“阿礼，呢啲係你嘅信，我帮你摞……”文强人未到声先到，推开病房门，却见病房里有个“熟人”——齐刘海红色长发睇过自己条仔全相嗰个，不由收了声。跟住她的视线落在自己条仔只手的位置——覆在人哋嘅肚上，嗰个“熟人”仲按住自己条仔嘅手，笑得不知几开心。　　“阿强，你嚟咗！”学礼忙和她打招呼，见她视线落点，即刻使力抽回只手，尴尬笑笑。　　“睇嚟我嚟嘅唔係时候喔~”文强踱入房内，放低背包到床边椅子上，慢条斯理道。　　“咁阿礼我唔阻你哋喇，下次再嚟睇你。”舒子丽见状，忙醒目地拎包起身，又跟揸住花樽准备去换水的文强热情道，“係了，Madam，几时得闲嚟我公司玩，我送返你辑写真喇，一定帮你影到至靓！”　　“唔好意思舒小姐，我哋香港差人，係唔可以收超过500文嘅礼物，否则会俾ICAC请去饮咖啡嘅。多谢你嘅好意~”文强面无表情不软不硬地丢低这么句话，也不留人也不送人，就径直往病房内的洗手间去。　　看着文强的背影，舒子丽都感觉到那股的低气压，嘟起个嘴无奈状，话嗮文强都是自己救命恩人了，自己先咁主动，不知自己又哪里惹到她了，每次见面都要闹得不愉快，长得比她靓又不是自己的错~“阿礼，byebye喇~”转过身同床上的人招招手，走出病房。　　“Byebye~”学礼讪讪地同她道别，忙撑起拐杖下床睇下自己条女係乜情况。　　　　“你今日比平日迟喔~”对住洗手间块镜仔细观察佢嘅表情，俞sir都有啲心慌慌，虽然自己没做任何对不起她的事，但睇佢嘅样，都唔係好满意自己了。　　“其实我应该仲迟啲先至啱，头先打搅嗮，唔好意思喔！”换完水插返花转身，文强见这人阻路，没好气道，“借一借啊，唔该！”　　“你唔係嬲吧？其实头先Larine係嚟话我知佢下个月结婚，同埋佢有咗……”学礼忙解释清楚，知道这人其实都好介怀俾第二条女看过自己全相的事，不敢耽搁。　　“有咗BB嘛，我知啊！”文强瞪了他一眼，一手推开他，揸住花樽出了洗手间门。　　“啊，你点解会知嘅？”原来自己条女咁巴闭，睇一眼就知人有咗，俞sir大吃一惊，追上去问道。　　“佢啊，上次留了只验孕棒喺度，Auntie直头以为有嗰个係我添！”咁大个女生平头一次俾人问係咪有咗，仲要係自己条仔嘅阿妈，其实文强都几尴尬。　　“啊？Mummy冇同我讲喔，几时嘅事啊？”学礼搔搔头，怎么感觉近排发生好多事，自己被蒙在鼓里的感觉。　　“你同我讲‘我哋不如就咁算了’嗰日啊！”提起来文强都仲系好鬼火大，都唔知自己条仔嘅脑係点惗嘅，几想叫佢去验个脑，睇係咪除开眼有事，仲有第二度有问题，费事下次又激到自己。　　“啊……你头先唔係话有我嘅信，我睇下係乜了。”和好之后文强数度心情唔靓都要提返这件事，学礼直怨当时自己简直扭亲个脑，只好转话题。　　“係了，嗰份保险啊，唔该你拉拉声转咗个受益人俾Uncle、Auntie了，我唔要喔！”摆低花樽，见他坐低看信，文强先记起呢单嘢，忙说道。　　“乜喈，我买俾你即係你嘅了，乜你要唔要啊~”都话是给她的牛一礼物了，学礼可没有收返的意思。　　“你唔转係咪？车匙都摞返去了！”刚好今天揸了他的车过来，文强拉开背囊掏出车匙气冲冲递过去。　　“Madam，你冇下下摞呢啲嘢威胁我先得噶！”上次屋企条匙佢都仲未收返去，宜家又多条车匙，学礼无奈地抬头，见文强睁大对眼盯着自己撅着嘴，怕了她了，“係了係了，我去转，等我出咗院即刻去！”转咗呢份咪揾第二间公司再买过俾佢咯~　　见他应承，文强才撇撇嘴收返车匙，复又坐低跟看信的人说道：“头先我同医生倾咗，今次复查结果都几OK，其实都是时候多去出边行下喇。”　　“我知……”复查的结果上午医生来查房自己都问咗了，翻完了那堆信件账单放到一边，学礼拉拉筋骨，又朝文强伸出手邀请道，“咁你陪我出去行下咯？”　　“做乜唔叫头先嗰个陪你啊？”虽是起身牵起学礼，文强却犹是不太高兴。　　“哇~你呷醋啊，唔好喇，人哋不过睇咗我一次喈嘛，你都睇咗我咁多次喇，都係你有执数喔，使乜嬲咧？”拿起床头柜上的墨镜戴好，再拄起拐杖，俞sir按耐不住又开始撩自己条女。　　“你係咪仲讲啊，仲讲我走了！”文强不耐烦道，这人讲笑都不分场合的，上次去O记接人，结果在总部警政大楼的电梯里都是咁撩自己，谁知后尾居然连阿源都听到啲“唔着衫”嘅典故，前两天射击训练完交枪的时候sniper还拿出人夫的态度教育自己，话两公婆耍花腔都要睇乜环境，鬼跟他是两公婆啊！　　