“到底去咗边啊？”文强拎着购物袋从lift里走出来，明明两人就是前后脚，担心他换错只手表，自己在童装店找数完都跟了上去八楼，但sales就话学礼来过又走了，回到童装店这边sales也话他刚刚回头找过自己，打电话又不通。见前面围起警戒线，又来了医护人员和担架车，她亦走到一旁围观。　　担架车送了伤者离开，警戒线也随之撤开，文强竟然在人群里见到满身是血一脸苍白的学礼，她紧张地小跑过去：“阿礼，点解你会……”　　话音未落，学礼反应过来眼前人是谁，即刻紧紧将她拥进怀中，口中喃喃：“老婆，好彩唔係你，还好你没事……”　　“喂～我透唔到气了！”文强拍拍他的背，挣扎道。　　“Sorry……”学礼缓缓放开她，凝视她的眼神里满是心疼与珍惜。　　“你去咗边啊，点解周身都係血嘅，边度整亲啊，我哋去医院了！”辅一解除身上的束缚，文强就照着他身上的血渍处按去。　　“冇事，我冇事，唔係我嘅血。”学礼忙按住她乱摸的手安抚，“头先我喺楼上揾你唔到，听到啲人话哩度有个大肚婆跌亲，我以为係你，冲落嚟先发现唔係……你去咗边呐？打你电话都飞去留言，唔係叫咗你喺童装店等我嘅？”　　“我去八楼揾你啊！我打你电话又都唔通了！你真係冇边度整亲吧？千其冇呃我啊！”文强看看他黝黑又无血气的脸，犹是不太放心，怜惜地摸摸他脸颊问。　　“冇冇冇，我冇呃你。”说着学礼拎过文强手中的大包小包，一手拉低她覆在自己脸上的手，珍视地吻了吻她的手背，熟悉的气息令他终于安定下来，跟住揽上她的腰，冲她笑了笑，“攰唔攰，使唔使去边度唞下？”　　“仲唞，够钟去凑心心了！”文强看了看时间，已接近兴趣班放学时分，任由他揽着自己朝电梯口走去，“后备箱里有衫换吧，你睇你咁样一身，因住吓亲个女啊！”　　“我头先真係以为嗰个係你嘛，咪揽住佢先可以睇到佢块面，佢同你又都係着黑色大衣，好似喈！”学礼分辩道。　　“好喇，知你担心我了，你面色真係唔係几好，阵间叫陆姐煲碗猪心汤俾你饮了！”文强瞥瞥他块面，这人刚才一定被吓得不轻。　　“我要你煲嘛～啵～”俞sir成功偷了个香。　　“喂，喺街度啊，冇咁唔正经了！”俞太轻拍了他一下。　　“老婆，你个肚就係我唔正经嘅铁证了，係人都知我哋两个乜关系喇，使乜怕丑喔～”学礼覆在她耳边道，论厚脸皮，俞sir排第二，可能A team冇人够胆排第一。　　“你係咪仲讲啊！因住教坏细嘅！”文强没好气地拧了一下他的腰腹。　　“咁你郁手郁脚就唔惊教坏细嘅，女女啊，你唔好似你mummy咁暴力喇，我惊底时你揾唔到第二个似你daddy我咁好心，肯收留呢种暴力女嘅大善人。”学礼弯身对住文强鼓起的腹部道，以孕期五个月的体态来说，文强算是很标准的了。　　“俞学礼！”文强气结，喝了声他的大名。　　“好喇好喇，我唔讲住了！”学礼得逞地直起身，紧了紧揽住文强的手臂，又覆在她耳边说了句什么，让她瞪了他一眼复又拧了他一下，跟住忽然噗嗤一声笑了，他也笑着凑过去在她脸颊上吻了一记。两人一同停下脚步，等待下行的电梯往停车场取车。　　远处，有双眼睛一路望着两人的身影，直至电梯门关闭。　　　　第二日朝早，学礼起身后轻轻帮枕边人掩好被子，跟住套上睡袍出房门下楼用早餐。　　“Daddy mummy早晨，家姐姐夫早晨，心心早晨！”同成台人打了招呼，陆姐也送上餐点。　　