“喂，你喺度听啲乜啊？”发现某人在花园长椅上塞住耳机带着笑，文强悄悄绕到背后揽住他条颈跟住摘下他的iPad耳筒，换自己戴上，“咦，点解会喺呢啲啊？”　　“坐低了，条线唔够长喇！”明知自己现在奈何她不得，还整蛊自己，学礼无奈拍拍身边位置。　　“哎，老实交代，呢条片喺边度得返嚟嘅？你係咪偷开我电脑先？”坐在某人隔离，文强伸头看第一次笨猪jump时的自己，长远没看都忘记了，原来嗰时咁惊恐又咁贪玩。　　“乜啊，你唔好屈得就屈啊！嗰时都唔知边个大头虾，俾错咗自己嘅U盘我！”学礼搭上她的肩，虽然她都练出老鼠仔，比起自己仲係细细柔柔嘅，手感特别舒服。那年去澳门跳完笨猪jump，两人都各自要了一个存有自己蹦极全过程的限量版U盘，学礼出门又冇背包，梗系寄放在文强的背囊里，点知返到香港分别时就摞错咗。　　“咁两个U盘一模一样，又冇写名，我点知喈！”文强这幅模样，不知是强词夺理，定或据理力争，“就算俾错U盘，我都唔似有啲人，偷偷睇别人U盘入面条片，仲keep到宜家。俞sir，你话咁样算唔算非法占有他人财物啊？”估唔到学礼那时就对自己有意思，文强如此一想，都甚是得意。　　“Madam，照你咁话，有啲人罪仲重喔，有啲人偷走咗我颗心，佢唔喺我身边我就觉得好难呼吸，你话係咪嗰个人罪重啲？”想入他的罪，先无咁易。　　“原来你宜家係冇心肝嘅啊，嚟啊，等我check下先～”文强在他胸口挤挤揉揉趁机吃豆腐。　　“哪，我警告你唔好玩火啊！因住阵间后果自负！”学礼一手覆上她的掌，摩挲她修长细嫩的手指，“唔係话要返围村，点解得闲嚟嘅？”　　“齐妈返乡下去饮了，我返去揾边个啊，咪过嚟睇下你咯。”近看他的胡渣，好似比昨日分别时又多了不少，顽皮地捏捏他脸颊，文强问，“哪，本小姐今日心情好，请你食饭，你俾唔俾面哪？”　　“梗係俾喇，你话点就点嘛……”学礼拄起拐杖，一手搭上她手臂，两人返病房用餐。　　　　病房内　　　　“啲餸真係你整嘅？”端着便当盒，学礼吃在嘴里，犹是不够胆相信。　　“係啊，做乜，好难食咩？”明明两个人都有份食，她觉得OK啊！　　“唔係，我之前仲惗紧点解伯母嘅手势咁好，怀疑你係咪佢亲生嘅，宜家我非常之确定佢哋冇抱错个女。”俞sir啱啱先发觉，原来自己条女仲係有天分有潜质做煮饭婆嘅！　　“你讲乜啊，唔想食就出声，使乜玩针对啊？”话自己不得只仲牵拖到屋企人，整便当的那个很不爽。　　“我边够胆针对你啊，madam！如果你撇低我走咗去，我真係要喊三声喇！”啱啱氹返自己条女，再玩针对，俞学礼又不是嫌自己心血太多。　　“咁还差唔多～”以前成日挂住训练，madam边有时间钻研厨艺先得噶！　　　　吃完饭，文强清理了碗筷，见学礼死命在挠头：“做乜啊，头好痕咩？”　　“呢排成日觉得呢度有乜跳蚤之类嘅，真係好痕～你帮我洗头好唔好啊？”学礼一副很是困扰的样子。　　“原来想呃我做阿四係嘛，早讲呀俞大少～”文强牵他下床入浴室，摆低椅子扶他坐好，小心帮他冲洗头发，费事整亲眼睛。　　“都係你买嘅呢只香蕉味最啱我用，贱仁嗰只榴莲味直头闻了就想呕。”被自己条女服侍得很舒服的俞少做紧服务评价。　　