今日是最后一次复诊，医生话文强伤口完全愈合，可以复工。不过睇完症出来大中午都不大容易打到车，加埋落雨，让了一位抱住bb的孕妇，又让了一对公公婆婆，文强撑住伞在医院外的路口对着雨幕发愣。　　“苏小姐，咁啱嘅，你去边啊？使唔使我车你一程？”忽然一辆白色轿车停低，跟住车窗摇落。　　“啊～你係……蓉蓉嘅舅父？”仅有一面之缘，文强不是很确定。　　“係啊，冇错。上车先倾好唔好啊？”说着他将原本摆在副驾驶座的购物袋扔到后座。　　望望半天未有辆空的出现的路面，文强决定搭个顺风车，“好啊，多谢！”　　“自我介绍下先，我叫张乐天，我喺健身房做教练嘅。”看文强收伞坐定，他将车头的面巾纸盒递给她，才重新发动车子。　　“张sir你好，多谢你了今日，落雨天半日都唔见一架车嘅。”文强感激地接过，抽了纸巾抹一抹收伞时淋到的雨水。　　“係啊，啲天气话变就变，我头先喺超级市场都睇到好多人冇带遮。”张乐天望了望她，“苏小姐你嚟医院係睇症？”　　“唔係，我复诊。係了，蓉蓉宜家点样啊？”文强将纸巾盒放回原位。　　“佢咪照常返学咯。讲起上来上次真係多得你，我家姐得返蓉蓉一粒女，姐夫喺蓉蓉出生冇几耐就生病过咗身，蓉蓉係佢全部希望嚟架。嗰日我家姐一路责备自己，唔应该留蓉蓉喺摄影棚自己出去帮佢买嘢饮，等佢咁危险。”落紧雨，又有女士喺隔离，张乐天索性慢慢揸车。　　“呢啲纯属意外嚟架，根本计唔埋，都唔关你家姐事嘅。”文强能理解蓉蓉妈咪的惗法，却不赞同。　　“我都係同佢咁讲，不过都好彩你哋班差人，蓉蓉先冇事喈。”张sir转头暖意十足地含笑道。　　“都过去咗了。係了，你喺前面路口放低我得嘅了，我到地铁站搭地铁。”　　“好，对了，苏小姐，唔知你方唔方便留返个电话号码俾我？蓉蓉成日喊着‘差人姐姐’，佢好挂住你啊！”　　“好啊。”文强在记事本上写下电话和姓名，撕下单页递过去。　　“呢张係我卡片，你得闲可以嚟我哋健身房睇下，有很多课程都啱女仔上嘅，我俾八折优惠你啊！”　　“好啊！多谢嗮！”　　　　坐地铁回粉岭总部销假，中午的地下交通并不似早晚那么拥挤，看着车窗外时有时无的涂鸦、广告，文强的心却如今日的天气一般阴沉。记得旧年自己发现学礼同个电视台姐仔上到杂志那日，都是雨天，不过当时是秋天而现下是夏天。从那时到现在，又发生好多事，惗返转头，总是开心的多：自己生日时他在班手足面前大唱肉麻情歌，又在自己睡着后悄悄系了条项链；过年虽然自己在围村陪齐妈，但初二两人都一起去维港看烟火秀；训练时有他在身旁，固然辛苦却总觉得很踏实；陪自己去英国探亲，后来大佬话自己知，重新装修家里，安设防滑设施什么都是他的主意；就连上次回围村，返程水塘积水阻路，他都立马背自己过去，其实自己的脚已好得七七八八了。如果说一开始只当他是比普通队友亲近些的兄弟，现在也不得不承认在一年多的相处中，自己是真的中意咗佢，愈嚟愈依恋佢。要自己放低这份感情，真的更加难了。她是想要相信他和Larine冇嘢，但却讨厌这种被欺骗的感觉。为什么和她出街不能明说，反而要遮遮掩掩隐瞒自己。