“喂喂喂，你哋话阿礼係咪又做错啲乜事，激嬲咗madam？”PC吧，许sir饮了啖啤酒，皱皱眉问班新旧手足。　　“阿礼有乜事啊？”光仔疑惑地转头望望贱仁。　　“係了阿光，係时候发挥你哋CIB嘅功力，你讲，呢排又有冇乜新扎师姐杂志记者对我哋俞sir有兴趣？”阿源想想也觉得bob仔这阵子很有问题，一返工即刻做咗madam So嘅阿四，帮佢洗水杯拎手袋不在话下，仲好声好气，连以前嘅俏皮话都好少讲，睇怕真係做错嘢先喺度咁勤力补镬，忙追问转职情报科的巴打摞料。　　“冇啊，上次嗰个电视台女记者后尾唔係都俾阿礼po，跟住佢咪同公共关系科讲咗无论乜访问都通通唔接受，有问题sent文稿俾佢佢会复返，采访就唔使真人浦头了。照计嚟讲应该无乜人咁唔知死，够胆再撩A team阿头啊？”光仔把自己听闻的全都讲嗮出嚟。　　“咁阿礼又真係转死性喔！”离开SDU到PTS任教有两年几的掌门，听了贱仁跟自己耳语的俞sir近排表现，搓搓下巴深觉认同。　　“慢住，你哋讲会唔会仲大镬，比如讲~”谢家星望了望四周环境，压低音量神神秘秘道，“阿礼喺出边有咗第二头家？”　　“切~”诸手足齐齐喝倒彩。　　“阿头係唔想捞咩？如果佢够胆有第二头家，成早上演血洒粉岭总部嘅悲剧了，仲可以安安乐乐活到宜家！”王子传都觉谢sir这个讲法荒谬，自己虽然迟入队，但阿嫂分明就是那种眼里容不得沙子的人。上次嗰个电视台姐仔不识分寸，阿嫂就直接冷战阿头一个月喔。如果阿头够胆咁样乱嚟，阿嫂梗係嬲得直接摞大假走人都得了，仲会俾机会阿头箍煲？再讲阿嫂以前都唔係做文职，係做正牌飞虎队员嘅，身手枪法都是一等一，要ko阿头仲惊冇机会？　　“星仔，好心你了，阿礼唔惊阿强直接带住心心返外家啊？”龙婆虽然都喺O记做咗五年几，但次次聚会睇到学礼都是咁样锡屋企两条女，都是做人老豆，点会唔知嗰种牵挂仔女嘅心情。　　“唔好意思，我迟咗。”瀚韬终于浦头，见班老友神情古怪，坐低开了只啤酒问道，“你哋倾啲乜啊？”　　“喔，冇……讲紧阿礼嘛！”sniper答复姐夫。　　“哎，係了，佢同阿强冇嚟嘅？”听妻弟一讲，展sir先发现呢pair无现身。　　“睇怕都係返屋企慰妻喇~”阿源不怀好意地坏笑，跟住将总部近排的事讲给高升到警政大楼的前阿头听。　　　　检查完女儿的作业，学礼返卧室，枕边人又是一早已经入睡。随着月份增长，文强早孕的爱瞓反应愈嚟愈明显，好在近来胃口都还不错，工人煲的汤在自己监督下她都饮得干干净净。不过讲真还是消瘦了些，他知她近排睡得不好，凌晨总是要醒转一阵，唯有期盼她上半夜休息得好些，轻手轻脚洗漱上床，跟住调暗床头灯。　　夜里，轻眠的他被床褥间的震动吵醒，原来是枕边人起夜。他忙跟着起身：“我扶你。”　　“唔使了，我自己嚟，你瞓得嘅了。”文强轻轻挥挥手，自去洗手间。　　“饮杯热奶好唔好？”见文强出返嚟，学礼将叮过的牛奶递过去。　　“唔想饮~”文强睡眼惺忪地摇摇头，跟住掀被上床，“瞓了。”才躺倒，忽然一只坚实的手臂伸过来，搭上她腰间，跟住是枕边人熟悉的鼻息从颈侧传来，“老婆，辛苦你了！”　　“冇讲住了，阵间瞓唔到，bb要嬲你喇！”文强抿抿唇，拍拍搭在自己小腹上的大掌，“早唞。”　　“早唞！”学礼伸脚将她微凉的双脚夹住，用自己的体温煨暖她，伸手熄灯。