作者有话要说：纵使相逢应不识，尘满面，鬓如霜，相顾无言，惟有泪千行。　　【做冬】　　　　“Daddy mummy，今日做冬，又係mummy生祭，我同阿鹏嚟探你哋。”心心摆低祭品同鲜花，夫婿则执出香烛一一点燃。　　“Daddy，今年係你喺嗰边嘅第一年，唔知你惯唔惯。”接过先生递来的香，心心又忍不住鼻酸落泪，身边人抿抿唇拍拍她的后背以示抚慰，“不过，终于能同mummy一起，我惗，你都会开心嘅。”吸吸鼻子，心心又弯起嘴角道。　　“Daddy，惗返起你过身前同我讲嘅说话，我想同你讲，你真係惗多咗。虽然mummy一早就唔喺度，但你同大家都咁锡我，我真係唔觉得有乜唔幸福，都唔觉得同其他同学朋友有乜唔同。”插上长香，双手合十拜了拜，心心又道，“係，mummy走咗，生活梗係会有小小缺憾。但我一路都记得佢喺度嗰阵，有几锡我。佢陪我上美术班，带我去睇展览，买画册俾我睇，佢同我一起做功课、整手工，帮我量身高，又教我执屋，陪我睇医生，整雪糕烤蛋糕俾我食，佢帮我整嘅便当次次都好靓。就算我曳曳，佢都冇大大声嬲过我。我都记得你哋有多爱惜对方，daddy对眼生病嗰时，mummy每日影低嘅风景人相宜家仲喺度，戥我知道原来爱一个人，係可以咁样用心去陪住对方。就算mummy走咗咁耐，daddy提起mummy都一样咁动情。其实我有好多同学虽然父母俱在，但有嘅就感情好差，成日嗌交唔得只，仲要摞屋企细路出气，搞到佢哋放学宁愿喺街度都唔想返屋企，有嘅就到宜家仲係唔够胆相信别人，唔够胆拍拖同埋结婚。我睇佢哋，惗返自己，其实有你哋咁嘅父母，我真係好幸运。就算mummy走咗，daddy你都一样俾到一个温暖嘅屋企我，所以daddy你真係冇对我唔住，你都冇必要咁自责嘅喈。”　　“不过daddy你生病仲要瞒住我哋，就真係好唔啱。我讲咗我要代mummy同细妹睇住你嘅喈。阿爷嫲嫲都唔喺度，姑姐姑丈又移民去咗美国，你喺香港嘅亲人，真嘅就得返我哋了。如果唔係契妈妈同契爸吵起上来，我都唔知要俾你瞒住多久。就算你唔中意睇医生，净係想做保守治疗，都係有得倾嘅，我哋都会尊重你嘅喈。”想起上到契爸屋企探两位老人，才从他们口中得知父亲患病事实的心心，至今依然觉得心痛而内疚，“不过又都係我哋唔够细心，先会俾你瞒过去。如果要讲sorry，最应当讲嘅人係我，唔係你啊，daddy！”　　“以前年年今日，daddy都要嚟探mummy，送mummy一束花，以后轮到我哋嚟探你哋了。唔知啲花，啱唔啱mummy心水。都话做冬係屋企团聚嘅日子，我有阿鹏陪住，你哋就互相陪住，仲有细妹同阿爷嫲嫲公公婆婆，我哋都好幸福架！”摸摸墓碑上的父母照片，心心叹了口气，最终道，“Mummy，生日快乐！”