“饮杯!” 终于出到医院,俞sir回到久违的PC吧同班友仔欢聚。 “阿礼,住咗咁耐医院有乜感受先?”阿源揸住只酒瓶当话筒客串主持。 “梗系总部空气好饭餸甜,返嚟人都爽啲!!!”对眼和只脚都终于好返嗮的俞sir讲出心声。 “冇操咁耐体能仲係keep到,犀利啊!”光仔由衷佩服这点,刚归队的人白天的训练不管是射击还是格斗,一样名列前茅,不愧体能王来的。 “又唔係咁讲喔,我自己有私操嘅,唔俾啲医生同姑娘知就得嘅了。”学礼可没有大家以为的那么松懈,托轩仔偷渡了简单的运动器械进来,练完收好就是。 “喔,原来有私操~”刚行开讲电话的文强回来就听到这句,就知道这家伙不会老老实实了,却没想到连自己都瞒住,不由挑挑眉。 大家一副看好戏的样子盯着他俩,却没见到下文。 “睇乜啊?冇睇过我同我女朋友啊?”学礼拉拉她的手跟大家嗮命,也感谢她没在诸人面前发作。 “係了madam,之前车你嗰个张sir点解呢排唔见浦头嘅?”没事找事这种事非许志仁阿sir莫属了。 “乜张sir啊?”原本还沉浸在幸福之中的俞sir立马警惕起来了,回头问旁边那个。 “冇,我之前去嘅Jacob嗰间健身房嘅教练,顺路车我放工喈。”费事这人莫名其妙呷无名醋,文强轻描淡写带过,见他转回头,先狠狠瞪了贱仁两眼,无啦啦提那种衰人做乜啊。 虽然这个什么张sir的出现有点出乎意料,但学礼也没多想,自己条女自己还不清楚吗?除了开头和自己怄气那阵,后来可是三天两头去探自己,就算周末去健身房也常常开着视频陪自己聊天。 “係了係了,过去打ball,bob仔一起啊!”阿源招呼大家过去打桌球,学礼询问文强去不去,她摇摇头道没兴趣,男仔们便过去了。 “啱啱好返就饮咁多!”打开门,文强没好气对身后的人道。 “我又冇醉……”只是饮得多而已,学礼觉得自己神志还是相当清醒。 “坐低喇,我去斟杯水给你。”看学礼靠坐在沙发上,文强放低背包进厨房帮他冲了杯姜茶醒酒。 “给……”看他黝黑的脸庞染了点暗红,文强开了客厅的冷气让他舒服些。 学礼接过茶却没喝,放在一边,反而拉过递茶给自己的人,带着些许酒意问:“madam,你有冇挂住我?” “你整个人就喺哩度,使乜我挂住啊?拉拉声饮咗啲茶去瞓喇!”文强搞不懂这些有的没的有什么好问,真的不挂住他,自己近排都唔使咁辛苦,直头把医院当成第二个家喇! “我都好挂住你……”说着学礼就揽上来,往她唇上印上自己的烙印,今晚不会再有突然现身的手足,可以慢慢来了,“欠我条数宜家应该俾返我了……” “我几时欠咗你啲乜啊?”文强可没印象他何时成了自己债主,推开他问道。 “嗰日喺医院你帮我冲头……宜家,我对眼已经好返嗮喇!”毅然决然地继续靠过来,吻着她的脸,学礼的回答模模糊糊地漏出来,大手都是不客气地伸进上衣里解了她背后的内衣扣。 明白他跟自己索要什么,文强还是不由有些抗拒这个醉鬼:“喂,冲个凉先喇!成身酒味……”至少先挣开他似八爪鱼一样的束缚再做打算。 “咁你陪我咯,唔使旨意甩我底……”不等她反对,学礼就分开她的双腿架在自己腰际,让她没法只能揽住自己脖子保持平衡,跟住抱紧她走向浴室。 “阿礼……我攰喇……”文强有气无力地推推依然覆在自己身上的那个人,本来白天训练就有些辛苦了。 “乖,就好……”学礼想着是时候了,遂问出忍了一整晚的问题,“咁你话我知,嗰个张sir係乜人嚟架?”打桌球的时候他已经跟班手足摞料,真的只是顺路的话使乜左等右等,都不知是哪路牛头马面。 “嗯?”因着酒意和此刻正在做的事累得就要睡着的文强,尽量聚起已经神散的思维想了想,“係衰人呀……话你係盲嘅唔得只……仲……仲饮大咗郁手郁脚……要我撇低你同佢一起……”是不是回答完就可以睡了,她真是好憎此刻仲要用脑。 学礼一听即时激起把火,却忘了自己现时的状况,连累身下人顿时哀叫了一声,又推了他一下,听她把声,学礼才清醒过来,怜惜地在她裸露的肩头上吻了又吻:“Sorry…sorry…” “不过……我刮咗佢一巴……嗯,衰人……”真的好眼瞓…… “好,我知了。”学礼轻轻翻身躺平,再将她揽进自己怀里,搂着她,吻吻她的额,“早唞。” “嗯。”好几个月以来对madam嚟讲最累的一晚,终于过去了。 有料当然就要做嘢,madam是没注意到,个多月之后健身房张姓教练骚扰女学员被控告及吊销牌照的新闻在社会版的小小一角。 ==============关于最累一晚的补记================ 俞sir一觉醒来都是接近中午,day off加埋昨夜久违的缠绵两人就真是好睡。从电视城爆炸案到自己住院,几乎快憋坏的某人梗係知道自己昨晚其实有小小失控,但他真是控制唔到,终于睇返嘢,睇到一世都睇唔厌嘅因为自己而情生意动的至爱娇颜,係男人都控制唔到架!不过枕边人琴晚就辛苦嗮!将靠在自己颈窝甜睡的madam轻轻移开,盖好被子,俞sir自去冲凉。 冲完凉出返嚟,俞sir发现佢条女又从头先自己帮佢set嘅仰睡状态变成趴喺床度瞓了。初初行埋一起嗰阵俞sir不时都要纠正下佢嘅不良睡姿,话嗮趴着瞓对啲器官唔好唔健康喈!但係佢条女又都几暴力,自己揽住佢嗰阵仲好易话为,佢一个人瞓十有八九都係讲唔听唔得只,仲要摞枕头丢人,费事惹佢起床气,俞sir只得由着佢喇! 围住条浴巾嘅俞sir惗返啲嘢,跟住返浴室拧了条温毛巾出嚟。琴晚两个人都好攰,到最尾清洁工作都省埋,好喇,係自己唔啱喇,梗係拉拉声做返啲嘢补数,费事迟啲人哋醒返仲多嘢讲。 搞埋啲手尾着返衫,俞sir轻轻带上门俾madam瞓多阵。头先开衣柜时唔觉意整落咗个衣架落到柜底,都好大声响,佢居然仲未醒到,睇怕真係好攰,有排瞓喇,自己去医返个肚先。虽然出咗院一排,屋企仲係好担心自己身体,成日派司机送埋啲汤汤水水过来,咁都好嘅,悭返自己整嘅时间,毕竟好耐冇操练,呢排自己成日加操,又都几攰。喺医院住咗咁耐,自己条女就辛苦咗咁耐,宜家好返,惗返之前自己做嘅衰嘢,俞sir不得不承认自己有时都傻傻啲。 过咗中午自己条女居然仲未有醒嘅迹象,俞sir悄悄入返去睇佢多一次,几惊琴晚自己整到癫累佢冻亲发烧喈,睇过体温同呼吸都几正常,原来真係咁攰,唔係一排冇练佢体力去到咁渣吧?冇计,自己同个影子撑枱脚喇,顺手执咗琴日啲衫摞出嚟洗喇,反正今日都冇嘢做,冇可能丢低佢一个人喺屋企自己出街嘅啊,咪执下屋做下啲家务咯。 等佢条女醒返都已经下晝三点几了,佢打着哈欠出嚟嗰阵,俞sir靠在沙发上补剧,咪之前追开嗰套筋肉人同泥水妹咯,入咗医院都冇睇喇,原来最尾佢哋都係行埋一起咗,又都几好,但自己之前嘅衰嘢,又同嗰个筋肉人好似。推佢条女去洗漱,俞sir拉拉声进厨房整返碗面俾佢食喇,跟住又俾佢嬲,话搞咗佢成晚冇觉好瞓,day off一天居然就咁瞓过去。 俞sir都知係自己理亏,立刻上手人肉按摩功能,帮佢按肩揉腰,问佢今晚惗住去边。睇戏又好,打ball又好,反正自己奉陪到底。