“哇，bob仔你今日失嗮水准喔，係咪琴晚攰得至啊？”射击训练打出个人史上最低环数的学礼跌破诸人眼镜，拔得头筹的贱仁搭住他膊头坏笑。　　掌门即刻把许sir拉到一旁，鬼叫这人琴晚俾女友call走得早，没看到后来bob仔跟madam嗰场戏，先会在这里乱讲嘢。　　“阿礼，你冇事吧？”把枪交到一边，轩仔关心地望着老友，照计就算情绪波动，都唔应该打出咁低嘅环数。　　“冇，我有啲事行先了，今晚PC吧唔去了，你帮我同大家讲声。”向来意气风发的俞sir少有咁灰的时候。　　　　兰桂坊某间酒吧　　　　“阿礼，你话做人係咪好辛苦啊，好鬼无瘾，有时惗惗下不如死掉就算。”吧台边的高脚凳上，Larine饮到醉醺醺，巴在阿礼肩头。　　“唔死得，我哋饮埋呢樽，一醉方休！”学礼揽住冰桶里的葡萄酒，满面通红。　　“唔好意思，我想请问……”被吧仔call嚟接人的文强正拉着一个服务生惗住问下，就一眼望到吧台前两人痴缠在一起的画面。　　“Larine！Larine！医生话你唔饮得啊，点解又饮到啤啤呼！”Jacob冲进来扶起醉得不省人事的妹妹，问吧仔俾咗酒钱未，吧仔指指阿礼话佢俾咗。　　“我冇饮大啊，呢啲係果汁啊！Jacob你嚟咗啊，你都饮返杯喇！”脚步虚浮的Larine经过文强身边居然还能认到人：“madam，你都嚟咗啊？我把阿礼俾返你啊～哈哈哈哈哈哈，佢好得意喔！我睇过佢全……”　　“喂，唔好乱讲嘢……”再癫再醉都是女孩子都要顾下名节，Jacob捂上细妹的嘴，唔俾佢继续宣扬过往的荒唐事。　　“咦，阿强你嚟咗啊，Larine呢？我要佢陪我饮……”说着阿礼还打了个酒嗝。　　“饮乜啊仲饮，走喇！”说着文强架起大只醉鬼，硬是比平日重好多。　　　　周六上午九点半，文强推开学礼卧室的门，原来那人仲未清醒：“Larine～Larine～再～再干一杯～”　　“我梗系中～中意你喇，我点会～点会中意阿强喈，我同佢玩～玩下喈嘛～佢～样又唔～唔及你索，又唔够你～你身材正～”　　“等我～飞咗佢，我同你即～刻过大马好唔好～”　　一桶冷水当头浇下：“俞学礼你醒咗没！！！？？？”　　“边个啊？”被冷水激醒，俞大少很是不满，迷迷糊糊认出人影，大声嚷嚷：“苏文强~你~你做乜啊？你同我撤～同我撤啊～我唔想再见到你～Larine~~~~Larine~~~~我哋再饮过喇~~”　　“俞学礼你，你好克人憎啊！！！”哐的一声将个水桶甩在地板上，文强夺门而出。　　　　“乜话，阿礼请长假？”周一朝早集合，展sir被call去开会，队副龙婆代为宣布，而后带队训练。　　“Madam，你知唔知乜环境啊？”虽然佢哋上周四在PC吧搞到面阻阻，sniper都鼓起勇气一问。　　“请长假呢三个字你有边个唔明，唔该问返你小学老师，唔好问我。仲有，俞学礼嘅嘢，同我～冇～关～系～”铿锵有力甩低这几粒字，madam都走咗。　　“哇，睇怕佢哋今次唔係耍花枪，係嚟真嘅了！”向来天不怕地不怕的贱仁，都俾madam的气场吓到。　　“阿轩，你有冇乜内幕消息啊？”星仔未死心，继续摞料。　　“冇啊！”周五打完靶都是自己最后一次见学礼了，周六打电话给他就已经唔通，都唔知佢搞边科。　　　　健身房　　　　为逃开班友仔嘅话题包围，收工后文强宁愿一个人四处去。偶然翻到张乐天的名片，索性上来试试。　　“张sir，你哋呢度机器都几新正喔！”文强在跑步机上按下播放键，原来仲可以边跑边煲剧。　　“老板话，机器正先可以留住啲客，呢啲投资唔可以悭嘅。”张乐天在一旁同初级教练沟通了几句，才行过来解释，“点嘛，唔错吧？”　　“几好啊，又顺路，你哋呢度季卡几多钱啊？”反正飞咗粒仔，留返啲时间健身都好过喇。　　“放心，实唔会算你贵嘅。哎，老板嚟咗，我过去打个招呼，阵间再过来，你慢慢！”　　　　跑了一个钟，文强下机去休息室倒水喝，经过会议室却唔觉意撞上个人。　　“唔好意思唔好意思，你冇事吧？”文强连身道歉。　　“冇事冇紧要。”来人西装革履，极有风度扶住她，讲话口音却带着大马腔，“咦，madam你点会喺度？”　　“Jacob？