可是真要自己开口问，她又好难开到口。万一不是自己想要的答案，是不是连现在拥有的这份温暖，都没法延续呢？她害怕变得生疏的可能，可是，人生总有些事是需要逼自己去面对的吧？　　　　“咁多位，你哋好啊~”换好了训练服，已是接近午休结束时分，文强跑来大房跟班手足问好。　　“咦，madam你返咗嚟啊，只脚好返嗮喇？”掌门正在练习近排新学的招式，即刻停低同madam打招呼。　　“係啊，不如嚟过两招啊？”好久没动手，文强都跃跃欲试，摆定pose等掌门放马过来。　　“唔好了，一个唔觉意整亲你，阵间阿礼要搵我报仇就弊了。”掌门笑笑作揖推辞。　　“係喔，madam你喺度，咁阿礼喺嗰度同边个讲电话啊？”刚从宿舍行过来的光仔好似发现有少少唔对劲。　　“係咯，madam都返嚟了，一于今晚食餐劲嘅，贺madam归队喇~”庄sir忙过来打插科打诨。　　“咦，阿强妳返咗嚟啊！”阿头摞住训练计划进来，没成想见到文强。　　“係啊，展sir，我返嚟销假。”文强挺胸站定同队长报到。　　“咁就好了。”队长环顾四周，“人都齐嗮，到killing house集合。”　　“展sir，仲有好多人未到喔~”掌门摊开大掌数了数，星仔，轩仔，bob仔，仲有队副龙婆同埋贱仁都缺席啊，边算人齐。　　“想知道佢哋喺边，到killing house咪知咯？”阿头皮笑肉不笑的样子，出边班女仔睇咗梗系讲型格，但佢哋都知，唔慌好嘢喇！　　　　PC吧　　“哇，惗唔到啲橡皮子弹打喺身度都几劲。”掌门饮下一大啖啤酒。　　“应该话，都估唔到你咁唔打得喇！”贱仁拍拍他的肩，取笑成班人里最有武学渊源的人居然最早出局。　　“要计嘅话，最打得嘅都係madam喇，最迟先出楼。”轩仔一贯和顺，给掌门伤口上撒盐什么都才不会是他所为。　　“话不是这么说喔，点知我哋呢team，有冇人放水先？”星仔讲到这个就来劲，“bob仔喔，你话係咪係？”　　“乜啊？阿强自己打得，关我乜事喈？”事关名誉，即刻澄清，他才不是二五仔。　　“哪，madam你自己讲喇，你条仔有冇放水先？”贱仁加入逼供的行列。　　“我都唔知边个係阿礼，我点知佢有冇放水喈。你哋唔好咁输唔起了，话明边team输咗，就一人一只酒喇，贱仁你係咪养鱼啊？”文强指着许sir喝了老半天还剩2/3的酒瓶催道。　　“你哋问阿礼有冇放水，不如问佢有冇抽水好过喇～话嗮都dry咗咁耐～～～”升级人夫之后庄sir讲嘢尺度都激增，阴阳怪气说道。　　“你dry你饮喇！慧慧都飞长途飞咗咁耐！”俞sir可不管他当年在荒岛上替自己当肉垫的恩情，抢过他手中只酒就往他嘴里灌。　　“咳～咳咳咳～”呛得庄sir咳了好一阵先平复，只酒都喝到天一半地一半，“俞大少我屋企只洗衣机坏咗，你整污糟我件衫係咪你帮我洗先？”　　“最多俾埋干洗费你了！反正整污糟咗，都唔差呢只了係咪？”学礼又开了一只易拉罐灌佢。　　“超叔，有人喺你铺头搞嘢啊～”好好饮酒没问题，咁样灌酒sniper真是怕咗，跳起身揾过气PC救命。　　　　