样，他亦不敢乱说话。　　“你知唔知佢哋为乜嗌交？”果然哥嫂冷战，唉，想必事情小不了。　　“唔知，佢哋冇讲，但我睇Mummy好唔开心，今朝都睇到佢对眼红彤彤。”康仔低下头撅着嘴。　　“姑姑知啦，康仔返去当做乜嘢都冇发生，继续睇住Daddy同Mummy，仲有，千其唔好俾阿嫲知，知唔知？”文强拍拍康仔的头，看看时间也不早了，忙把他们带上车。　　换班时把阿爸的晚饭交代给学礼，文强截住大佬往医院花园里拉。　　“阿妹，你搞边科啊？我仲赶住返铺头盘数。”苏哥看着手表不耐烦道。　　“我问你搞边科先真，唔係揾唔到人，就係分房瞓，你冇话我知你做咗乜对唔住阿嫂嘅嘢！”文强双手交叉胸前，怒视他道。　　“佢同你讲咗啲乜？”听到分房瞓，苏哥想当然认为是苏嫂和细妹讲了什么。　　“边个佢？佢係我阿嫂，係囡囡同康仔嘅阿妈，我唔理你出边有乜莺莺燕燕，唔该你即刻断咗。”　　“我冇啊，根本都唔係我嘅问题，做乜你唔信我。”苏哥无力争辩道。　　“好，你话唔係你问题，咁你做乜彻夜不归，又同阿嫂嗌交？唔通係佢问题，我净係睇到佢帮你睇住头家，照顾阿爸阿妈，帮你生儿育女，仲要辛辛苦苦返工……”　　“唔係我要佢返工嘅，我娶咗个女人从来都唔係要女人揾钱养家！点解你哋都唔明？冇成日标榜呢啲职业女性几伟大，结咗婚预咗要有牺牲嘅了，冇可能跟未结婚嗰阵一样自由。”苏哥未等文强说完，突然爆发。“你自己将来都一样，呢个世上冇可能鱼和熊掌兼得嘅。”　　“大佬你讲乜啊？讲清楚啲啊！”莫名其妙牵拖到自己身上来，文强都没明白是怎么一回事，岂料苏哥接了个电话丢低一句“我返铺头了”，就即刻走咗去。　　文强被大佬搞得一头晕乎乎，这晚苏爸和学礼跟她说话，她也有一句没一句地胡乱应着，心却是更乱了。　　　　隔日再换班时，文强对大佬视而不见，拎着保温壶同生果径直走过去，学礼尴尬对着苏哥苦笑，复又想到什么，将他拉到一旁，“健哥，有啲嘢我想问问你意见。”　　苏哥不知他搞的是哪一出，只得点点头应允。　　　　不知为何，文强老觉得学礼这几日鬼鬼祟祟，虽然晚上是一同在医院守夜，可白天就成日神龙见首不见尾，一出去就是大半日，问他他总说没事。算了，家里的狗屁倒灶事已经够心烦了，她索性不理，他爱去哪去哪，只安心休息，帮阿妈手料理家事，接送侄子侄女。　　　　这天从医院回来，文强突然发觉屋企有啲唔同，从门口到各处都装了防滑扶手，一楼的储物间似乎也改造成了卧房。　　“咦，边个整嘅？”参观完，文强脑中腾起n个问号。　　“係健哥啦，呢几日佢从医院返嚟就忙呢单嘢。”学礼解惑道。　　“都算佢有孝心。”虽然因着阿嫂的事文强还是气着大佬，但也不得不承认这单嘢做得漂亮。　　“你係咪仲係好嬲健哥啊？”拉着文强的手，坐低沙发上享受两人时光，学礼问道。　　“我嬲唔嬲关乜事啊？关键是佢同阿嫂，康仔话佢都仲未返房。”提到这单，文强心里又不禁沉重起来。根据自己连日来寻得的蛛丝马迹，他外面应该是没人，就不知道两人是为何而吵。　　“其实今次，都唔係健哥一个人唔啱。”学礼好整以暇。　　“你知啲乜啊？快啲讲啦。”