【强的心语】　　　　——如果没有你没有过去不会有伤心，但是有如果还是要爱你　　　　今天发生了好多事。在医院门口终于等到call来的的士，可以回家了。上车时，车上在播深夜音乐台，先和病房里的傻佬what's app话佢知自己上了车同埋车牌号，跟住靠在后座休息。其实好久没有听车载电台的广播了，没坐他的车之后，都是坐公共交通的多。这首是《人来人往》啊，上次在车上听到都是和他讲分手那天吧。仿佛都还记得当时那股心酸，在他病房里哭到眼红红一点都不像自己，夺门而出又差点撞到护士，截了taxi上车就望住窗外，眼泪却止不住地流，从来未试过那样。和他拍拖以来的日子，想过千百种未来，却从来没想过这样的结局。　　以前真的以为，自己是执到了，靓仔又细心的兄弟同自己表白的时候，其实自己的心都扑通扑通跳得好紧要。和阿源扮拍拖惊阻住自己揾食的时候，却未想到中意自己的人也已经出现在自己身边。他拖住自己只手一起free fall的时候，先知道原来“高”也并没有那么可怕。还有在长洲把自己交给他的时候，他说那句认定自己时温柔又坚定的表情犹深嵌于脑海。但原来，自己的所有认定，是单向浅薄而且一文不值的吗？原来于他眼中自己是如此不可靠如此不可信赖不可共患难，听到他那句“我们不如就这样算了”时，心中的一角真的倾塌了。　　回到家里时，窝在沙发里复又狠狠地哭了一场，跟住同自己说，不论其他人怎样对自己，至少自己要爱惜自己。谁知没多久接到他母亲的电话，约自己出去见面。见面的话题更是可笑，可是自己不能因为他的荒诞与无情迁怒长辈，毕竟交往时，长辈都挺关心疼惜自己。想想也幸好长辈的想象并不是现实，否则，因着肚里的意外，是要上门告知，接受多一次他的拒绝或是施舍吗？跟住想起来还有一单事情未结束，可是实在伤透了心不愿再见面，等心情好返啲再去找他吧，如果分开是他想要的，那么，不拖不欠就是自己想要的。　　终于拖到这一日，休假睡饱之后，再储够勇气，跟住又去了趟医院。人不在病房，问了护士才知道在参加义工搞的活动。英挺俊朗的他穿了病号服，原来也不是那么容易从人群中被发现。走过去，想跟他借一步说保单的事，谁知道他塞了东西到自己手中。见他看不到东西，靠自己这么近都只能摸索的样子，仍是挺不好受，可是看他又适应得比上次好了一些，也许，时间能改变一切吧，像他能习惯他生理上的改变，我也在慢慢习惯没有他在左右的生活。　　都不晓得是福还是祸，居然自己都被绑匪绑了来，虽然是群身手麻麻的宵小，也还是废了自己一些力气和脑细胞。报了警，给肉参松了绑，她却还是未醒。问了几个绑匪，都说用的是哥罗芳，看来可能是剂量问题，自己没有药物和工具，只能给她用毛巾擦了脸，又将她移到通风处呼吸新鲜空气。搜出自己的电话，放进卡和电池，开机，循例的运营商信息出现在界面，谁知道跟住是留言拼命涌进来，是他的。是了，下午是去找他讲取消保单的事，却没成想根本没机会开口。听他焦急的找自己，say sorry，甚至是威胁罪犯，心里又想起好多事，可是既然说要分开，都还是说服自己不要再留恋，过去就让它过去吧！　　在O记录完口供出来，居然见到他和轩仔，不用讲都知是偷跑出来的了。不知为何见到他，自己又莫名其妙开始生气。既然说要分手，自己也都不是他的责任了，他何必来管那么多呢？