作者有话要说：《飛虎II》黃腔再咁开落去真是要弃剧的节奏，睇亲直播都心塞，你哋呢套剧唔係叫续集，係变脸~~~　　　　“你今晚惗住去边哪？”训练完在teen食晚饭的学礼问坐在他隔离的人。　　“係喔，你阵间有冇时间车我到市区，我惗住买啲bb嘢，一个同学生咗bb快满月了，都未抽到时间去探佢。”文强想起今天的日期，距离笑雯在社交网站上po消息真是过了小半个月了。　　“应该仲够时间陪你行下嘅，係咪去上次买俾妈打同阿嫂嘅仔嗰间？”今晚旧同学有约，因学礼间中学母校六十年庆，大家借此先聚一聚同埋筹划下送什么给母校留念，为了要迁就迟放工同学的时间，索性约迟点喺酒吧度坐坐。　　“係啊，嗰间活动多嘛，阿嫂都话啲嘢几靓。”文强用勺子舀着盘里的炒饭。身为A team的半个管家，集体送礼的采购任务不嬲都係她做啦，男仔夹份出钱就得，除开大件唔方便运嘅嘢先至要佢哋帮手，与其说是班手足信任她眼光，倒不如说是……懒。不过她也不介意，要是买套bb衫或是几件摆设仲要带埋成team大只仔，她也觉得烦哪，脑补下贱仁的多多声气，星仔的多多挑剔，她倒情愿一个人乐得清净。　　　　“先生小姐，请问想买点什么？”bb用品店的导购向来都热心的啦，因为女人同小孩的钱最易赚嘛。　　“我哋随便睇下得嘅了。”文强不赶时间，情愿自己慢慢挑轻松自在，“喂，你够钟你行先，唔使等埋我喔。”拿起可爱的卡通音乐相架看了看，她同身边的柴科夫说道。　　“啱啱入嚟唔使就赶我撤吧，使咪把我用到咁尽哪？”学礼也好奇地加入摆弄这些小玩意的行列。　　“随便你咯，阵间迟到唔好入我数哈！”　　　　“唔该，呢条bb毯有冇其他图案啊？”文强指着一条绿色西瓜图案带有小帽子的bb毛毯问道。　　“我帮你check一check，请稍等。”导购小姐过来看了货号，到电脑前查询，“小姐，哩度仲有黄色嘅香蕉、紫色嘅葡萄、橙色嘅柳丁同埋红色嘅士多啤梨这四种，请问你要哪一种呢？”　　“我想睇下黄色同紫色嘅。”　　“OK，麻烦等阵。”　　　　“好似黄色唔错睇喔，你觉得点啊？”文强对比两条毯，仔细查看毯子的质地和成分标签。　　“OK啊，黄色几靓眼，同埋污糟咗都易睇到。”学礼帮眼道。　　“小姐，呢条毯嘅染料，bb放嘴里有冇问题啊？”文强还不是太放心。　　“冇问题嘅，小姐你放心，我哋哩度嘅产品都入得bb口嘅，有嗮证书嘅。”导购指着标签忙解释道。　　“咁我要一条黄色嘅，唔该。”文强将信用卡睇给导购。　　“好的，请等等。　　　　“小姐，俾返卡同张单你。啊～小姐，其实你bb多大啊？我觉得你身材keep得好好。”导购见单生意成交，开心得滞不由多说了两句。　　“啊？”正将信用卡塞进钱包的文强楞了一下，不由用手指指了指自己，“你问我啊？”　　站在一旁帮手提购物袋的学礼闻言都伸手掩唇笑出眼纹。　　“係啊，我觉得一般家长好少留意啲涂料问题，呢条毯卖咗咁耐，都系你头一个咁问。”导购笑笑解释道。　　“原来係咁，不过你误会咗，我係买来送人嘅。”文强噗嗤一笑解释道。　　“喔，唔好意思。”导购连忙道歉。　　“唔紧要。”文强收好钱包，从学礼手中接过购物袋，边走边问：“你笑乜啊笑？”　　“有人话你似做人阿妈喔，你感觉点？”Bob仔还在忍俊不禁。　　“乜感觉点啧？梗系话我似人阿妈咯，唔通话我似人老豆？”咁大个人啲问题点解咁冇水准呀俞sir，你条女又白你一眼了。　　