饮过一round，众人打桌球的，行酒令的，自行组合，俞sir揽住madam窝在角落的沙发里：“你头先话唔认得边个係我，係咪真嘅啊？”　　“呃你做乜喈？个个戴住面罩黑摸摸，除开轩仔特别好认，你哋几个咪都一样，有乜好出奇啊？”嚼着橄榄，文强据实以告。　　“哇，你咁样好hurt我喔，唔通你唔觉得我身上有乜特别嘅味道？”俞sir同靠在他肩窝里嗰个发挥电眼功效。　　很配合地用力嗅嗅，文强给出答案：“有啊，头先汗臭味，宜家酒味咯！”　　“你唔係应该觉得，我特别有男人味先至啱咩？”俞sir特登挺起两块“鸡扒”问。　　自己条仔咁卖力，文强唯有再用力嗅嗅，“俞学礼你转咗洗头水啊？呢只味好难闻～”　　“总部嗰只用嗮唔记得买，头先问贱仁借嘅嘛，”俞sir伸手抓抓头发再嗅嗅手，都不由赞成自己条女嘅眼光，“果然把口衰啲连洗头水都臭啲喔～你上次买嗰只香蕉味嘅都几好闻哪，听日帮我买多两只嘛！”　　“我刚好返就要我做阿四啊，唔买！”madam很有个性把头扭到一边。　　“做乜喈，最多今晚我交多啲公粮俾你了，你冇嬲喇？”蹭蹭肩，撒撒娇，其实都算佢必杀技。　　“俞学礼你讲乜啊你！”暴力女友啪啪啪三巴拍上鸡扒，听起来都几重手。　　“咳咳咳～你唔好以为拍死咗我就唔使俾呢个月物业费啊，你喺医院我帮你俾嘅，你自己话嘅，数还数，路还路啊！”bob仔扮瘫死加埋死不瞑目状。　　“我俾，我俾你个头啊！”madam喺瘫倒的人胸前加多一掌，起身拍拍手走咗去。　　“喂，你去边啊？”诈死嗰个即刻返生。　　“去厕所～”　　　　“咦，人呢？”文强去完洗手间回来座位上不见人，得返喝了一半的啤酒和零食。　　“madam你係咪揾俞sir，佢喺出边讲电话。”酒保阿成过来收空酒瓶，见文强揾人，随口道。　　“喔，唔该嗮！”　　打开酒吧道门，果然世界瞬间清静多了。　　“你唔好乱惗嘢喇，呢啲嘢使咪惊喈，食埋药早啲瞓喇，听朝醒返我保证乜嘢都唔会发生好唔好。係，冇人会害你，都冇人怪你！”学礼愈发觉得当初应承Jacob帮手的决定是错误的，解除block后的电话轰炸让他疲于应付，有时他都分不清电话那头的人到底是确实痴咗线抑或扮猪吃老虎。在结束这轮通话后发现站在不远处的人时，不妙的感觉达到了顶峰。　　“你几时出咗嚟嘅？”理亏的那个忙上前架出笑脸。　　“喺你讲紧‘唔好乱惗嘢’嗰阵。”双手交叉于胸前，文强努着嘴冷冷道，“你係咪有嘢要同我解释下？”他和Larine一起出来的那栋大楼，她后来都去过，有很多间医务所，最多妇产科。　　“啊？我应承咗人唔讲得喔，牵涉到人哋嘅私隐……”学礼为难地摸摸后脑勺。　　“私隐係嘛？好，我知了。”掷下这句，文强转身进门，门被甩得重重合起又弹开。　　“阿强，阿强……”学礼愣了下，跟着追进去，却又忽然止住脚步，过了几秒再迈开脚步跑到头先的座位，已不见人。问了旁边的侍应，他按指引方向追到后门，也只看到她背着包的背影消失在后巷尽头的夜幕中，原想再追出门，忽得眼前又是一阵黑暗。是，自己瞒着她是有不对，但都唔使嬲到咁犀利啊。