作者有话要说：俞sir你一世人最好彩除开生喺呢个有米嘅屋企，就係有邱sir咁嘅老死同埋未来俞太咁嘅女朋友！！！　　十点半，O记口供房外　　　　“阿礼，madam出嚟了。”坐在长椅上了陪巴打等了许久的轩仔在学礼耳边提示，跟住扶他起身。　　“哈几条友仔啊，睇下电视就学人标参，结果绑咗个飞虎返去，真係撞正枪口啊！”揸住笔录夹的罗小波道。　　“宜家啲犯要是个个都咁冇脑就好了！”May跟住道。　　“咁我哋飞虎咪好唔得闲？”文强笑着接了一句。　　“如果有需要，我哋可能会再揾你帮手。”Madam庄对住老公的搏命女手下都颇有几番惺惺相惜。　　“OK，随call随到。冇乜事嘅话，我就行先了？”文强问O记众人。　　“啊，madam，呢个係你嘅背囊，麻烦你check下有冇乜唔见咗？”方永彬拿着证物袋走过来。　　文强接过检查一番：“啲嘢都喺嗮度，唔该嗮！”　　“Madam其实照规矩我哋要送你到医院验返个伤嘅……”方永彬续道。　　“我冇事啊，如果有唔舒服我自己识得去嘅，唔使麻烦你哋了。”文强背起背囊起身就走，经过轩仔和学礼身边时望都不望一眼。　　轩仔尴尬同O记众人笑笑，也忙扶着学礼追上去。　　　　“阿强，你唔係惗住咁就返屋企吧，搏亲个头可大可小嘅，都係去医院check下稳阵啲。”两人组终于在电梯口追上target，学礼忙道。　　“奇怪啊俞学礼你係我边个，我去唔去医院关你乜事喈？”文强双手交叉于胸前，望住电梯楼层显示，没好气道。　　“你嬲我还嬲我，冇摞自己出气先得噶？”听声就知文强仲係气好大，白天等驻守医院的警员赶到现场，得返佢嘅背囊，他都又惊又恐，生怕她出事。　　“唔好意思啊俞大少，你太睇得起自己了。既然有人话我哋做返兄弟，我先唔得闲嬲佢，兄弟咁多个，我点嬲得过来。”文强瞥了他一眼继续用鼻孔出气。　　“Madam，其实阿礼都够钟返医院了，不然阵间查房又大灾。不如……我哋一起返喇？”扶人的轩仔看他俩僵持的状态，提了个小建议。　　Madam So即刻同邱sir声明：“唔该你搞清楚两件事先：第一，俞学礼只脚喺佢自己身上，返唔返医院你应该问佢。第二，人唔係我带出嚟嘅，返唔返同我冇关系。”　　邱sir无语望苍天，做乜夜麻麻仲要睇你哋两个耍花枪啊！　　三人进了电梯，缓缓下落，忽然文强肚子“咕噜”了一声，在安静的电梯间内听来格外清楚，邱sir灵机一动：“係了Madam，其实我哋都未食嘢，不如一起食返啲嘢先喇？”未等文强反对，轩仔即刻按了警员餐厅所在的楼层。　　　　“唔介意我哋搭台嘅哈？”邱sir自把自为扶学礼坐在文强左手边，自己坐于她对面，开始看餐单，“Madam你惗住食啲乜啊，鸳鸯炒饭好唔好？”　　文强翘埋双手，眼角瞥见学礼动作利落收起折叠手杖，跟住回答轩仔：“好～鸳鸯炒饭走鸳鸯，加杯冻柠茶。”　　原本听到“好”字准备落单的邱sir不觉头大，炒饭走葱饮料走冰他都识，这个鸳鸯炒饭走鸳鸯是个什么鬼啊，斋饭？不管了，死就死，照落让后厨头疼去吧。　　“阿礼你食乜啊？”跟住问隔离嘅巴打。　　“蜂蜜厚多士加杯鸳鸯。”学礼朝轩仔方向笑笑道。　　“OK，你哋坐，我去落单。”　　“轩……”学礼拉住准备起身的轩仔，靠近他细细声不知道在讲啲乜，轩仔听了望了望文强，点点头应好方起身落单。　　文强被看得心烦，遂掏出从现场执回的手机查看。头先在现场报完警就把手机搜出来，那几条友倒蠢唔嗮，懂得抽掉sim卡和电池，一开机蹦出20几个留言，全都是现下坐自己隔离这个人的。　　“阿强，阵间你都返医院check下喇，如果有乜血块、内出血之类的，宜家你自己係感觉唔到，等到出咗事似我咁就好大镬了。”轩仔才离开，学礼又开始连环轰炸了。　　“做乜啊，咒我似你啊？”文强撇撇嘴，没好气回道。　　学礼循声伸手过来拉她手臂：“我做乜要咒你喈？你唔好嬲喇……”　　“哪我警告你啊，公众场合你唔好郁手郁脚，因住我告你非礼啊！”文强挣开他只手道。　　“乜都睇过嗮了，仲使乜非礼啊……”学礼细细声嘟嚷道。　　“你讲乜啊！俞学礼你嘴巴放干净点啊！”文强气得即刻要从座位上弹起。　　“Madam，炒饭到咗，你哋有嘢慢慢讲嘛，相嗌冇好口嘅。”原本懒做电灯胆先站在收银台边等餐的轩仔，眼看这边就要起火，即刻端嘢食过来。他快手快脚将饮料和炒饭摆到文强面前：“饮啖茶，消消火先。”　　“我唔係要冻柠茶，点解係热嘅？”饮咗更大火，不是消火好吗？　　“额，那是因为……阿礼讲你宜家唔食得冻嘢……”才说出口，对面一道凌厉目光就直直射过来，右脚又挨上了重重的一下，轩仔真係觉得，磨心难为啊。