一路没好气地刺他，连做陪客的轩仔也挨了几箭，滥发箭伤及无辜的后果就是无辜的那个玩起了消失，总不能大半夜真的就把他丢在警察总部不理，只得自认倒霉送他回医院。　　等电梯的时候他说不想分手了，完全不明白他，27岁的身躯配的是两岁七个月的脑子吗？听他讲了一堆有的没的，电梯却半天不到，只得同他讲，自己很累，没心情讲这些，好不容易到了一部又是满员。同他站着都是尴尬，咪行开一阵买嘢饮咯。点知返去又发现他被个死僆仔虾，真是气唔过。跟住个死僆仔仲虾埋我！滚火劈了死僆仔一下，佢仲唔知死继续撩我，结果未到我出手，佢差啲被他劈，好在死僆仔终于被他个律师阿叔领走，不然我几惊到时候要被人告故意伤害他人身体嗰个是他不是死僆仔。被个死僆仔一闹，自己倒是没那么气他了，之前听到他吸气吸得厉害，问他又话冇嘢，点知他居然整亲腿。唉，听他讲是在后楼梯跌亲，自己嘅心骤然痛了下，受伤还不好好躺医院，把这句话问出口先发觉自己原来还是好挂住他。他好似识破我心情，还拿死僆仔的字眼套我话，又是扮可怜扮企唔稳来揽我。他净係整亲眼同脚喈，臂力仲係鬼死咁劲，但又不是真的挣脱不了，鬼使神差我居然没推开他，也许心比脑更诚实吧。　　进了电梯，他问自己是不是原谅他了，那一瞬间自己真的有小小犹疑，上一次是他帮自己选了quit，这次就算自己选择不孭返责任，讲真也不算不厚道。可是，想起他的心焦，想起他的心细，想起他刚才的恳切哀求，问问自己的心，也还是在为他所牵动。如果自己真的想分手，上次在花园了解前因后果就分了，又何苦又上到病房去多一次呢？如果真的能放得下，这些天脸色也不用这么难看，残过初时以为他一脚踏两船时那段。就算是一个看不到的他，也还是那个吸引自己关怀自己，能给到安全感自己的人。没有人是完美的，就如自己脾气一样算不上多好。给了他一个台阶下，他就似从前一样开起玩笑。可是那一刻我又知他不再是他，也许最坏的情况，他这一世都会是这样，自己到时能坚持吗？还是受不了压力想要放开呢？如果做不回飞虎，他心里能接受到吗？想起两人的未来，真似在暴雨中揸紧一辆雨刷坏了的车，算了，做人最重要开心自在，想得再长远，都不如把握当下实际呢。　　送了他回医院，当然早就过了查房时间，不意外都挨了姑娘一顿训。当了回阿四帮他换衫，才不信他搞不定，难不成之前偷跑他叫轩仔帮他吗？不过也就随他去了，既然选择原谅他，当然也得包容他偶尔的细路仔脾气。再助他洗漱，他只要我扶他到洗手间，跟住似表演给我看似的摸索着刷了牙，却要我帮他抹面，明知他是撒娇，自己也应允了。上一次帮他抹面，都是旧年他接到通知要去英国受训被灌醉的那夜了，想起当时的意气风发，和这一刻已不可同日而语。抹完面，他笑笑的一脸无事的样子，催我回去，又叮嘱我明天来检查的事情。如果，如果他没有受伤该有多好呢？　　本来昨晚睡前还用手机上了会儿网，下午出门时也以为事情一会儿就能办妥，就没在意手机电量，于是在今日电话被他打爆机之后真的未能撑到家就没电了。更糟糕的是自己完全忘记今日大厦电力整修的通知，幸好摸到卧室开了笔记本给手机充了会儿电，才跟他报了平安。跟住自己摸黑去洗漱，先发觉他现下都是这般状态，黑暗，让听觉更敏锐，也让空旷和孤独更直观，不由又开始鼻酸，为他心痛。　　阿礼，如果人生就是这般多磨难，希望我们能够互相扶持，像你教我去面对和克服畏高，但愿我也可以支持你走过这一段，看到黎明的曙光。　　　　