从墓园出返嚟，看太阳都已是中午了。手机没了电，通宵做嘢又好累，文强截了部的士回住处。睡眠不足连胃口都变差，进了门将背囊往沙发上随手一扔，简单洗漱后连衫都冇力气换就往床上一躺，一睡睡到夜晚九点几，才被拍门声吵醒。　　“阿礼……”一路开了灯过去开门，才发现是学礼。　　“你今日去咗边哪，打你电话又飞咗去留言，唔係扣住安全链我真係差啲报警了！”上午两人在总部分开后，学礼回宿舍补了补眠，下午才回住处。入过那么久医院他也是怕了，半点没兴趣试下疲劳驾驶。想着文强大概也在补眠，就没过来找她。晚上打了N次电话给她，点知打极都冇人应，惗起上次怀孕乌龙事件时她的冷战表现，他想不是今次来真的吧？咪过来搵人咯……　　“冇，有啲攰喈嘛。”文强入厨房斟了杯水，忽然觉得又渴又饿。　　“係咪仲未食嘢啊？”看她身上仍是早上分别时的便服，却布满皱痕，学礼估她都是一觉睡到现在了。　　“係啊，头有啲痛。”唔知点解，文强无啦啦就觉得有小小冻，明明冷气都不是开到太大啊。　　“係咪冻亲啊？”拉着她的手学礼都觉得有点冷，面色又麻麻，“定係……M嚟咗？”　　“嗯？係喔，我去下洗手间先。”不讲还没事，听学礼一讲她才觉得小腹有些坠胀，拉拉声放低水杯走开了。　　　　“点嘛？”将打包的鸡汤面倒在碗里放到茶几上，看文强面若菜色行出来，学礼关心道。　　“係啊……”洗了把脸又披了件衫，都算是舒服了点。有气无力地窝到沙发上，见有嘢食，文强捧起面碗一嗅，忙问身边人，“好香，你食咗未啊？”　　“食咗喇，边个似你啊瞓一整天，係咪琴晚有边度整亲冇check到啊？”学礼仔细地查看了她面色，还是觉得有问题。昨晚是时间紧要没办法，其实今天应该押这人去医院才是。　　“冇喇，我自己知自己事，冇嘢嘅。”文强慢吞吞地嚼着面，知道自己的问题在心不在身。　　“咁係点啊，点解我硬係觉得你有啲唔妥？冇叫我担心好唔好？琴晚真係吓得我！”原本应该在离岛手拖手吹海风，硬是变成在山体滑坡现场救人还差点搭上条命，学礼真是吓得不轻。　　“其实……其实琴晚唔係我头一次遇到山体滑坡。”知道不和这人说清楚，他都肯定不会让自己安心吃饭，文强吞下口中的面条，摆低汤碗和他解释道。　　“啊？你几时仲遇到过？喺边度？围村咩？”学礼大吃一惊，忙追问。　　“唔係喺围村，以前同朋友去camp，都咁啱遇到喈。”文强任由他抓着自己手掌，回忆起旧事，“不过我都好好彩，朋友无撇低我，仲赶得切救返我。”　　“哇，你呢位係乜朋友啊，我真係要多谢佢，唔係嘅话我女朋友宜家都唔知喺边度了~”学礼这才放下心来，伸出手指戳戳她脸颊笑道。　　“所以我今日咪去多谢佢咯！”文强抿抿唇道。　　“做乜唔叫埋我一起啊？一起唞下咪再一起去咯？”学礼带着坏笑撞撞她的肩。　　“好啊，下次带埋你见佢啊，等我同齐妈一起去睇佢嗰阵。”文强不理他的衰念头，正色道。　　“咦，救你嗰个係阿齐咩？”学礼好生奇怪。　　“唔係，係阿齐嘅家姐，阿敏喈。”提起故友，文强又不由深吸了口气。　　“齐妈仲有个女？点解我唔知嘅，都未听你哋提过。佢係咪嫁咗啊？宜家喺边度？”想来想去都不觉得齐妈除开阿齐仲有第二个仔女，难道是远嫁？但照计如果有这个人，都不会从来没听他们三个人提起过的啊！　　“佢如果宜家仲喺度，或者真係应该嫁咗啊，至少应该拍下拖，过返正常女仔嘅生活。但係，佢冇咁好彩啊！”文强不觉都红了眼眶。　　“唔通……佢唔喺度？”学礼万万没想到会是这样的结果。　　“我仲记得嗰年我读紧护士文凭，本来都几开心喈。”