作者有话要说：如果我能看得见就能惊喜的从背后给你一个拥抱如果我能看得见生命也许完全不同　　这次行动，文强从冷气槽爬进去放摄像头，想不到啲犯反切入警方的监视系统，虽然穿了防弹衣，文强的双腿都中了弹。　　“呲……呲……”麻药效力消退，文强只觉得腿上的伤口钻心一般疼痛，睁开眼，应该仲未天光，能看到昏黄路灯透过窗帘的薄光。　　“阿强，你醒咗？”文强感觉自己的手被人牵起，跟住一只手朝她面上摸过来。　　“係……啊……你冇……返去嘅？”自己的紧急联系人一直留的是他的名字，俾他知也好过俾阿爸阿妈知了。　　“我帮你叫医生，你等等。”学礼摸上床头的紧急按钮，复又握着她的手安慰道，“医生话手术好成功，腿上嘅伤休养一排就冇事了，你放心。你颈唔颈渴？我斟杯水俾你润下唇，不过医生话啱啱醒返唔饮得嘅，你千奇冇吞落去，否则医生要嬲我了……”　　文强原本还想阻止他，却隐隐见到他真是好顺利从保温杯里倒了半杯水给自己，之前两个人出去，自己都习惯将事情做好，不成想原来他已经可以这样熟练做这些日常小事。　　“但係……我起唔到身喔……”好几个钟头没饮水，文强自然口渴，但双腿却似灌了铅一般沉重。　　“等我来啊！”学礼并未出手扶起文强，反而自己抿了一小口水，跟住循着文强的呼吸声朝她吻过来。　　文强嘴角牵起一个淡淡的笑容，接受下这个水分十足的甜吻。“医生嚟咗，你等等。”听到脚步声，学礼忙离开她的唇，咽下那一啖水，直起身。　　　　双腿未好返，文强虽然出咗院，仲係需要keep住复健，医生未签纸也不能归队。怕齐妈看出端倪，学礼代文强回了趟围村，说她近排在警察学校封闭培训出不来，自己代来收租，又问有无问题要帮手，虽然自己睇唔到嘢，一样可以出到人力物力，齐妈留他同司机食咗餐饭，问了许多近来恢复情况，这才总算将她受伤件事瞒了过去。　　　　“其实你唔使陪我嚟点字班喔～”下了车等紧lift，学礼对扶住自己的人道。　　“反正我喺屋企都冇嘢做了～做乜唔俾我嚟啊，係咪收埋咗第二条女惊我发现啊？”文强其实好少送他来上堂，他的课程一向都排在工作日由司机接送，放假两人多是出去郊外，听鸟鸣呼吸新鲜空气，或是在海边吹风逐浪。　　“哇，边个够胆同你争仔啊madam，唔惊俾你打爆头咩？”上个月的枪会比赛，阿源临赛前整亲只手去唔到，队内选拔就是身边人胜出，最终仲摞咗个冠军返嚟，自己和轩仔当时在现场观战，自己条女咁劲，他都余有荣焉喇！　　“你冇乱讲嘢啊，阵间啲人以为我係乜黑警就弊了。”电视台播紧嗰套卧底PK黑警的戏，真是好多槽点，文强看看周围一同等lift的人，生怕旁人产生误会。　　“madam你想象力都几丰富喔～”学礼转头笑她入戏太深。　　“又係你自己讲嘅，叫我返屋企煲剧好过了，宜家你又有意见！”文强没好气地拧了他一下，反正皮糙肉厚没在怕的。　　“呢句台词都係好耐冇听过了，madam你记忆力真係好，如果有边个争你条数以为自己唔使还就真係蠢了……”学礼回想当年，自己真是唔知死乱喷话激佢。　　“係啊係啊，我仲要收返利息添！lift到咗了，慢啲喇！”不再和他斗嘴，文强小心扶他入lift。