作者有话要说：爱情不停站想开往地老天荒需要多勇敢　　“生日快乐！”放工回到住处，文强一开门就有一束红玫瑰等着自己，好似前年牛一那晚从KTV回来时一样。　　“多谢！不过今日唔係我生日喔！”文强笑着接过男友手中的花，纠正道。明明上个月班手足喺KTV帮自己庆祝，他都在场，还俾佢哋灌醉了呢，应该唔至于咁快无印象才是。　　“今日係旧历喈嘛！”揽着她坐到餐枱前，学礼笑道，“以后你嘅旧历牛一，净係可以留返俾我一个。”　　“点解啊，俞sir？”除低警徽，执起教鞭，都係一句俞sir不改。　　“因为我要同你求婚，唔准say no嘅哈！”学礼蹲低，从自己西装内袋拿出件紫罗兰色戒盒，跟住打开，同她郑重道，“阿强，请你嫁俾我！”　　其实前几个礼拜文强半梦半醒之间曾隐隐感觉到有人揸住自己手指，想不到是在量戒围。望着他与常人无异，却再难见光明的诚挚面容，文强伸手轻抚他两颊，笑着撒娇道，“好彩你同我开口喈，否则我都唔知点算……”　　“乜唔知点算？你发生乜事，係咪整亲咗边度？”学礼听她这样说，一下子慌了起来，紧张地拉低她双手追问。　　“係啊，好大件事啊！医生话要八个月后先可以好返……”说着文强拉过他未揸戒盒只手，移到自己小腹上，“俞学礼，你要做人daddy了！”　　“啊？”学礼一下子懵住了。　　“做乜？你唔开心咩？”明明搭lift听到啲小盆友声他都会一脸艳羡地将头转过去啊！文强嘟着嘴察看他惊诧的面容。　　“唔係……我冇心理准备，我以为……你唔係食开避孕药嘅？”学礼紧张得话都说不清楚了。他对眼出事之后，不论如何努力，有些事都不是那么方便，保护措施一直是她单方面在做了。　　“都係会有漏网之鱼啊！点嘛？你係咪够胆做唔够胆认啊？”文强不经不觉有了小小怒意，撅着嘴转了个身。　　“唔係唔係！”学礼连忙否认，跟住抓起戒盒里的戒指，就往她手指上套。　　“喂，我冇应承你喔！”文强还想缩回手指。　　“乜啊，有咗仲唔应承，底时bb大个咗你着婚纱都唔好睇了！快啲了，我哋听日……听日就去注册！啊！唔係，听日礼拜六注册处冇返工，下星期一啊！我哋即刻请假，下星期一去注册！”学礼不容拒绝将钻戒套上她无名指，跟住絮絮叨叨。　　“你傻嘅啊！要先排期喈！边有咁快可以注册啊？”牵他起身在对面椅子上坐低，文强好笑地揉揉他黝黑的脸庞。　　“係喔，要先排期，仲有，要通知daddy mummy家姐同世伯伯母健哥佢哋……”经文强一提醒，学礼才想起正确的程序。　　“仲係世伯伯母？”文强坐上他大腿，揽住他条颈，捏捏他面颊质问。　　“唔係，係阿爸阿妈……”俞sir自然从善如流，未来俞太讲乜，即係乜了！“老婆，多谢你肯嫁俾我！”学礼笑得一脸甜蜜，眼角皱起笑纹，循着呼吸声就吻过去。　　谢你自己无放弃你自己喇！未来俞太在心中默念道，跟住沉浸在令自己头晕目眩的这个吻里。