作者有话要说：十分挂住A team班友仔！！！　　　　“喂喂喂，你哋估madam同阿礼係咪冇嘢喇，我啱啱睇到madam揸阿礼架车返工喔！”漏了手机在车上的贱仁，从停车场飞奔上来，同大家分享最新情况。　　“係咩？但madam之前嬲得几紧要喔！”掌门托着下巴，回想起学礼刚摞大假时madam的黑口黑面，飞虎之花直头变飞仔残花喇！　　“其实……架车会唔会係……乜分手费啊？”光仔慢吞吞地问道。　　“你都傻噶，如果madam真係同阿礼散咗，掂佢嘅嘢都嫌多了，点会收咗佢架车……”星仔没好气地用手中的杂志拍了下佢个脑，怀疑点解自己队友嘅脑回路咁独特仲可以安全长到廿几岁仲考入SDU添。　　“啲八卦周刊都係咁写嘅嘛！再讲之前唔係有人嚟车madam放工过了……”光仔弱弱的抗议，他也是根据事实推断呀。　　“咁又係喔，嗰个乜张sir係咪？我琴日都见佢等喺总部门口了，但琴日madam摞假喔……”贱仁思索了下，不得不承认光仔都唔蠢得嗮。　　一旁恭恭敬敬给关二哥上香的轩仔扬起一个淡淡的笑容，不出声。　　“早晨！”女主角换好训练服走进大房，就见成班手足望住佢，不对，是观察紧佢，做乜啊，佢块面写咗字定係请假一日啲样就唔同嗮喇？　　“Madam，你同阿礼箍煲成功喔？”贱仁凑上去，要知道答案梗系询问当事人最直接喇！　　“我哋又冇分手，箍乜煲啊？”那个傻佬的事迹她就不帮他宣扬了，否则她都不禁要怀疑自己是不是近得他多，对眼或者脑有问题，捡咗件咁嘅傻佬做男朋友。　　“喔～冇……分……手……”成班人极之有默契地拖长声音道。　　“费事睬你哋！”文强摇摇头，你哋班人盼点好的行不行啊？　　“人齐了吧？人齐了三分钟后训练场集合！”阿头拎着文件夹出现在门口，班友仔听令嘻嘻哈哈行出去。　　“係了，展sir，呢张係阿礼医院嘅假纸……”文强叫住要转身的阿头，将学礼延长假期的假纸递了过去。　　“阿礼冇嘢吧？”展sir收下假纸夹进文件夹，关心问道。　　“冇，琴日手术都算成功，医生话睇下今次恢复情况会係点。”自己条仔死命要keep住啲男人嘅烂鬼尊严，唔俾班手足知，她都冇计，由他喇！“咁展sir，我返出去做嘢先。”　　　　“苏小姐！”等了好几天，终于在文强住处楼下停车场嘅lift门口截到自己要见的人，张乐天忙挡住她唔俾走。　　这几日见条友仔不是在住处大厦外面等她，就是在总部门口守着，她才特意揸车避开，居然最后都是穿咗，文强没好气道：“你仲有乜事啊！”　　“苏小姐，我嗰日真係饮大咗，唔係故意对你无礼嘅，sorry啊！”张乐天牵起她的手，怀着歉意道。　　“你冇郁手郁脚啊！因住告你袭警！”文强拉拉声抽起只手，厉声警告。　　“好好好，你冇嬲喇，但係我对你係真心嘅……”张乐天还想说下去。　　“我讲过你知了，我有男朋友了，唔得闲应酬你！”文强说着就想绕开他走过去，昨晚梁sir临时安排突击训练好夜先返，没时间去医院，她才day off一大早起身，谁料遇见这只瘟神。　　“我知，你条仔盲嘅嘛，点喇，考虑下我喇不如，睇住个盲嘅友仔都几辛苦嘅，不如飞咗佢~”好几次看到她在跑步机上跟个戴住墨镜嘅男仔视频，听啲语气都知唔係屋企人，係拖友喇，睇啲背景都係医院病房，除开盲嘅，边个室内仲戴墨镜喈，张乐天不以为意，继续讨好她，“你咁靓女，冇嘥嘛！”　　“你讲乜话？”文强不悦地反问。　　“我话，叫你飞咗你条盲嘅仔，同我行埋一起，话嗮我都有车有房，点嘛！”好几次见Jacob同她态度亲和讲话，如果成功搭上她，想必都能早日埋到老板身，有执数摞，张乐天近排先会对她咁主动，又是等她健完身车她回家，又是扮顺路车她放工。　　“啪！”文强怒极一个耳光赏过去，“你再唔撤我即刻报警拉你，话你袭警加意图非礼我！”　　　　“哗，做乜成早溜溜就拉口拉面？”学礼戴着墨镜靠在病床上听广播，就见自己条女嬲爆爆行进来，“边个虾你啊，madam？”　　“……係啲无谓人了。”一大早就听到学礼被人咁话，文强心里堵得慌，又不能对他讲，免得加重他的心结，放低背囊坐在床沿眼定定望住他，文强心里更不痛快了。　　“做乜喈，翘埋个口，係咪想我锡妳啊！”见她嘟着嘴不想说，学礼也不强迫，转而逗弄佢。　　“鬼要你锡啊。”文强还没意识到今日的学礼有何不同，靠过去理理他病号服的领口，“点嘛，今日感觉点样？”　　“咪同平时一样咯！”学礼笑答，跟住又淡淡说道，“係了，都话你着裙靓了，平日都唔着。”　　