“喂，你够钟了喔，仲唔行因住迟大到!”陪柴科夫取完车，文强看时间忙催促道。　　“咁你早点返去啦～路上小心～到咗话我知。”俞sir摇下车窗同madam say bye.　　“得嘅了，bye～”文强抿抿唇同他招手。　　　　“雯雯～啊，bb好得意啊！”在笑雯姑姐的指引下，文强进到笑雯卧室，和躺在床上休息的旧同学打招呼。　　“係啊！”笑雯一副有女万事足的样子，笑得甜丝丝，逗弄怀里的女儿给文强笑一个，“bb嚟同阿姨打招呼，阿姨係警察喔，同大伯伯母一样拉坏人嘅警察。”　　“哇，我可唔可以抱下？”放低背包和购物袋，文强坐到床边跃跃欲试。　　“当然可以啦！茹茹以后都要像阿姨咁fit好唔好？”笑雯将女儿递过去。　　“你哋帮佢改咗名喇？”文强小心翼翼接过，一边逗bb一边问。　　“未喇，仲康话小名叫住先。”笑雯帮bb掖了掖领子，“佢好惊热，动不动就一身汗，仲康话似足佢细个阵。”　　“你喔，开口闭口都係仲康仲康，知你哋恩爱喇，唔係嘅话都唔会有你喇，係咪呀茹茹～”文强环顾四周，“係喔，你老公唔喺屋企啊？”　　“佢带学员去澳门比赛，要过两日先返。点吗？你揾佢有乜事咩？”笑雯拿过一旁的毛巾给女儿擦头上的汗珠。　　“冇，呢排想学打拳，惗住问下佢具体课程。”文强将bb抱还给新手妈咪方便她操作。　　“苏小姐，嚟食生果，唔好客气喇！”笑雯的姑姐端了水果盘过来。　　“唔该嗮！”文强忙起身道谢。　　“雯雯，茹茹差唔多够钟换尿片了，俾我抱去换喇。”姑姐伸手抱侄女。　　“多谢家姐！”　　“苏小姐你陪雯雯倾多阵来，我哋失陪先。”说着姑姐抓着bb的小手同两人byebye。　　“bye～”两人也笑着跟小人儿挥手道。　　　　“茹茹～daddy抱～”跟着妈咪探班的小公主受到爹地的热烈欢迎。　　“哇，茹茹，叫哥哥～”周伟棠放学员放饭，都过来凑热闹。　　“周围荡你知唔知丑啊，我同雯雯几时有你咁大嘅仔！”吴仲康立时将bb抱得远远，严防这位勾女圣手。　　“做乜咁认真啧，叫乜咪都係一句。”周伟棠继续不死心的拿了块橙逗萝莉。　　“Uncle好烦，乖女我哋唔好理佢～”吴仲康抱着女儿，跟老婆坐低等开饭。　　“喂喂喂，茹茹，你daddy好冇良心，当初佢追你mummy连人哋电话都冇，都係哥哥我贡献嘅，唔係嘅话，今日边有得你呀，係咪係先？”周sir又真是紧追不舍。　　“Madam你嚟咗啊？”吴仲康突然望向门口位置道。　　“喺边度？”只见周sir立时换咗个人似的，直起身惊慌张望。　　“人哋下晝嘅班，宜家未到都係来紧了。”一手抱女一手食紧老婆爱心便当的奶爸闲闲道。　　“啊，我突然惗起同供货商约咗倾啲嘢，雯雯你哋慢慢啊，我走先。”周sir闪人速度倒是不输出拳速度。　　“佢做乜咁惊阿强啊？”笑雯将女儿抱过来，方便仲康进食。　　“咪虾阿强係女仔，又係新学冇几耐，结果输赌，三盘皆输咯！”仲康哭笑不得同老婆解释道，“我睇佢原本係惗住借机date阿强嘅，宜家边有face啊？”　　“阿强有男朋友了啊，好似係佢同事嚟架。”对周伟棠乱勾女，仲打的是自己同学的主意，笑雯不大苟同。　　“唉，理得佢，宜家佢次次听到阿强个名都即时撤啦，你同我放宽心。”仲康安慰笑雯道，复又用手弹弹bb的嫩颊，“倒是我哋茹茹底时大个咗，要带眼识人，唔好识到似周uncle咁嘅男仔知唔知？”　　“你讲去边哪？”笑雯笑着打开仲康骚扰bb的手。