【礼的心路】　　　　今朝去医院探madam，打包咗佢至中意嘅鱼片粥上到去病房，点知佢唔喺床度，跟住听到卫生间有声响。我仲以为系佢牙疼到咁犀利，点知居然系……佢仲叫我帮手买嘢。讲真了，咁大个男仔，买呢啲嘢都系头一次喈，罢了罢了，同佢一起之后，我都做咗好多以为自己唔会做嘅嘢了，都唔差呢单。　　睇佢食埋啲粥，仲叫我帮手瞒世伯伯母，唉，我点够胆唔瞒，阵间佢又嬲先弊。讲真佢今次咁好彩，真系多得关二哥保佑，听日返总部真系要上多柱香先啱。　　　　Madam出咗院都有一排了，除开呢排我不时要陪Larine复诊，会少咗啲时间陪佢，其他都还好了。不过下昼接到madam电话嗰时Larine咁啱去咗洗手间，否则要我喺佢面前讲电话呃madam，我系惊佢误会我对佢有嘢喈。我净系唔想madam唔开心了，个傻妹都有小小care Larine之前约我过大马，又睇过我……唉，其实我同佢真系冇嘢喇，佢呢啲日日喺出边劈酒沟仔嘅皇帝女，如果我唔系睇喺Jacob份上日行一善，我真系同她keep个距离好过喇。　　今晚返围村食饭，唔知系咪我今日呃咗madam有小小犯罪感，点解觉得佢面色麻麻地，问佢佢又话净系攰得至，一排冇返工体力就去到咁渣咩？唔好话我知系之前爆炸案搞到佢有乜手尾跟喇……　　原来有手尾跟嗰个唔系madam，系我。都好嘅，如果要系佢忍受呢种痛苦，我系好唔舍得嘅。原来我会睇唔到嘢，冇得揸车，都冇得揸枪，甚至出门都要人扶……从诊所出返嚟，我试着眯埋眼行几步，虽然训练都试过戴住眼罩跳车，但训练迟早都会结束，都有得睁眼，喺陌生嘅街度，我先发觉惶恐。自问我从来都冇做过乜对不起天地良心嘅事，点解老天爷要咁玩我？　　琴晚喺PC吧激嬲咗madam，听过报告返去总部，我都冇心情氹返佢。忽然一个念头闪现，不如……就咁同佢散咗……系了，以后自己就系废人一件，谈何睇住佢……罢了，索性顺水推舟，既然佢误会咗，咪继续误会落去咯，费事以后佢跟住我辛苦，我中意佢系惗住俾幸福佢，冇谓拖累佢了。　　放工约咗Larine出嚟饮嘢，跟住扮醉要吧仔call madam嚟接我。应该系佢最后一次嚟接醉酒嘅我返屋企了噶？揽住佢膊头，我都好唔舍得。madam，你咁靓女，无谓拖住个盲仔了系咪。一路虽然冇好口气，佢仲系送咗我返屋企，又帮我抹面，帮我盖被。其实我好想拖住佢只手，话留低陪我好唔好，但都系话自己知决定咗就冇谓再拖拖拉拉，因住前功尽弃。　　第二日朝早佢仲过来探我，咪照着惗嘅嗰啲嘢讲，佢果真嬲咗，淋咗我成桶冷水跟住嬲爆爆走咗去。　　冲个凉换埋衫跟住去见保险经纪，再执埋啲手尾返大宅了。讲真我系想瞒着屋企人，但惗下都系瞒不住，如果唔俾佢哋知，自己再有乜冬瓜豆腐，仲系不孝。不过我都净系同daddy mummy讲问题唔系好大，但可能要住一排医院，唉，咁大个仔仲要佢哋咁担心……　　听日就要去医院了，食晚饭嗰阵mummy喺度叹气，daddy都净系叫我食多啲，其实我都冇乜胃口喈。点知工人话有客嚟揾我，居然系轩。佢嚟咗我又避唔到喔，佢又不停问我，冇计，我真系惊咗佢，仲麻烦过女人。不过我都话佢知千其要帮手保密，唔好俾总部班友仔同她知。　　做手术前打麻药嗰时，惗起之前有一次，她话过我对眼好靓好亮，唉，以后可能就睇你唔到了。　　冇惗过她会揾到医院嚟，仲发我烂渣，跟住俾返条匙我。我知，佢系真嘅嬲咗。其实咁就系好嘅结果了，但我唔想佢咁激气。