原本听到前半句犹是失望的文强，忽然有了新发现，对住墨镜背后直望，惊喜道：“你点知我今日着裙嘅！”　　“你话咧？”俞sir发现自己条女傻傻啲嘅样都几得意。　　“你睇到嘢喇！你冇呃我吧？”文强犹自不敢相信，伸手在他眼前乱晃。　　“呃你做乜喈？”学礼除低墨镜，双眼带笑，复又拉低她只手，怜惜地吻了吻修长手指，才放开，望着她道，“不过医生话都係要休养一排，宜家都未够稳定，唔受得强光刺激。”　　“咁就好喇。”文强估唔到第二次手术咁快有成效，张乐天带给自己的不快也烟消云散了，凝视他闪亮灵动的眼眸，心内说不出的欢喜，即刻扑过去拥住他。　　“係咪咁开心啊！”见她笑得乱没形象，学礼也觉得好笑，两人分开后，刮了下她的鼻头。　　文强亲昵地摸摸他的脸，不假思索答道：“梗系喇！你几时睇到嘅，做乜唔话我知喈？”　　“琴日喈，惗住俾个惊喜你嘛，你琴日都冇嚟到。”学礼细细端详她开心的样子，真的是久违了。看不见的日子，虽然自己脑海里都留低她的形象，可是，却都不及眼前的真切。　　文强撇撇嘴：“咁梁sir琴晚要搞突击演练，我都冇计啊。”想到他复明，自己一直担心的事没发生，又几感念上苍。睇下次仲有边个够胆讲自己条仔係盲嘅！　　“我知喇，我冇怪你。”学礼笑着了解地拍拍她的手，跟住认真道，“係了，等我做件我惗咗好耐但好耐都冇做到嘅事。”说着，用脑门缓缓抵上她的额头，双眼温柔又深情地望住她，只手跟住抚上她的脸，轻轻吻上她的唇，文强亦一瞬不瞬地望住他，笑着揽住他条颈，静静回应这久违的、由他主导的亲吻。　　　　一吻未完，“噢～”病房外不怀好意看热闹的成team人这时突然扑了进来。　　两人惊得即刻分开，点知嗰班友仔仲未完。站在床尾的光仔和掌门一个默契对视，两人故伎重演。　　光仔拉起掌门的手，故作深情道：“Madam……我……”　　掌门则抚上光仔块面：“阿礼……你乜都唔使讲……I do……”　　一旁看戏的众人笑得前俯后仰，学礼和文强无奈地对望了一眼，都觉又好气又好笑。　　“喂，唔该你哋改句台词先喇，八百年冇变过！”好事被破坏，学礼没好气道。　　“点改啊？係咪阿礼你嚟讲嗰句'I do'先？”贱仁托着下巴思索片刻回应到。　　“啊，咁我哋识做嘅，嚟，阿光，我哋嚟多一次！”掌门醒目地拍拍光仔的手臂，跃跃欲试。　　“够了够了，叫你哋八婆队都冇嘥呢个花名！”文强无奈出声道。　　“Yes，madam～”男仔们还是卖了文强一个面子，没继续玩下去，只是玩笑地敬了个礼，玩嘢到此为止。　　“係了，你哋点解会嚟嘅？”长远没见班手足，学礼都甚是想念。　　“你仲好讲啊bob仔，发生咁大件事都唔出声，係咪唔当我哋係兄弟先！”阿源头一个抗议道。　　“唔係～阿礼係惊我哋嚟咗，撞破头先咁嘅场面～”星仔带着一脸坏笑打起“圆场”。　　“係咪仲讲啊？SGT38001！”文强放下脸佯装生气。　　“其实係展sir呢两日请假，龙婆喺训练计划嘅file入面发现阿礼嘅假纸，反正今日day off，咪成班手足约咗嚟睇阿礼咯！”一直拎着果篮的妈打终于有机会挤开班衰仔，将果篮放到床尾的架子上，关心道，“点嘛？宜家情况点啊？”　　“都ok嘅，啱啱睇返嘢，不过医生话仲要唞多一阵，状况仲未够稳定。”学礼将前面告诉文强的话又重复多一遍给大家知。　　“哗，所以阿礼啱啱摞假嗰阵，madam日日拉口拉面係喺度担心你啊，等我哋仲以为你哋散咗～”掌门想起当时日日黑口黑面的文强，心有余悸道。　　听了这话，文强没好气地瞪了学礼一眼，学礼只能朝诸人尴尬笑笑：“係啊係啊！”一边拉着文强的手安抚她。　　“放心喇，bob仔，我帮你做多几个福，你下个月就好返归队了！”龙婆出声道。　　“係了，阿礼，嗰时我伤得咁重都冇嘢，你体能咁fit，一定都唔会有事嘅！”光仔也忙安慰自己的救命恩人。　　“梗係喇，只要madam喺我哋A team一日，bob仔实返嚟嘅～”贱仁戏谑道。　　“等阿礼好返，落PC吧试过Pauline姐嘅新酒小菜喇！”阿源探病都不忘帮姐夫家的生意做推销。　　“到时一定饮多几杯！”学礼这边才笑笑应承，他条女即刻嘟嚷了句，“仲未好返就挂住饮！”站得远的手足没听到，站在madam后面的轩仔不由掩嘴偷笑。　　人哋话三个女人一台戏，其实有着八婆队花名嘅成班男仔，啲戏情仲丰富过三个女人喈，呢个早晨，828病房传出N次爆笑声。