“又反面啊~讲下喈嘛~”俞sir微微前倾侧头看她脸色，点知俾她又是一瞪，“睇路啊，你睇乜？係咪仲想跌亲多次啊？”　　“好好好，我睇路……”俞sir只当自己好撩唔撩，撩返个醋桶返嚟，其实自己整个人都是她的了，之前的事使乜介意呢？却不知事关自己衰多口。　　　　陪学礼在花园里坐下，文强想起自己终于跟到轩仔找到这里，见他戴住墨镜头上还裹着纱布的样子，当时心情何其复杂。虽然气他讲大话仲要整蛊作怪跟人演戏骗自己，又是心痛无端端来了这么一场飞来横祸。还好现在都算恢复得不错，虽然在强光下还需要戴墨镜适应，加埋日常小心用眼，起码生活上都方便好多，至少不会再从楼梯上跌亲摔伤腿了。　　跟他讲了些最近队里的事，又说起昨天和齐妈去探阿齐，阿齐都关心他怎么没去。他就说昨天跟班义工一起搞活动，掷飞镖掷得至准，成班小朋友都好like佢。　　“喂，你去边哪？”见他拄了拐杖起身，文强以为他想回病房。　　“Madam，我去厕所，你唔使咁都跟埋来吧？”学礼戏谑道。　　“咁你睇住了，我喺度等你。”知道他追求啲独立和尊严，文强才懒得跟前跟后。　　“得喇！”转身跟自己条女比了个ok的手势，学礼自去。　　　　“咦，madam，点解你都喺度？”原本低头看手机的人被句问话打断浏览。　　“周sir，我嚟探朋友。”文强抬头，原来是同学笑雯家拳馆的教练周伟棠，“你咧？”　　“喔，我嚟做义工喈，头先睇到好似你，又唔係好确定。”虽然上次输赌是madam的手下败将，但今日从楼上窗口行过，都是第一次见佢披着长发着裙的靓女样子，跟之前上拳馆时的运动look味道截然不同，周伟棠心中重又泛起涟漪，虽然自己交往过的女孩不少，但都未和女警拍过拖，他将手撑在膝盖上，弯下身笑问，“做乜呢排都冇嚟拳馆嘅？”　　文强有点抗拒他的亲近举动，唔知点解，睇到佢一言一行就觉得花弗，不由往旁边移了移，但又多少得给人家些面子，才回答道：“呢排多嘢做喈嘛！”见学礼去的时间有点久，文强不由看了下表想着他会不会出了什么事。　　“啊，不如阵间我哋一起食饭啊，我请你！”周伟棠跟住提出邀约。　　“唔使了，我同朋友约咗有饭局了。”拿起电话按了速拨键，响了好久才有人接，“我冇事啊，不过你过一过嚟都ok嘅。”学礼说了地点，文强跟便周伟棠道别，起身急匆匆过去找人。　　“哇～使乜咁cool啊？”留下周伟棠嘟嘴吹了声口哨，算了，约第二个就是了，反正自己库存大把。　　　　去到地点，却不是洗手间而是保安办公室，原来学礼在洗手间发现条友很不妥，把人扣了call保安，果然有料到，居然是个在洗手间伺机偷人洗手时摘下的手表戒指等贵重物品的宵小。医院保安谢了学礼好多句，话之前都接到不少投诉，但都未揾到线索，学礼忙谦逊摆手说唔使客气，都是自己应分的，等警察到场录了口供，两人才得以离开。　　“俞sir你都叻喇，住院仲可以拉到个贼～”有事情也不打给自己，害自己白担心一场，“不如下次就喺度返工，唔使返SDU？”　　“点可以唔返啊，唔返你咪好挂住我？”学礼一手揽住她的腰，一手拄着拐杖跟她等电梯回病房。　　“边个话我挂住你啊？我先冇咁得闲……”文强给了他一个白眼，按了电梯。　　“係了係了，係我挂住你，咁得没？”说着搂住她的手也趁机捏了捏她的腰。　　“喂！”文强拍了下他，这人脑袋里到底有没有规矩两个字怎么写啊？　　“Madam，你肥咗喔，係咪呢排冇人帮你加操，懈嗮啊！”挨了一下学礼也不以为意，靠近她耳边调戏道。　　“你先肥咗啊，咁耐冇操练，身上嘅脂肪都快full嗮出嚟了！”只有脂肪上脑的人先成日惗啲无谓嘢，文强瞥了他一眼，没好气道。　　“咁你帮我操练下喇，我都好挂住以前嗰啲加操嘅时光～”说着他只手又在她腰侧捏捏揉揉，不怀好意的眼神，一睇即知惗嘅都唔慌好嘢喇！　　“好，咁你爬楼梯，我搭lift，如果你快过我到病房再讲咯！”文强努努头示意马上就到的电梯道。　　“哇，madam你玩我，睇我宜家嘅情况，你lift到咗8楼睇怕我都未到三楼，你唔係咁对自己条仔吧？”学礼转回头望望自己的天残脚，怀疑道。　　“係你自己未比先认输嘅喔，唔关我事了！”知自己乜环境就唔好乱惗嘢喇，bob仔！　　“咁锡一啖得了噶？”想起那天被帮手足打断的吻，学礼还在惋叹，说着脑袋就要凑过来。　　“喺度？唔使惗！”简单干脆，文强把他推进电梯。