原来身边有个知情人，文强按捺不住求下文。　　“阿嫂之前唔係做part time咩？我嗰日上佢间公司网站查，原来佢以前都係间公司做全职。”　　“係啊，我记得我读书嗰阵，佢同大佬好似就喺间公司做，后尾生咗康仔，加埋阿爸同阿妈移民过来，佢先转做part time。”文强回忆起旧事来。　　“佢哋间公司呢排人事变动，四处揾人，阿嫂听讲係俾揾返去，仲做埋受薪合伙人添。”　　“咁咪好好！囡囡都返学了，铺头都开咗分店揾咗伙计帮手，阿嫂可以做返本行，又升呢做合伙人……慢住，唔係大佬唔俾佢返吧？”文强恍然大悟，“唔怪得之佢嗰日咁话啦，做人点可以咁自私，阿嫂又唔係冇为屋企付出过，做乜要否定佢啊！”　　“我又唔觉呢单嘢健哥有几唔啱喔，点样返工，屋企点安排，我觉得本来就应该两公婆有商有量先至啱，单方面做决定，本来就唔公平。你睇今次世伯入院，唔係我哋咁啱喺度，屋企人手不就紧张了。所以阿嫂都唔係啱嗮。”　　“乜啊？唔通你觉得女仔就应该为咗头家放弃自己事业，成日做个师奶先至啱？估唔到你咁自私！”文强激动起来。　　“我根本唔係这个意思，我係话阿嫂同公司签咗约先返嚟话俾健哥知，呢个行为欠考虑。”学礼一脸无奈急忙解释平息战火。　　“有咁好嘅机会，你都睇到大佬嘅态度，佢根本就唔想俾大嫂返全职，最好佢一世做part time，甚至唔出返去做嘢。嗰日佢话乜？唔係佢叫阿嫂返工，娶咗阿嫂返嚟根本就唔想佢返工。结婚唔係把另一半当做自己私人财产锁喺屋企唔俾人掂先得噶！”想到那天大佬的一番话，文强根本被这种大男子主义激到爆。　　“你讲咗去边哩？我唔信健哥有咁专制，佢都根本唔係像你讲嘅咁惗。”　　“你哋男人根本就係偏帮男人，我冇嘢同你讲！”想起大佬那天的“你将来都是一样”，文强根本坐不住，扔下一句话便转身上楼。　　“阿强！madam！你别走啊！”学礼不死心追着上楼，迎接他的只有差一公分招呼上他鼻尖的门板。　　　　傍晚去医院换班的路上，文强依然撅着嘴生气望着窗外，看都不看身边人一眼。在病房外见到大佬，更是气得“哼”了好响一声，抢过他手中的水壶，丢下一句“一丘之貉”，进了病房。　　服侍阿爸食过晚餐，文强进了洗手间清洗餐具，学礼拎着两个苹果跟进来，才要近身，文强即刻像避瘟疫一样弹得远远。　　“Madam我哋需要谈一谈。”　　“你今晚冇同我讲嘢！”冷冷一句掷过来，转身，闪人。　　学礼削了个苹果递给苏爸，苏爸接过：“唔该嗮！”　　“Madam，呢个俾你食。”学礼将另个削好的苹果连盘子一起递过去。　　“多谢，我食橙得嘅了。”说着文强从床头的果篮里挑出个橙子，抽纸巾拭净皮，拿了只筷子戳了个洞，吮起汁来。“阿爸你睇乜节目？不如睇大戏，我摞咗DVD嚟。”　　学礼悻悻地收回果盘，是要谢恩起码她回了句话而不是直接略过自己吗？　　文强陪苏爸看起了粤剧，学礼同两人讲咗声，下楼到花园里走走。　　　　十多分钟后，忽然一声枪响，在医院的建筑群间形成回声，随之而来的尖叫声、奔跑声、汽车警报声……于静谧的夜间十分震撼。文强心神一凛，跑到窗边往下望，路灯映照下，除了举着手电四围查看的医院保安，再无其他人。