望住身边人关心又探询的眼神，文强理理思绪说道，“点知有一日齐妈打电话俾我，问我有冇见到阿敏，话佢一晚无返屋企，我话冇啊，跟住都去阿敏嗰间学校搵佢，都未搵到。佢班同学都话唔见佢返学。我哋好担心佢，打佢电话都冇人听，跟住就报警了。”忆起当时的状况，文强又不由哽咽了，“你记唔记得嗰年有个雨夜色魔的士司机嘅case？”　　“……记得，梗係记得了。”当时学礼仍在读书，学堂里的女同学都人心惶惶，老师成日都叮嘱他们要成班人一起出入注意安全，“阿齐嘅家姐……唔係……吧？”学礼不敢相信。　　“差馆call齐妈去确认身份嗰时，我陪佢一起去嘅。我真係唔够胆相信嗰个就係阿敏，全身冇一旧好皮，后尾都係凭牙齿同牙医记录先确认到係佢。因为嗰时啲犯案手法同嗰个雨夜色魔好似，我哋同警方都以为是同一个人犯案。”文强望望学礼，眼里有失望更有不忿，“点知，后尾居然係个精神病人模仿犯案，最尾因为精神科报告，都冇判监，净係判咗医院令。齐妈梗係唔会提返了，你都知阿齐嘅情况，阿敏又生性，原本齐爸走咗，齐妈係靠嗮佢嘅了，点知又会出咁嘅祸事。齐妈成日话，把我当佢嘅女，我知，佢仲係好挂住阿敏。你啊，我话咗件事俾你听，你千其唔好喺齐妈面前提起啊知唔知？？”　　“放心，我知点做了。”学礼轻抚她后背安抚道。　　“其实之前我就想去考警察了，你知了，我阿爸以前做嘢嗰间银行唔係俾啲骑兵打劫，都係SDU救返佢出嚟嘅，但係屋企人唔俾我去。后尾出咗阿敏嗰单嘢，我係觉得，我都应该为佢做返啲嘢了。但係，惗返害佢嗰个衰人，最尾都冇付出乜代价，我又真係好唔抵啊。”文强抱住膝头靠在学礼怀中，“你记唔记得之前同掌门好friend嗰个阿恒同佢未婚妻？”　　“记得，阿晴嘛。”那时学礼自己也才入SDU没多久，在teen看新闻知道阿晴的遭遇，成班手足都是义愤填膺。　　“我有时觉得，我哋做嘅嘢，都未必有用……有时都好怀疑自己。好似琴晚……”文强同学礼细细倾诉。　　“说话又唔係咁讲，如果琴晚唔係我哋，可能出事嘅人会更多啊。你记唔记得嗰个细路仔俾佢阿妈护住，我哋咁夜先搵到佢哋，佢个头仲流紧血。我头先睇新闻，佢宜家都脱离生命危险了。”学礼安慰她道，“仲有上次喺电视城你救到嗰个妹妹仔啊！佢屋企人唔係都去医院探你。你话，如果冇我哋，佢哋宜家会係点都未知喇，冇咁轻易否定自己好唔好？”　　“咦，点解你会知蓉蓉嘅屋企人有去探我？”被他一打岔，文强觉得奇怪，明明那天他都没来接自己出院啊。　　“阿源话嘅啊！佢仲话，有个男仔眼仲定定咁望住你，唔知係咪中意咗你啊！点嘛？人哋靓唔靓仔？”学礼戏谑道。　　“係啊係啊！靓仔过你了！唔同你讲住了，我要食饭了。”不想提那个衰人，文强没好气地应了句，重又捧起碗食起面。　　“其实我知，嗰个男仔后尾对你冇礼貌，放心，我帮你教训佢了。”学礼搭上她的肩道。　　“啊？你点会知嘅？”张乐天的事，自己明明没和任何人提起过啊！文强惊讶地回头看看他，摸不着头脑。　　“你知唔知你最口疏係几时？”学礼带着点神秘的笑问道。　　“乜？係我自己讲嘅？”文强又转回头持着筷子夹了一口面，仔细想了想，都是完全没印象。　　学礼便凑在她耳边轻轻说了句什么。　　“喂！”文强又羞又臊，气得即刻拿起筷子戳他，他却早有防备，往后一避，立时从沙发上跑开。　　“俞学礼，你同我企喺度！！！”文强重重放低面碗，从沙发上弹起，指着男友喝令。　　“你食埋啲嘢先喇！最多我迟啲乖乖俾你出返啖气了。”bob仔闪避着她掷过来的靠垫，笑劝。