既然穿咗煲，我都有必要同佢讲清楚，费事佢心入面有根刺，点知佢一路唔听我电话，唉，天又玩我！　　佢又嚟医院揾我，讲真，我好挂住佢了，佢有一搭无一搭同我讲嘢，听口气仲系带住气喈。都好嘅，发散出嚟先唔会郁喺心入面唔舒服。听到佢喊嗰时我真系有小小心软，都系自己衰先令到佢喊。我都求佢，冇劳气，为我唔值得。　　今日我做咗件错事，差啲害死佢。听班伙计话佢出咗事，嗰一刻我不停怪自己，做乜多事，佢先啱啱出院冇几耐，呢排心情都唔好，做乜搞到佢俾人绑埋。不过我都差啲害死自己，从嗰楼梯跌咗落去又真系几痛。　　打极佢电话都唔通，得返留言俾佢。call轩出嚟带我去警察总部等消息，轩系唔想带我出去嘅，佢话佢喺嗰边有熟人，有乜消息会话我知。我都有熟人喺度嘅，但我净系想第一时间知道madam点样啊！　　轩最尾都系带咗我去，一路话我知以后唔好咁求其讲分手，话我根本放唔低佢，今次系咁，如果下次佢喺行动入面整亲，我都会系咁，以后佢拍拖俾第二个人呃俾人hurt，我都会系咁，既然佢接受到，点解唔同佢好好行落去。唉，呢啲我都知，我梗系唔舍得佢整亲俾人呃俾人hurt，但对眼出事，我自己都冇心理准备，唔使话佢。其实佢嚟揾我，我系好高兴嘅，原来佢就似原来我认定嘅咁样，唔会轻易撇低我。　　好彩佢冇整亲边度，班贼栽喺佢手里都算唔好彩了，点讲都系我教出嚟嘅师妹，差唔到边度去。但佢唔肯去医院，我咁大个样板喺度佢居然仲唔去，我直头俾激死，咪不停劝佢了，点知佢嬲我刺我硬系咁。轩拉佢去teen食嘢，听佢嗌咗冻嘢，算算日子唔多妥，我咪叫轩换成热嘅了，顺便叫轩阵间食埋啲嘢自己走先得嘅了，唔使送我返医院。　　我估嘅唔错，睇轩唔喺度，佢都唔忍心撇低我一个人。原来我仲有机会抓住佢只手，仲有机会同佢讲咁多嘢。同佢讲咗sorry，讲埋自己心入面惗嘅嘢，佢嚟拉我只手叫我听佢讲落去，但系听到佢话已经唔够胆信任我嗰时，我又真系好受伤，原来我已经hurt佢hurt成咁。　　半日等唔到部空lift，佢咪去买嘢饮了，点知行开冇一阵，嚟咗个僆仔，同我讲借借跟住无啦啦撞我。撞我唔紧要，但系咁大力撞我有伤嗰只脚就真系好痛。结果佢买嘢饮返嚟睇我坐喺地度，问咗我乜事咪叫佢同我道歉。个僆仔唔道歉唔得只仲满嘴唔干净撩佢，第一次我未赶得切出手佢自己解决咗，第二次仲虾佢虾到出面。僆仔，唔管佢系咪原谅我，你咁样唔知死虾我条女，我硬系觉得唔俾啲嘢你知，你下次出街会俾人话冇家教。点知我又冇机会教佢喔，佢阿叔居然系成日上来大宅嘅吴大状。但都唔好俾佢咁串，我都系要佢同她say咗sorry先俾佢走。　　佢哋走咗之后，她又问我痛唔痛，哎，原来她仲系关心我嘅，我都好高兴。头先听佢拉口拉面对我不理不睬，几惊佢真系对我冇嗮fu了。本来想扮冇嘢，点知佢咁醒，发现我只脚伤咗，唉，使但了，反正都系因为佢伤嘅，俾佢知都无乜唔啱。问佢系咪关心我原谅我，佢净系噌我，都唔似头先轩喺度咁嬲爆爆，所以头先佢系……怕丑？唔理得咁多，我咪揽住佢咯，佢居然都冇推开我，系可怜我整亲嘎？使但喇，入咗lift，问多一次佢系咪真系原谅我，佢就话今次唔咁夜嚟接佢先唔同我计，下不为例。都唔知我系咪应该多谢今日整亲脚，否则话唔定佢都仲系唔睬我咯。但佢肯俾我牵住只手，我都心满意足喇，何况taxi上佢仲锡咗我一啖添！Sorry啊madam，今次咁hurt你，系我无惗清楚，高估咗自己，以后我唔会了，多谢你肯原谅我。