下意识地拿起手机拨号，却始终无法拨通，不知是收讯差还是其他原因。　　跟阿爸转述了所见的情况，不敢丢低阿爸一个人在病房，又不知外面什么情况，学礼是否安好，文强一时间不知如何是好，勉强强迫自己冷静下来，锁好门窗，寻遍整间房，可以做武器的也只得一把生果刀，一只腋下拐杖，将生果刀插在腰间，文强安抚苏爸莫害怕，并将手机给苏爸，请他重拨给学礼，自己则警醒地守着门户。　　不一会儿警车也一辆接着一辆开进来，房里的内置广播忽然响起来，解释刚才的情况是有一名羁留病房的犯人走失，该犯男性，35岁，6英尺高，中等身材，粽发蓝眼，意大利口音，该犯抢走看守病房警察的警枪一只，是极度危险人物，院方已经封锁医院所有出入口，目前警察正在逐层搜寻，请所有患者和家属留心任何可疑人物，如有发现，请在确保自身安全的前提下通知警方。　　等警方搜到这层时，又是五分钟之后了，搜索仍在继续就表明危险人物尚未落网，越久未落网，逃脱的可能性就越大。医院咁多间楼，真唔知要搜到几时。　　再过十多分钟，电视上已经开始播出医院的紧急事件，多家电视台都派了直播车到现场。　　又过了十多分钟，文强的手机响了起来，苏爸望望，“阿女，係个陌生嘅伦敦本地号码。”　　“我来听。”文强快步走过来，接过手机：“Hello？”　　　　“你点样啊？”看守着一夜的人终于睁开对眼，文强惊喜地问道。　　“嗰犯拉咗没啊？”麻药已过，伤口呲呲地抽痛还真是不太好受。　　“拉咗了。你好痛啊？我叫姑娘帮你打多剂止痛药。”文强按了床头的呼叫铃，待那头应答，遂讲明需要。　　“你唔嬲我啦？”虽是伤口痛得纠缠，见返佳人一脸关切，又觉得什么都值得。　　“唔係唔嬲，係等你好返先嬲。”轻扶他半靠着坐起身，又用棉签蘸了杯里的水润润他的唇，“医生话要中午以后先可以饮水，你先忍住啦。”　　“你话乜就係乜了，听嗮你话。”床上那个扬起一贯的笑容卖乖，“伯父呢？边个睇住佢？”　　“琴晚警方call咗我过来睇你，我咪call大佬睇阿爸咯。”　　这时护士进来，文强起身给她让出操作空间。消毒，下针，拔针，按压，一气呵成的动作没让那个挨咗一枪的人多受苦。文强谢过护士，再接过按压的棉签继续压了会儿伤口，看没再出血，才松开。转身打了个哈欠，顺便将棉签丢进垃圾桶。　　“你好攰啊？食咗早餐未？”床上那个问道，看她一脸疲倦，昨晚想必是惊心动魄又劳累无比，昨天气着他，也没好好吃饭休息，真是辛苦她了。　　“食咗了，头先大佬送咗啲嘢食过来，嗰时你仲未醒。做乜？你肚饿？要过咗中午先食得了。”文强坐回床边，“係咯，差啲都唔记得咗，打个电话俾阿爸话你醒咗。”说着拿出手机，“阿爸，係，阿礼醒咗，冇嘢啦！好，我摞电话俾佢。”　　“世伯，係，我冇事我冇事，让你哋担心了，真係唔好意思。你唔使过来睇我啦，真係冇事，唔使劳师动众。係，係，我知我知，你都好好休息。”　　跟着苏妈换班之前，专门来看了学礼，还拎了壶爱心汤，嘘寒问暖，搞得学礼几不好意思。跟住警察局又派了几个阿sir带埋鲜花生果过来，没一会儿时间，又好几个记者轮番上阵，发现学礼这样真是没法好好休息，文强忙跟院方提出抗议。