作者有话要说：外人睇到嘅同我哋惗嘅未必会係一样——罗生门？　　【8楼护士观察记1】　　　　828房的病人来医院的那天都几大阵仗，私家病房，屋企人，佣人都到齐，原来係个有米男仔视力有问题。但一年咁多病人嚟到，做护士的都唔会特别注意啲乜了，所以原本以为过咗就算。　　点知有日自己放工穿过花园去teen，就睇到嗰个男仔喺花园度同个女仔讲嘢。其实嗰个男仔入咗医院咁耐，除开屋企人同个高高瘦瘦嘅男仔嚟睇佢，都无其他人嚟。个女仔好似嬲咗佢，起身走咗无几耐又返嚟，仲俾返银纸同锁匙佢，跟住嗰个男仔想追，又根本冇办法追，睇怕佢哋喺度讲分手。睇嚟嗰个男仔又几阴功，睇唔到嘢仲要俾自己条女飞。　　过几日自己当紧更，又撞返佢哋两个，不过今次係嗰个男仔只手俾嗰个女仔揸住嘅生果刀整亲。其实自己对啲僆仔僆妹嘅感情问题冇兴趣，但你哋讲分手还讲分手咯，倾唔定数都唔使郁刀嘅啊！话咗个女仔几句，病人睇唔到嘢就睇实佢了，点知嗰个男仔一直惗住帮口。好心你了，睇你落难就飞你嘅女仔，几索都唔慌好嘢喇！冇几耐自己巡房，又见到个女仔行出嚟，对眼仲係红红嘅，都唔知到底係唔舍得飞自己条仔，定係唔舍得自己条仔睇唔到嘢。　　跟住又过咗几日，嗰个女仔又浦头，不过今铺好大镬，自己话俾佢知嗰个男仔喺活动室参加啲活动，原本以为佢嚟箍煲，点知佢同义工小云一起俾人标参！自己真係好惊佢出乜事，话嗮都係自己话佢知啲活动室喺边，有返责任。跟住唔知係佢前度定係现任嘅男仔居然喺后楼梯跌亲，又係送到骨科拍片包扎，好在冇大事。宜家嘅病人都唔知搞边科，睇唔到嘢仲唔好好啲爱惜自己，係咪嫌命长喈。　　原本自己嗰日六点放工嘅，点知下一班嘅阿娟临时甩底，揾唔到人护士长话自己顶住先。跟住派饭嗰阵先发现嗰个男仔唔喺病房度，原本以为有朋友定係屋企人嚟睇佢，点知到十点半查房仲未返。病人喺医院荡失，我哋都好大责任嘅!一日已经出咗单标参，唔好仲有第二单喈！打俾病人手提电话，佢话自己宜家喺出边，有紧要事做，夜啲先返。嗰日下晝听啲差人话呢个男仔同俾人标参嗰个女仔都係当差嘅，其实警察唔係应该至遵守啲纪律规定先至啱咩？点解呢位阿sir喺医院咁唔安分，又係成日整亲自己，又係偷跑出医院。不过嗰个阿sir都算有孝心，话千其唔好惊动屋企人，自己十二点前实返嘅。都算无甩我哋底，十一点几佢确实咗嚟，仲係嗰个女仔送佢返嚟，知道个女仔冇事，我先可以安心收工，不过仲係话咗佢哋一餐，医院走失病人同差佬走失个犯係一样严重嘅事，唔该佢哋配合返医生同姑娘喇，耍花腔又好，做嘢又好，自己又睇唔到嘢又整亲只脚，唔使咁仲出去拉贼吧？　　嗰男仔好诚心咁同自己道歉，应承下不为例。嗰女仔都一直讲紧对唔住，今日係出咗意外先至会咁，绝对无下次，阻住医生姑娘做嘢唔好意思。见佢哋两个咁嘅态度，自己都唔好意思一直嬲人，净係话探病时间过咗，叫嗰个女仔快啲离开。后尾自己俾其他间房嘅病人call咗过去，第一次经过佢哋间房，仲听到嗰个女仔帮嗰个男仔洗面，问佢会唔会太重手，返嚟嗰阵又听到嗰男仔催女仔拉拉声返屋企，记得写低计程车号同埋打电话俾佢。　　　　【8楼护士观察记2】　　　　甩底嘅阿娟接近十二点都终于浦头，原来係同自己条仔拍拖到唔记得时间，护士长咪话咗佢一餐跟住叫我交更，辛苦一日终于有得返屋企，梗系拉拉声执嘢走人了。喺更衣室换紧衫，老公嘅专用铃声就响了，问我点解屋企电话冇人听，今日排班咪收六点。同佢简单解释咗，佢话自己都啱啱先做完嘢，叫我等佢，佢嚟车我。咁都好嘅，我咪落teen买啲嘢食医肚，跟住去出边等人。点知又撞到今日俾绑嗰个madam，等喺计程车站，仲讲紧电话。其实我唔係好想听到佢讲乜，但夜麻麻咁静，想唔听到都几难。　　“得了得了，等紧taxi了，哇你咁夜好瞓了，我到咗会what's app你了，快啲瞓了，医生唔係话咗你要休息规律……”听起来语气是不耐烦中又带着关心。　　“我听日一定嚟睇你，仲有一定去拍片check下有冇其他手尾跟，咁得未？”　　“俞学礼！你再咁长气我就收返今日嘅说话再block埋你电话！”原来是828病房嗰位阿sir啊，不是才见面嘛，唉，后生仔女係咁痴缠了，边度似自己宜家老夫老妻，冇嗮激情。　　“好喇，早唞，係喇，我都一样！”见她挂了电话跟住嘴里好似嘟嚷了一句乜乜傻佬，其实佢哋感情睇落去都几好啊，都唔知点解要闹分手。　　老公嘅车到咗，佢落车帮我开车门，原来仲买埋糖水添。入到医院再回转调头，问佢今日做乜都咁夜，佢话头先上差馆保释个客人。我哋出返嚟见嗰个madam仲未截到车，不由望佢多两眼，老公问我係咪识嘅，我便将今日嘅事话佢知。佢话佢头先都喺差馆嘅lift度撞到呢个madam，同个头上蒙着纱布遮住眼嘅男仔一起，实係828房嘅阿sir了。老公话嗰个男仔其实把口都几衰，我问乜事，佢就笑着学了下嗰个阿sir喺lift入面讲过乜说话。其实啲后生仔女讲嘢係咁了，我就话觉得好平常了，你自己以前拍拖嗰阵都係咁讲嘢啊，边似宜家咁冇情趣。佢跟住话，想要情趣返屋企就知喇，一把年纪都冇兴趣表演俾人睇，话嗮都係律师，咁浮夸以后仲点揾食啊！惗下又係有道理。都唔知嗰晚嗰个madam几夜先截到车返屋企，第二日帮嗰个阿sir除纱布换药嗰阵，佢都几似熊猫眼。