“明明係自己摞错人哋嘅护发素，仲可以怪人哋，俞sir你强词夺理嘅功力都几劲喔！”文强自己后尾都好奇点解贱仁嘅洗发水係嗰种怪味，谁料贱仁反过来投诉madam佢条仔眼神好有问题，“点嘛，会唔会太重？”文强帮学礼按摩紧头皮。　　“唔会啊，都几舒服！”如果你可以咁样帮我洗一世头就好咯！　　“好了。”文强用毛巾包住学礼的头发，跟住轻轻揉擦，“喂，你做乜啊？”这人，刚洗完头就不规矩。　　“我好挂住你……”学礼依恋地将头靠在文强身前，揽紧佢蹭来蹭去。　　“冇咁喇，我件衫湿嗮了~我冇衫换啊！”夏天的衣服本来就薄透，再浸了水她还怎么见人喇！　　“唔紧要，我件衫俾你换啊~”反正自己的衫她实穿得下，大手老实不客气伸到T恤背后解开了内衣扣。　　仲嚟~“你仲要唔要自己对眼好返啊！！！”阵间眼压升高咪大镬，文强先唔陪佢一起癫！抓了他起身出门，推他坐床上自己抹头，她先回浴室整干件衫。　　　　“你嬲啊？”听到浴室风筒停下和开门的声音，却听不到文强说话，头发擦到半干的人又小小惴惴不安。但自己，如庄sir话哉，真係dry咗好耐喇，从电视城爆炸嗰单case到宜家都已经有个来月，虽然宜家睇唔到嘢，话嗮自己都係正常男仔，至中意嘅女仔喺身边，佢忍唔到，都係正常嘅。　　“係啊，嬲你咁耐仲未抹干头发！”说着文强坐到床边帮他抹头，不满道，“后日就要动手术，係咪想冻亲啊？”　　“阿强，其实……其实如果我对眼，我係话如果……如果医唔返嘅话……”学礼摸索着拉低文强之手，吞吞吐吐。　　“医唔返咪再医过咯，做乜，你唔记得应承过我啲乜？”文强提醒他对自己的承诺。　　“唔係，我係觉得，呢排咁奔波，辛苦咗你……”摆弄她的修长手指，学礼不舍又歉疚道。　　“知我辛苦就唔好乱惗嘢喇你！”噌了他一句，文强继续抬手帮他抹头。　　“阿强，好似你有电话……”视觉弱化后，学礼的听觉越来越敏锐，他听到文强手机在裤袋里微微震动的声音。　　“係咩？咁你自己抹喇！”将毛巾塞回学礼手中，文强抽出手机，见到来电显示是健身房后，怒不可遏，直接挂掉电话跟住将手机扔在床上。　　没听到讲电话的声音，反而感觉到有东西被掷于床上的动静，学礼感觉有点唔妥：“……冇嘢吧？”　　“有嘢啊！我问你，做乜郁我部电话block咗Steven？”想起这个发现，文强和他算起旧账。　　“我……我冇啊！点知係咪你自己唔觉意block嘅，你唔好屈得就屈啊！”反正没证据，俞sir自然打死都不认了。　　“真嘅唔係你？好，咁我就block埋你嘅电话……”说着文强捡返手机操作起来。　　“係我了係我了係我喇！”他家madam嘅脾气他都算清楚，嬲起上来block咗自己加埋一个星期唔浦头都得，学礼只好认了，“边有人连时差都唔睇乱打电话嘅嘛！我梗系block喇！”惗返自己以前喺英国受训，几挂住她都唔够胆打扰她休息，边似有的人……　　“咁你都唔应该问都未问过我就block佢电话啊！仲有，你点知我嘅密码？”文强仍是相当不满。　　“我知呀，我车牌号嘛……估唔到你咁care我……”学礼脸上又露出甜丝丝的笑容。　　“我贪就手喈！”文强没好气地回了一句。