院方派了保安挡了一阵记者，也给学礼换了间病房。　　中午过后，医生来检查过，确定没什么大碍，也可以进食，于是文强给他倒了一碗老妈的爱心宝汤：“鲫鱼汤嚟架，好香，你饮多啲啦。”　　“唔该嗮！”这味道跟屋企陆姐煮的又几似，上次爹地俾绑架嗰次唉咗一枪，都饮咗好多壶鲫鱼汤。　　　　是晚，苏家全员探病，连苏爸都坐着轮椅由儿子推过来，两只小的更是带了手作慰问卡，囡囡临别前还给了学礼一个超重手的goodbye kiss，笑煞全屋人。　　“健哥同阿嫂好返嗮？”学礼问冲完澡刚从浴室出来的某人，头先看两人的互动，似是破冰成功。　　“应该係吧，我头先都赶唔切问康仔。”文强松了松头发，坐到椅子上，复又坏笑道，“不如你打个电话问大佬？”　　“好啊，你摞电话俾我。”学礼亦是笑笑应承。　　文强没和他客气，将手机塞进他大掌里，却不防整个人被他顺势带入怀中，“喂，你做乜啊？”　　“你话夜茫茫仲可以做啲乜呢？”学礼不怀好意懒洋洋回道。　　“打电话咯！”文强从他手里拿回手机正要拨号，却有来电拨入，两人一看，不由面色一僵，文强深吸了一口气，终是接通应答：“喂，Auntie，係，佢喺我隔离，佢冇嘢了，做咗手术摞咗粒子弹出嚟，係，医生睇过了，话冇乜嘢，冇乜感染，都冇，好好唞下就得。好，我把电话俾佢。”　　学礼忙接过电话，带笑应道：“妈咪，係，我冇事啊，伤口唔痛，伤口好细了，真係冇嘢，唔使啦，你哋唔使过来，爹地公司又忙，你血压又高，真係唔使，我好快就返去了。唔会嘅唔会嘅，你哋放心啦。好，我把电话俾返阿强。”　　文强复又接过来：“Auntie，你同Uncle都放心，我会好好照顾佢，够，够嘅，冇嘢，我屋企人都会帮手，冇事嘅，你同Uncle要小心身体啊！好，拜拜！”　　“睇住你啊！咁大个人点睇得住，睇得住就唔使瞓喺哩度了。”收了电话，文强没好气地碎碎念了一通。　　“冇嬲啦！”病床上那个拍拍她的小脸，“係，係我唔够周全，累你哋担心，我发誓，发誓冇下次。”　　“最好你发誓有用！如果你出咗乜事，我点同你屋企人交代？”文强转头正色问道。　　“我点会俾自己有事，你睇我宜家唔係好地地。”某人……大言不惭。　　“多得哩条下水道通风都算好，如果唔係，佢开嗰枪都可能引发爆炸。其实根本都唔关你事，留返俾啲英国佬拉了，咁积极做乜啧？”文强不赞同地回应道。　　“啊，你觉唔觉得半年前喺机场为拉个犯挨咗一刀嘅人同我讲哩啲，冇乜说服力啊？”　　“好，你嫌我烦，我知，我唔讲了。”闻言起身下床，扶他躺平，拉实被子，关灯，“唔阻住俞sir你休息住，我去睇阿爸，早唞，”关门。　　“喂！又嬲……”佳人已走，得返受伤嗰只喺床度，怨自己衰多口。　　　　“Bye ~”　　“根本都唔係嚟睇我……”　　送过学礼SAS嘅同窗返嚟，文强就睇到某个病人喺床度嘀嘀咕咕。　　“喂，你做乜啊？头先就见你唔係几高兴。係咪伤口痛啊，痛冇硬撑，啲下水道咁污糟，点知有冇感染到，啲嘢可大可小嘅啊！”