“阿强仲未起身啊？”学恩问细佬。　　“係啊，周末俾佢瞓晏啲了，我阵间会摞啲嘢上去俾佢食嘅了。”一夜好眠，让昨日的慌乱紧张消失殆尽，学礼精力十足。　　“其实宜家都可以放产假了，话嗮都快40岁了，都唔係咁后生，操身大细仲返乜工喈？”吴爱慈想了想，趁新抱不在场，还是说了一句。　　“Mummy啊，我哋有分数嘅，总部份工都唔係好攰，我会睇住佢嘅了。宜家就放假，唔係等佢喺屋企乱惗嘢，晏啲放冇问题嘅，你哋放心。”学礼饮了一大口牛奶，同母亲解释道。　　“你自己老婆自己睇住了，有咗都仲要瞒……”吴爱慈不赞同道。　　“係了mummy，吕auntie生日你拣定送乜礼物没啊？”接到细佬求救的目光，学恩出声道。　　“没啊，你阵间得唔得闲陪我去睇下……”吴爱慈想起这单事真是逼近了，忙同女儿约时间。　　“好啊，阵间我陪你去啊！”学恩同细佬对视，学礼带着感激眨眨眼，复又开声，“陆姐，帮我备一份早餐，我返房摞俾少奶奶。”　　　　“老婆，老婆，起身了，食过早餐先瞓喇！”学礼轻推睡得正沉的文强。　　“嗯～冇吵住我喇！”文强迷迷糊糊睁眼，嘟嚷了一句跟住转身续眠，惯于俯睡的她现下只能仰睡同侧睡，不论何种姿势睡久了都不太舒服。　　“冇食嘢阵间饿亲了，乖，起身食埋啲嘢先了！”学礼掀开被子帮她套上睡袍，强拉她起床。　　接触到清冽的空气，就算是再有睡意文强也清醒了大半：“你做乜关咗暖气啊，俞学礼你好克人憎啊！”望着昨晚缠了自己好久的人，文强抱怨道。　　“食啲嘢先喇！都冇换气点得喇，空气唔好对你同bb都唔好喇！”拉她下床坐到桌前吃早餐，学礼站在她身后帮她按按太阳穴令她舒服些。　　“咚咚咚……”敲门声传来。　　“入嚟！”学礼朝门口望了眼，见女儿捏了图画簿小跑进来：“心心，乜事啊？”　　“Miss话要画人像，我要mummy做我model，得唔得呀？”心心望住文强一脸期待地问。　　“Mummy琴晚唔够瞓，阵间仲要瞓多阵，唔係嘅话妹妹就长唔大了，到时候就冇得出嚟陪心心玩了，阵间daddy做心心嘅model好唔好？”望住老婆转头询问的眼神和淡淡的黑眼圈，学礼忙跟女儿打商量。　　“啊？但係miss话要画female，嫲嫲同姑姐出咗去，所以我先嚟揾mummy……”心心苦恼地纠结着眉头道。　　文强想起上次搞化装舞会用的大卷发还留在橱柜里，灵机一动，今次恰可以派上用场，忙揉揉女儿的嫩颊安抚道：“唔紧要，mummy哩度有假发，阵间你daddy戴起嚟就可以扮female了，偷偷话你知，你daddy扮女仔好靓嘅！”　　“哎！”学礼没想到文强连自己当年扮女装的事都跟女儿说，不由不满地叫了一声。　　“Daddy！Mummy讲嘅係咪真嘅？咁你做我model都得架！我要睇你扮女仔！”心心兴奋得早忘了miss的要求，只是拉着学礼的手乱摇一通。　　文强转头一脸正经又带着些坏笑地推波助澜：“放心，心心一定都帮你画得好靓，你哋快啲去喇！阵间mummy同家姐佢哋返嚟睇到，咪唔係几好？”　　“係了，心心，咁去你间房！”学礼被赶鸭子上架，明知被老婆陷也没办法，只想拉拉声搞定这件事，抱起女儿就走。　　“俞sir，假发唔好唔记得摞！”文强好笑地提醒了句，看已经大步行到门口的人应声止步折回来打开衣柜找假发，跟住急急冲了出去的吃瘪样，忍不住笑出声来。