“哇~恭喜阿头恭喜阿嫂！”中午teen，学礼拎了一大纸袋曲奇饼朱古力派给班手足，邱太则拉低俞太做到一边喁喁细语。　　“做乜一路都冇讲啊？点嘛，宜家几个月，有冇边度唔舒服喈？”邱太摸摸俞太稍稍显怀的小腹，关心询问。　　“啱啱四个月喈，冇嘢就冇讲住喇，费事你哋成村人担心喈。”俞太块面经过几个月的精心喂养，终于略微长了点肉。　　“点解宜家先有第二个？唔係……乜意外吧？”邱太看看她脸色，想想她近排的精神状态，也略略放下心来，不禁又好奇道。　　“喂，唔係你都要笑我吧？”文强笑着轻拍了她一下。　　“我笑你都係轻嘅喇，你嗰个俞sir睇怕先冇咁容易收科！”小雨抬头朝长桌那边努努，跟住又了解地点点头说，“唔怪得之佢哋上次喺度估，阿头係咪又做错啲乜激嬲你，原来唔係做错，係搞出人命。”上次她陀住心心嗰阵，学礼还在特殊教育学校执教，所以没有这种反常表现的前例参照，手足们会误读都唔出奇了。　　“我理得佢咁多啊~”文强没好气地应了一声。　　“理得边个咁多啊？”果然日头唔讲得人，学礼端了餐盘过来，老死邱sir则是跟着拉老婆起身，费事做人哋嘅电灯胆。　　“你哋慢慢喇，多谢！”邱太晃晃手中装了朱古力和曲奇饼的纸袋朝学礼点点头，跟轩仔坐到隔离桌去撑抬脚。　　　　“哇，又係二肚汤啊？我唔饮~”看了学礼放低的汤碗，文强瞬间没了胃口，摇摇头坚决抵制。　　“笑姐话专治燥热的，啱嗮你喇，听话~人哋一大早煲咗好几个钟，你唔饮唔係嗮嘥人哋心机？”学礼一边将饭餸摆到枱面，一边笑着安抚老婆道。　　文强皱眉反驳道：“日日饮啲汤几好饮都冇味喇！我唔理，我要你嘅粟米排骨汤！”不等他反对，文强就先下手为强，将他的汤碗端到自己面前。　　“陀B嗰个係你唔係我啊，大佬~”学礼伸手欲摞返自己的汤碗，却被只白嫩纤手按住自己的黝黑手腕，欲使力，又惊整亲大肚婆，看她嘟着个嘴唔开心的样子，学礼想了想妥协道，“最多一人一半喇，咁得没？”　　“好！”文强想都没想就即刻点头，跟住捧起饭碗开始用餐。　　“好似啲汤同你都亲过我~”学礼细细声嘟嚷了句，给她夹了块汤里的猪肚，见她又皱眉，跟住又夹了块玉米，“冇挑食喇，因住BB似你就弊了~”　　“我嘅BB梗係似我了，仲可以似边个啊？”文强啃着玉米口齿不清道。　　“梗係似我咯！”夹菜那个笑着补上一句。　　　　“俞sir~”妈妈教室外，学礼刚听完电话准备推门，点知听到有人唤自己，转头睇到来人，瞬间面色不郁。　　“卓小姐~我惗我上次已经讲得好清楚，如果仲係令你有乜误会，我净係可以讲声对唔住。唔该你莫再烦住我了！”行到一边角落，学礼对来人冷声道。　　“唔係，我净係行过同你打声招呼喈。我冇喺电视台做了，上次……係我醉后失仪，真係唔好意思。”来人眼眶微红，解释道。　　“我先入去了。”学礼听过后，面无表情点点头，再见都没有一句，便走进妈妈教室，身后却有双长情的眼始终视线不移。　　　　“喂，呢件点样啊？”文强拿了件粉黄色BB衫问身边人，产检结果得知第二名仲係女，两公婆都挺开心，不过当年心心着细嘅衫大部分都送咗俾人，趁今日day off，送咗个女去兴趣班学画画，两人咪出嚟shopping下咯。　　“几好啊，你觉得靓就得嘅了。”本来这些BB嘢，学礼自己就不是很在行，好彩心心都似老婆喇，皮肤白雪雪，如果似自己旧炭咁黑，真係要喊三声了。　　“切~问你不如问墙~”问他什么都说好，要自己揸主意，那何必带他出来挑，文强给了身边人一个白眼，示意sales要一件手上的货品。　　“好，先生太太你哋稍等。”接过文强手上的衫和学礼递过的信用卡，sales自去结账。　　“啊，弊了~”看到货架上的促销标签，文强忽然道了句。　　“乜事啊？”学礼搀她坐低，侧脸关心道。　　“唔记得帮心心换限量版手表，今日係last day！”文强说着打开手袋，从皮夹里掏出印花和会员卡递给学礼，“你快啲去喇，铺头喺八楼，换嗰只紫色嘅！”　　“啊？”学礼接过，仲係懵醒醒。　　“快啲喇，佢哋今日放半晝，你仲唔去阵间铺头关门了！”文强见这人还这么慢吞吞，没耐烦地推他起身，养兵千日用兵一时这道理他这team leader怎么不懂啊。　　“咁你喺度等我，冇一个人四围走啊~”学礼看看会员卡上的地址，起身行了两步复又回头叮嘱道。　　“得嘅了，电话联络。”不是自己操身大细文强宁愿自己跑这一趟喇，对住个长气的人，她真是觉得累咧。　　　　“阿强~”回到童装店，不见老婆，揸住纸袋的学礼问起头先帮自己买单的sales，“唔好意思，请问有冇留意我太太去咗边？”　　“喔，嗰位太太好似头先出咗去，我冇留意喔，唔好意思~”sales回忆了下，同他抱歉道。　　“唔该嗮~”打文强电话又飞去留言了，不知道是信号问题还是什么，找不到人的学礼不免有些着急，行出铺头，学礼四围张望，见楼下扶梯口围了好多人，不禁朝那个方向走。途人的耳语入到他耳内，“哇，好似係个大肚婆喔，流咁多血……”他顿时脑中警铃大作，从逆行的扶梯上大步奔下去。