虽然没有实际操作经验，文强终归读过护士文凭，病人护理这方面也还记得不少，最惊某人扮有型，痛都唔肯讲，错失咗治疗嘅时机就大镬了。　　“冇，啲小小伤口边会hurt到我，你冇大惊小怪啦！”至于是伤口不痛还是心烦意乱也只得俞sir自己知啊。　　“咁你想食乜生果？我睇下，食橙好唔好啊？”果篮里的纽西兰橙都几靓，文强拣了两个大的，冲水，一个切块，装碟递给佢，一个自己吮汁。　　“唔该嗮！”被伺候的人都几受用，忽然床头柜上的平板响起来。　　“係阿源喔。”文强看了看，忙放下自己啜了一半的橙，抽纸巾抹净手，点开视频。　　“Madam，咁耐冇见有冇挂住我哋哩？”成班手足在视频里跟他们挥手，文强也拿了平板坐到床边，俞sir自然揽上她的肩。　　“喂！你哋点会打过嚟？”住咗好几日医院嘅学礼兴奋地同兄弟打招呼。　　“梗系睇到俞sir你嘅威水史，咪特登打嚟关心下咯。点吗？冇事吧？”　　“梗系冇啦，你睇我恢复得咁好，边有事啧？”某人得意忘形地拍拍胸口以证状态，文强白了他一眼费事吐槽佢。　　“咁就好了，我仲担心有乜事要转伴郎都几麻烦嘅，你知啦，唔係个个男仔都顶得住咁劲嘅伴娘嘅嘛？”将做新郎的sniper人逢喜事显然精神爽得不得了，明赞伴郎暗寸伴娘。　　“喂你个死仔包啊，讲嘢小心啲啊！”视频这头的伴娘苏姑娘于是大大地不爽，只恨距离太远鞭长莫及。　　“讲下笑啦，你哋唔喺度唔知，近排训练真係攰到返屋企嘅力气都冇。”sniper还想抱怨什么，班手足已经纷纷过来道别跟住往外走，“够钟training啦，你哋返嚟先讲啊，bye～”阿源也跟着挂断。　　“班友仔真係～”文强笑着摇摇头，放低平板。　　“Madam，sorry啊！”耳边突如其来的道歉，文强都唔知是为乜。　　“So乜rry啧，放心，佢唔会换伴郎嘅啦！”一脸莫名其妙地转头，她只看到某人萌萌的小眼神充满不安和歉疚，像极一只可怜的狗仔。　　“唔係，我係讲原本讲好咗去旅行，家下得返医院日日游……”她讲的无错，自己确实欠考虑，原本plan咗探完亲之后去南欧玩几天，最后竟因着自己鲁莽而无法成行。　　“讲哩啲……”其实就算没有他这桩飞来横祸，看着阿爸入院，讲真自己都冇乜去玩的心情了，只是未来得及同佢商量。文强复又笑道：“喂，你唔係惗住一句sorry就算吧？”　　“下次啊！下次实补返数！”学礼忙举起手指承诺道。　　“好。”文强没令他难做：“你头先唔係话医院日日游，行啦，陪你到花园兜一转。”扶他起身，穿鞋。　　医院走廊上走过一对男女，女仔小心翼翼扶住个着病号服嘅男仔，时不时叮嘱到：“慢啲啦！”　　就算有佳人在侧，医院的日子仲係几无聊，坐不住的bob仔没几天就闹出院，闹到第三次，医生终于check过先签纸放行。　　文强在病房帮手择嘢，住了几天医院，衣物、日用品、别人探病送的东西，虽然食唔嗮嘅生果都送给护士和相邻病房，余下的都还是几可观。　　推开病房门，文强拎起行李袋扶着学礼：“行得了，出院手续办好咗。”忽然又觉得不对劲，“啲袋点解轻咗咁多嘅，唔係漏低咗乜嘢吧？”未送生果出去时她掂过行李袋，都几重手。拉开拉链查看，发现少了两只葡萄酒。　　