唔通呢间健身中心係你嘅？”看舒子铭周身打扮不似来做gym却似来开会多啲，文强用脖子上的毛巾擦擦不断溢出的汗。　　“係啊，我同几个friend夹份投资嘅，惗住喺香港做返啲嘢。係了，上次Larine喺酒吧失礼嗮，呢排佢阻住阿礼好多时间真係唔好意思。”Jacob笑着解释道。　　“佢……阻住阿礼好多时间？……关我乜事啊？”不管多不想提这个人，生活中却总是会撞返，原本面带笑容的文强不由黑起块面来。　　“你哋拍紧拖，Larine复诊又要阿礼陪，又成日打电话俾阿礼，我知都唔系好方便嘅。”Jacob之前都问过学礼，但学礼就话madam冇咁小气，冇嘢嘅，偏偏自己嗰妹对边个都唔够胆信任，“但係Larine因为阿礼两次救咗佢，先特别信任佢，所以我哋都冇办法。”宜家睇嚟，madam同学礼之间又好似有啲嘢。万一因为嗰妹搞到佢哋嗌交，都唔係几好嘅。　　“阿礼……佢唔係同Larine行埋一起咗咩？”文强皱了皱眉，感觉好像哪里对不上。　　“啊？冇啊，佢哋点可能行埋一起？佢哋根本都唔係一路人嘅。”看来真的是有好大误会。嗰妹贪玩贪得意，学礼又係几务实嘅男仔，Jacob係睇唔出佢哋边度合衬，“都係多得阿礼帮手，Larine啱啱好返啲，早两日先同模特去日本影特辑……”　　“阿礼冇同Larine过大马？”文强忍不住打断Jacob的话。　　“过大马？我哋好耐冇返去了，一路都喺香港啊。”　　“额……”所以，学礼去了哪里？　　　　“哇，15楼B嘅信箱塞唔落了，点解呢排都唔见俞生出入嘅。”看更晚叔派着信正自言自语，见文强背着包拎着外卖餐盒从门口进来，忙紧走两步上来问道，“係了，苏小姐，你呢排有冇见过俞生啊？”之前成日见她同俞生行出行入仲拖手仔添，仲以为佢哋同居，派派信先知佢哋原来住隔离。　　“冇，呢排都冇见过佢，晚叔你有乜事喈？”打极学礼电话都飞咗去留言，打去俞家大宅工人就话少爷冇返嚟，真係激死人。　　“喔冇，我係话佢呢排都冇浦头，呢度好多佢嘅信，我惊可能有乜紧要事要处理。”晚叔扬扬手里的成沓函件解释道。　　“我惗佢自己都唔着紧，应该冇乜紧要吧！”文强抿了抿嘴道。“sorry晚叔帮唔到你。”　　“唔紧要，係了苏小姐，呢啲係你嘅信。”既然撞到正主就费事开多一次信箱了。　　“唔该嗮晚叔，啊lift到咗，我上楼先。”文强接过函件，忙喊了声“唔该等埋”小跑过去。　　　　放低个包喺沙发度，文强开电视配饭，食完先惗起啲信，一封一封慢慢拆，其实心思全都挂在电视上。　　“咦，呢封唔係我嘅喔……”拆了信先发觉是保险公司寄给学礼的，肯定是晚叔没看清地址派错咗，文强正惗住放回信封里俾返晚叔，却发现信的内容跟自己有关。保险公司话之前学礼为自己买的一份人身意外保险，受益人是文强，但因为保险公司文员不小心做错份文件，请学礼尽快到保险公司补签。　　“做乜无啦啦买份意外险喈？”之前都未听学礼同自己提过，文强今日真是有小小意外。　　　　“Madam你约我出嚟有乜事啊？”轩仔长手长脚坐低，似是对今晚临时的邀约有些意外。　　“我问你，你到底知唔知阿礼去咗边？”文强一脸正色，语气严肃。　　“我唔知啊，你係佢女朋友你都唔知，我点会知喈？”就估到是这个问题了，好在自己有嗮准备，轩仔搔搔头皮答道。　　“你真係唔知？”文强追问，上次俞世棠被标参学礼都揾佢帮手，无理由今次有乜事仲大过嗰件嘅，摆明呢两条友最friend，她不信轩仔会不知情。　　“我真係唔知，如果我知，我点会收收埋埋唔话俾你知喈？”轩仔打定主意坚持撑到底。　　“好，咁你同我发誓，如果你呃我，小雨今次升级试pass唔到。”　　“额……”明知女友几紧张今次升职，拿这个赌咒发誓，万一好的不灵坏的灵点算？轩仔估唔到madam出这招，迟疑了下。　　“你又唔够胆发誓，咁你仲话唔知？”文强见轩仔犹豫，摆明就是知情不报。　　“Madam，我应承咗阿礼唔讲得啊！如果佢想俾你知，都唔使瞒得咁密实了係咪，sorry我今次帮你唔到！”轩仔说完急急起身走咗去，水都未饮一口。　　　　有了target，就算他不肯说都难不倒文强，一个app就搞定。