“其实你係点教训嗰个张sir嘅啊？”Madam终于追到嘴贱的那个狠狠捶了他几下，两人先窝在沙发上，文强啃着面里的鸡块，问仍旧厚着脸皮揽住自己腰际不放正看着电视的人。　　“你想知啊，锡我一啖先呐！”学礼好生得意地将自己块面凑过去。　　“哇，好巴闭咩，唔讲咪唔讲咯！”文强先懒得睬佢，白了他一眼继续啃鸡块。　　“哎，你係咪咁冇良心啊，唔係我嚟你就饿死喺度了，锡一啖都唔肯？”看鸡块的吸引力都大过自己，俞sir觉得自己几阴功咯。　　“哎，好夜了，你好返过去咯！”看看电视都开始播深夜新闻了，文强踢踢他开始赶人。　　“边个话我要过去啊，今晚我要留喺度，你唔好唔记得我哋今晚本来应该喺梅窝嘅喔！”madam怕缠郎这个事实又一次开始验证步骤。　　“又唔关我事，琴晚有嘢做先赶唔切坐船喈嘛！”用力吮吮鸡骨里的髓质和汤汁，文强反驳道。　　“我唔理，反正今晚我係唔会走嘅，我去冲凉先，你慢慢！”学礼猛得凑近她吻了一下，跟住起身自去摞衫，还自言自语道，“呢间铺头鸡汤面味道唔差嘛！”　　“喂！”文强发觉自己有时候对付厚脸皮的某人，还是未够狠，是说下次为了不让他过夜，只要过了晚六点一律不让他进门吗？　　　　文强冲过凉擦着头出来，见学礼在厨房东张西望，便问：“你做乜啊？”　　“冇，头先入嚟唔记得反锁道门，啱啱惗返，咪check下电气门窗咯！”学礼确认煤气阀门旋紧，跟住端了杯水走出来。　　“我今日都冇开火，你唔使check喇！”文强说着就进了卧室。　　“我帮你抹头啊！”学礼跟着进来，放低水杯在文强常睡那头的床头柜，跟住绕过床走到她身旁，拿过她手中的毛巾轻轻动作，“点嘛，舒唔舒服？”　　“做乜，你係咪惗住揾我做白老鼠跟住去美发沙龙做part time啊？”从镜子里看到他那副认真的样子，文强笑问。　　“你当我对个个都咁好服侍，净係对你喈！”学礼卖乖应道。　　“个个乜啊？个个女朋友？”文强追问了一句。　　“哇，madam，你又呷醋啊？都话咗你係我第一个女朋友了，做乜唔信喈？”学礼无奈道。　　“Auntie唔係咁话嘅喔，佢话你同嗰啲旧同学都有唔少古仔嘅啊！”文强笑道。　　“Madam，条数唔係咁计啊！人哋冧我还人哋冧我，呢啲係证明你条仔叻，先咁多人冧，我嘅一颗心净係对住你嘅喈！”学礼撒娇似地解释，复又笑着道，“不过你呷醋我好like嘅～”　　“边个得鬼闲呷你嘅醋啊～”文强反驳了句，想起上次没下文的事，又皱眉问，“係了，其实点解嗰个Larine揾你帮手签纸喈？”　　“呢个问题就难倒我了，你话我哋呢啲正常人点会明佢嗰种十三点加埋皇帝女惗紧啲乜啊？鬼知佢係咪嗰日同未婚夫嗌交先要去落仔，底时好返话唔定仲要怪签纸嗰个咧！”学礼想想都不由全身打冷战，摇摇头道，“Jacob有咁嘅细妹先真係戥佢惨。”学礼说完见文强脸上没了笑意，一脸思索的表情，跟住问，“你唔係仲怀疑我同佢有乜嘢吧？可能佢问咗一堆friend，得我一个咁好心肯听佢电话仲肯陪佢去医院，你睇佢做人几失败？”　　“冇嘢喇，头发干了，我眼瞓，瞓了。”文强摇摇头，兴致不高的样子，拍拍他只手，从椅子上站起走到床边，掀被窝进去，背对着学礼。　　“喂，好攰啊？”学礼忙将毛巾摊到椅背上，掀起被子爬上床，探过身察看她脸色，“係咪好痛啊？使唔使摞止痛药俾你啊？”　　“唔係痛……”文强烦躁地应了句，望住他伸头过来关切的眼神，想了想复又道，“嗰日你讲嘅说话係咪真嘅？”　　“嗯？你问边句啊？”一天跟她讲那么多话，学礼真不确定她问的是什么。　　“你话有咗就结婚嗰句啊！”文强没好气道。　　“梗係真嘅喇！你唔係咁都要怀疑我吧？”学礼理所当然应了句，跟住慢半拍似地反应过来，忙拉住她放在空调被外的手瞪大眼问，“慢住，你唔係……有咗吧？”据他所知，有了应该就不会有那什么M开头的那个才对，自己条女再劲，都无理由一边有那个什么一边陀住个b啊！　　“唔係……”文强皱着眉想了想，终是望了望他，把心中纠结的问题道出来，“我喺度惗，如果上次真係有咗，咁咪冇得留低喺operation team，以后有冇可能有机会返去。”　　学礼思索片刻，搓搓她因生理期和心忧而微凉的手。他想，反正这个问题以后两人都还是有很大机会要面对，遂决定一次解释清楚，正色道：“呐，讲真嘅，我知入operation team係你嘅梦想，否则你都唔会一考再考。如果，如果底时我哋结咗婚，有咗bb，你仲係想喺operation team，我会帮你，不过就是重新考体能，一对一特训，你唔係对我咁冇信心吧？”　　“听住先了～”文强脸上泛起不明显的微红，又将头转回自己那侧。　　“呐，咁你应承咗嫁俾我同我生b哈！”学礼得逞似的探身追问。　　“你就想啊！”文强轻轻拍了下他的额头，瞪了他一眼，没好气应了句。　　“係啊！我係真的想～”学礼认真接口，复又道，“身体唔舒服就冇惗咁多嘢了，听日瞓晏啲～”说着在她额头印上个吻，熄了她那边的床头灯，跟着躺下，大掌搭在她小腹上，两人无话，便睡去了。