“咦，嗰日Steven送嘅两只酒哩？”环顾四周，又不见，奇怪自己明明摆入袋里面啊！　　“唔使揾了，我丢掉了。”学礼道。　　“做乜丢了啊？佢唔係话嗰两只係年份最好嘅～”文强小小惋惜道。　　“边有人探病拎酒嚟嘅，我家下嘅情况，饮得咩？”某人故作愤愤道。　　“喂，点解无啦啦咁小气啊，实有原因嘅，哪你唔讲我唔车你嘎！”无端端闹细路仔脾气，超可疑。　　“你爱信不信，反正係咁了。”丢酒那个黝黑的脸上泛起可疑的绯红，“你唔车我自己行了。”说着开病房门走出去。　　见他没行稳拐了一下，文强的心似漏了一拍，忙拎了行李袋跟上：“唔讲咪唔讲咯，我实有办法知嘅。”　　　　“Steven？”周六早上，正好睡的文强被阵电话吵醒，看看来电，居然是学礼SAS的法国同僚。　　“Yes, we got out from the hospital a back to Hongkong,he is ok now,thanks very much...OK, googbye.”原来Steven还真的如约这周末又到伦敦探学礼，才得知他出院的消息，估唔到佢哋有咁friend。身旁的位置早已没了人影，摸摸被褥仍是温热。回港之后学礼回家小住休养，她要返工，两人反而不如在英国相处的时间久，忙起上来好几天才能见一面。总算好得差不多，昨晚他来总部接放工，去完happy hour两人就返嚟公寓这边了。　　简单洗漱，步出房间，就睇到学礼喺露台举哑铃。　　“哎，咁早起身，唔瞓多一阵？”这礼拜sdu跟政府飞行服务队搞了三天的联合演练，琴晚喺PC吧班手足都嗌嗮救命了。加埋琴晚两个人都唔係好早瞓，难得周六，仲以为佢会瞓多阵，“係咪我唔喺身边，瞓唔着啊？”放下哑铃，两手扒住露台的推拉门，俞sir臭屁调笑道。　　“你惗多咗，有人成早溜溜，唔係，特登放弃周末跨国探你，你係咪好感动先？”一张嘴没说话先打了个哈欠，睇嚟仲係未瞓饱啊。　　“边有人嚟睇我？”奇怪，起身之后都无人来敲过门，学礼都唔知佢讲乜。　　“唔係嚟哩度，係去伦敦哪。”从学礼手中取过哑铃，文强也练起来。　　“乜人去探我哪？又冇打电话揾我。慢住，你点知嘅，唔通对方打俾你？”学礼心中顿时警铃大作，“Steven？”　　“哇，你又知，之前都未听你提过你哋咁friend嘅。我同佢讲我哋返咗嚟，你阵间使咪复佢call啊？”都有小小肚饿，文强举过几下还是决定医肚先。　　“点解佢有你电话嘅？”上次饮嘢应该冇俾佢机会问到才是，学礼紧张追问。　　“咪係佢同你班同学到医院探你嗰次咯，送佢哋等lift嗰阵，佢话话唔定迟啲会过来香港玩，到时约出来聚下啧嘛。你咁紧张做乜啧？佢份人好有问题咩？”摇摇手中的哑铃，文强又问，“你仲练唔练哪，唔练嘅话我收起来了。”　　“俾我得嘅了。”接过哑铃，学礼理了理思绪，复又道，“佢份人听讲係有唔少问题啊，之前喺SAS，都成日同班舍友嗌交，都係为啲琐碎嘢，你话男人老狗，咁中意斤斤计较係咪好鬼无瘾先？”　　“你都话係听讲，话唔定人哋真係相处唔到哩，哩啲嘢讲缘分嘅啦，唔夹咪容易有嗌交，都好正常啧。