“阿强，阿强！”今日工人请假，学礼整好早餐，又帮个女扎埋发辫，先发觉老婆大人仲未浦头，朝卧室嗌咗两声都无人应。他只得叮嘱女儿先食饭，自己步回卧室，环顾四周，得返洗手间关着门，忙敲门催促道，“你冇嘢吧？早餐整好咗，你快啲出嚟食了。”　　“得嘅了，你哋食先喇……”文强模模糊糊的声音从门内传出来。　　“咁你快啲喇！我阵间先送心心落楼搭校巴，再上嚟接你。”不知道老婆搞什么，这两天早上都要在洗手间摸上半天，该不是吃坏肚子了吧？两人在家里在总部吃的都是一样的食物啊，又不见自己有事！生理期？又不像……明明时间都没到，而且洗手间垃圾桶里也没出现当年她叫自己帮手买的那什么啊……学礼摸摸后脑勺，深觉女人真是一本难明的书，不管读几多年，尤其他家这位，special difficult uand...　　　　“做乜一路望住我？无见过你老公我咁靓仔咩？”上班路上，前方红灯，学礼停下车笑问副驾驶座上的人。　　“唔係……”文强望着他一如往常嬉皮笑脸的样子，苦恼地欲言又止，“冇嘢喇……”　　“咁仲係冇嘢？乜事啊？”老婆出乎意料既没回讽他皮厚，又没伸手捏捏他脸颊挑剔他胡渣没剃干净，学礼还真是不太习惯。解了自己的安全带凑近观察老婆，无斑无痘白白净净，皮肤真是好，但嘟个嘴是怎么回事，谁一早激她了？“係咪我哋班新人又激你啊madam，边个咁唔知死，你话我知，我阵间罚佢加操！你冇嬲喇，嬲咗就唔好睇了！”说着轻抚她脸颊以示安抚。　　“冇喇！”文强推开挡住自己视线的人回驾驶座，没好气道。　　“咁心心默书间中一次八十几分都好正常喈，话嗮都係细路女，慢慢嚟喇！”难道是为了女儿的学业？就说自己不好彩了，明明都签了家长联络簿了点知仲被她发现，再说昨晚父女两个都被她罚过了，还有什么不满意啊？见前方交通信号灯转绿，学礼扁扁嘴瞥了她一眼，扣好安全带准备提速。　　“你揸车就冇讲嘢喇！好烦啊！”文强转身望向左侧车窗，不欲搭理他。　　　　训了成早新学员，午饭时分，学礼回大房找老婆撑抬脚，居然揾唔到人！到teen先揾到同老死喺一角绵绵细语的邱太，一问先知老婆请了下午半天假一放工即刻走人了。打她电话又飞去留言，都不知她唱的是哪一出。无计，咪收拾心情同班手足一起食lunch咯，点知又俾贱仁笑咁失落係咪又激亲madam啊，话嗮上次受勋之后乜电视台女记者嘅无头公案佢哋仲係历历在目，唔该bob仔唔好招惹咁多桃花返嚟，醒醒定定守住屋企嗰朵飞虎之花，留返啲机会俾其他后生仔好过喇！没好气地掷了个卫生球过去，俞sir同许sir讲下次再同老婆嗌交整亲边度摞假，假纸上唔好求求其其写句屋企有紧要事一语带过，同埋做sdu居然咁容易受伤或者都是时候惗下係咪应该退休！老鸟对佢哋已经係见怪不怪，新人听闻不禁想偷笑又不够胆偷笑，都是庄sir老好人拍拍佢哋话有乜嘢料今晚happy hour先爆，宜家顾定自己嘅五脏庙先喇！　　工人请假，老婆失踪，俞sir仲边有心情落吧饮嘢，梗係放工拉拉声返屋企凑女好过喇！点知原来老婆已经喺屋企，仲要係老婆去学校凑个女返嚟。唔想喺个女面前同老婆有口角，食咗夜饭见个女入房温书，佢先够胆搂搂老婆条腰问下午去边度，点知老婆推开佢叫佢洗埋啲碗，跟住就入了卧室。　　“老婆，你冇事吧？”执埋啲手尾，俞sir返卧室，见俞太已经躺下，明明时间还早，不禁担心她是否有哪里不妥，忙凑上前去察看。　　“我眼瞓，你冇烦住我喇！”俞太扯过被子转了个身背对他，继续闭着眼。　　“你好攰啊？咁我唔阻你喇，早唞！”见老婆情绪不佳，俞生扁扁嘴起开身，自去冲凉。