作者有话要说：虎2如此精分，madam最尾居然仲可以同师兄拉埋天窗，为做千亿新抱真是好忍得！！！　　阳光下，芳草清香。　　“姑娘，我想晒多阵太阳，阵间先返房好唔好？”听到停在自己身边的脚步声，坐在长椅上戴住墨镜穿着病号服的人仰起脸笑道。　　来人未有出声，只是蹲下身轻轻抚上他的脸。　　查觉有异的病人本已伸手欲抓开来人的手，却在她手上的枪茧触碰到自己块面那一刻忽然明白来人的身份，呼吸都不由自主急促起来，僵硬地将头扭向她呼吸声的来源那一方，不知是带着期盼又或是不确定地问道，“阿强？”　　“我等你俾一个合理嘅解释我。”　　　　时间转回到他最后一次陪文强回围村的返程路上，突然停车是因为他的眼前莫名一片黑暗，在隧道里不只看不到前方的车尾灯，甚至看不到自己架车的仪表盘。虽然只得两三秒时间，但加埋之前出现的几次一秒前科，他不够胆再冒险揸下去，交通事故的伤亡率分分钟可是高过总部的训练和行动，何况今年两人都入过医院，啲quota已经full嗮喇。　　后来去医院做了检查，报告出的那天，即是文强归队第二日。他还清楚记得医生用笔指着夹在射灯前的黑乎乎塑胶片同自己解释嘅样：“俞生，照过CT片，发现你脑中有一个血块压住视觉神经，我怀疑这就是引起你近排发生短暂性失明的原因。请问你之前脑部有冇受过乜撞击，例如发生交通事故或是高空坠物之类的？”　　就算搏击格斗训练都好少对住头，最近的头部撞击？学礼皱眉想了想：“之前电视城发生爆炸嗰时，我喺现场执勤，爆炸后曾经短暂昏迷过，但我喺救护车度就醒返了。后尾都拍过X光片，检查结果一切正常啊！”　　“呢个可能就是血块产生嘅原因，有时短时小量嘅出血喺X光片都好难睇得出。照你上次咁讲，其实在有黑影出现嗰阵你就应该嚟就医了。”医生执笔继续说明道。　　“我唔知喈，我以为係自己幻觉……”从小到大学礼连医院都入得少，爆棚的自信让他不以为意。　　“睇你嘅情况，我嘅建议係，先做血肿引流术，将啲血块清除，跟住对被压迫的视觉神经给予营养药物，配合高压氧舱治疗。治疗时机好宝贵，因为过咗呢个时期，如果视觉神经产生萎缩坏死，医返嘅可能性就好微了。”　　“咁医生，如果我现在就做手术，治愈嘅机会有几大？”学礼靠着诊台，身体前倾，急切问道。　　“我冇办法下保证俾你，手术嘅预后情况同个人体质差异有关系。净係可以提你愈早治疗，康复嘅机会越大。”　　“即係话我有机会好返，都有机会以后都睇唔到嘢？”学礼不敢想象失去光明的世界会是怎样，不能再揸起心爱的枪，不能再见到屋企人同文强。　　“俞生你又唔使咁灰嘅，都有好大机会可以恢复到原来视力嘅七八成。”医生关闭射灯，取下X光片安慰他道。　　“得返七八成？冇可能完全好返咩？”　　“完全好返嘅可能性，确实好微，但都唔可以话冇可能。俞生，我建议你都係同你屋企人倾下，尽快做决定。”　　　　“所以你就自把自为揾Larine做一场大龙凤俾我睇？等我以为你一脚踏两船，把我甩掉係咪係？”文强和学礼并排坐在长椅上，两人只手交叠紧握。　　“你唔好怪Larine，佢都唔知情，佢自己本身就病得傻傻地，我揾佢过桥喈。”俞sir你是睇唔到嘢，家下风头火势仲帮第二个女人讲嘢，你係睇唔madam眼中都快喷火了。　　“好，唔怪佢，咪怪你咯！做乜买咗份保险俾我，分手费啊，你係咪电视剧睇多咗？”文强咄咄逼人。　　“嗰份保险旧年你牛一我就买咗，我净係call返个经济出嚟加高保额喈嘛……”俞sir本来就心有愧疚，被madam一逼问便一五一十倒出嚟，“唔係，你点会知保险嘅事，我都仲好好啲喺度，照计保险公司唔会联系你嘅……”坦白完毕先发现有的不该她知道的事她居然都知，根本不合逻辑。　　“你咁短时间要做咁多嘢，效率都几高喔，可惜俞生你揾嘅保险公司做错份文件，寄信要你过去补签，咁啱晚叔派错封信俾我！”抽起俾他握住只手，文强双手交叉于胸前，用鼻孔出气。　　“你唔好嬲了，係我衰……嬲咗就唔好睇了。”听到那气喘如牛的呼吸声，俞sir都知好大镬。　　“我好唔好睇关你乜事喈？你唔係惗住撇低我，恭喜你啊，如愿以偿。”学礼左侧身子忽然少了身边人遮挡，阳光照到他身上，可是听着脚步声急匆匆而去，心内真的一点都不暖。　　忽得脚步声又临近：“手伸出来！”　　不知文强要做什么，只当她要痛打自己几巴解恨，学礼战战兢兢问道：“乜事啊？”说着右手扶住座椅扶手，缓缓伸出左手。　　“唔係话要分手，俾返物业费你，唔使找数了，冇拖冇欠！”这次脚步慢了些，但重重的像要击穿个地面。学礼缩回左手，用右手摸索手中的物件，得返一叠纸钞，仲有一把锁匙，弊！真係嬲大咗！　　“阿强，阿强！”学礼起身想追，却根本都唔知方向喺边。