我哋以前喺学堂宿舍，咁多女仔或多或少都有摩擦嘅，都唔可以话乜人有问题啊。你话系唔系先？”文强从露台走到厨房，开雪柜拿出牛奶，取了自己的杯子放到流理台上，拧开牛奶罐，边倒边问，“你食咗未呀？惗住食啲乜？”　　“我啊？惗住食你！”将哑铃摆埋一边，俞sir从身后偷袭女友，见她雪白颈项，不禁心猿意马的啜吻起来。　　“喂，你搞乜啊？今日返围村，你冇搞到我唔睇得人啊！”文强即刻捂住颈后，怒视佢条仔。鬼知这人点解咁中意种草莓，家下五月天气咁热，去边度揾返件高领啊，咁大个人佢到底知唔知丑啊！　　“点会唔睇得人？哩啲咪证明我哋感情好咯~费事齐妈怀疑我哋嗌交嘛。”某人大言不惭。上次刚从英国回来，文强自己返围村带埋啲手信俾齐妈，齐妈唔见学礼去，直担心佢哋係咪又发生乜事，仲特登打电话嚟关心。　　“鬼要哩啲证明啊？到底你几多岁啊？”白了他一眼，文强愤愤地拧紧牛奶樽，开雪柜放返去，又摞咗两粒蛋出嚟。　　“要睇其他证明都得，我惗我背上应该仲有唔少嘅，只是madam你确定要俾埋哩啲俾人睇？”睇佢开火热油预备煎蛋，某人继续调戏。　　“俞学礼你讲嘢冇咁过分啊！点讲我都……”想起所谓“证明”的来历，文强一手拎着锅铲真係几想打佢。　　“係，我知你係我上司。次次讲唔过我都係嗰句，唔该你换过台词啦。”睇某人处在爆发的边缘，bob仔醒目嘅走为上着，“你慢慢哪，我去冲凉先。”　　“真衰仔！”　　　　自从上年拉咗田少，冇人嚟搞搞阵，元朗围村清净了好多，齐妈的日子也好过了不少。　　“齐妈，点解咁多饼嘅，食唔食得啊？”将背包摆低在沙发上，文强就睇到茶几上有成盒细个阵至中意嘅传统喜饼。　　“三婆嘅孙女琴日过大礼派嘅啦，中意食咪摞去咯，我一个人边食得嗮咁多啦？”齐妈手里拎了新鲜摘下的冬瓜笑笑应到。　　“三婆嘅孙女，好似係我小学同校喔~”文强没客气地拆了一包饼来尝，“仲係咁好味喔，细个阵至中意食哩种味了。”吃着饼，文强慢悠悠踱到厨房看齐妈煮餸。　　“係啊，佢同你同阿齐都读同间学校，好似叫乜，都係姓苏，苏乜莲？”正给冬瓜切段的齐妈努力回忆了下。　　“啊，我记起了，叫苏凤莲，佢嫁咗啊？三婆梗系好开心。”三婆得返一粒孙女，唔锡佢锡边个呀！　　“三婆梗系开心啦，如果你嫁咗，我同你阿爸阿妈仲开心。”　　“齐妈你讲去边啦？”幸好学礼在菜地整水喉，如果唔係，听到齐妈咁讲，实以为自己有多恨嫁。　　“男大当婚女大当嫁，使咪怕丑？”冬瓜在齐妈的快刀下变成一片片方块，只待入锅。　　“哎呀齐妈，十字都未有一划，讲哩啲做乜啊？”文强不想纠结在这个问题上。　　“齐妈，水喉整好咗啦，入面嘅橡胶片老化咗，已经得嘅了。”话音未落，学礼就拎着螺丝起子进门来。　　“多谢你啦，阿礼，快去洗个面，煮埋哩味餸就开饭了。”齐妈热情招呼道。　　“好啊！”摆低工具，趁行过特登捏了捏文强嚼着喜饼鼓囊囊的脸，学礼自去洗手间清洗。　　来不及打掉他的贱手，拍拍手中残存的饼屑，文强入厨房帮手开饭。　　　　食过晚饭，又小坐了一会儿，告别齐妈，两人沿着围村慢慢闲逛。　　“哩个水塘，真係害人不浅，我细个阵喺哩度差啲淹死，居然仲未建围栏啊！”旧地重游，文强指着个两米见方的水塘道。　　“我知，健哥话你嗰时都唔识游水，好彩阿齐拉返你上来。”虽然宜家识游水，但都无必要走到咁近，阵间跌落去咪大镬，学礼揽着文强条腰朝小径内侧走。　　“大佬几时同你讲嘅啊？点解我都唔知。”　　“做乜啊，你呷醋咩？唔抵得我同健哥咁friend啊？”学礼刮刮文强的鼻头，“我仲知道好多嘢，比如话，强哥~”　　“你讲乜啊？”听到这陌生又熟悉的花名，文强真是一阵头疼。　　“做乜，阿豪叫得我就唔叫得啊？”那天明明就听车佢哋去医院的邻居三番四次咁叫佢，佢都冇炸型，后尾先知呢单嘢背后嘅故事。　　“哪，我警告你啊！你再咁叫，我即刻反面啊！”真是此生最憎花名之一，阿豪嗰个衰仔，文强喺心入面骂佢一千遍。　　“冇咁劳躁，听日唔係要同阿源佢哋试妆，因住生多几条皱纹，夹死乌蝇都得！”　　“理你都嘥时间！”啊啊啊啊啊啊点解佢条仔把口咁衰！一定是琴晚happy hour嗰阵同贱仁倾太多嘅关系。　　　　“奇怪，点解今日条路塞成咁？”学礼开着车在隧道车河里慢慢游，虽然话周末晚高峰，照计都唔应该慢成咁。　　“係喔，唔係前面出咗乜交通意外吧？”文强忙将车载广播从音乐调频扭到交通台，原来是前方隧道出入口发生事故，载着化工原料丙烯醛的罐装车侧翻，造成丙烯醛泄露，因为泄露量较大，且挥发严重，需要即时封锁路面，等待消防署危害物质专队前来处置。　　“唔係吧？宜家都八点九个字，等到清理干净放行，最快都要到半夜……”这种事，以前守环头的时候两个人或多或少有经验，比普通交通事故阻路的时间只会更长。　　这时隧道里也响起广播，交通运输署的工作人员请隧道里的司机乘客少安毋躁，工作人员会进行疏导，尽快安排大家离开。　　　　从隧道入口出返嚟，都接近十点了。因为这条隧道瘫痪，到处都排起长龙，另条隧道亦是堵到爆，就算兜远路，都不太乐观。　　“不如今晚冇返去啦，睇呢个情况，十二点都返唔到屋企。”学礼揸了两个多钟的车兜兜转转还在元朗，虽然不比当初狙击观测训练的四个多钟难挨，却也不相上下了。　　“冇返？咁喺边哪？”文强好像没想过这个可能。　　“住酒店咯，你唔係惗住瞓车吧？哇，madam，我都唔知你有咁开放，你想嘅话，我唔会say no嘅～”　　“痴线～”什么时候了还乱咁开玩笑，文强赏了柴科夫一个白眼，又道，“但係我想返去啊，慧慧佢哋book咗听朝九点试妆，我惊赶唔切。”　　“听朝早啲起身咪得咯，宜家返去都夜瞓啦，听日试妆效果咪仲差？我揸主意啦，唔拉拉声揾酒店因住又似长洲嗰次咁，间间爆满。”学礼调转车头回元朗市区。　　　　早上俾电话吵醒的文强原本就处在唔够瞓的状态下，经过堵车一役愈发疲累。进到酒店房里，也没推辞，即刻冲凉入睡。　　学礼冲过凉，将两人换下的衣物call了room service送去干洗，又拿起文强放在床头的电话帮她充电，忽然想起什么，将她电话解锁，调出通讯录中某个人的条目，按下block键。　　终于可以安心睡觉了，定好闹钟，爬上床，sniper的伴郎将伴娘揽进怀里，早唞啦各位！