作者有话要说：带走伤感　带不走哭得转红了的灯记忆随身　延续欠你的戏份带走开心　却带不走拖手时的体温微暖质感　留在脸上还未吻给一分钟我静静回味将一生一世翻天覆地明日已被今天处死泪存在原为反映天理这一分钟我站在何地怎麼竟跟你活在一起缘是镜中花　留在镜中死原谅我不记得忘记带走身影　带不走装饰你曈孔的星放手无声　沉默也等於约定带走心境　却带不走分手时的风景云过天清　忘掉我们曾尽兴当这一双脚慢慢离地拈不走一瞬羡慕妒忌谁又记得起　谁被我欢喜延续到下一世的你谁又带得走　一块纪念埤心中挂著甚麼行李　　【她离开以后】　　　　从殡仪馆出来，学礼才意识到她真的不在了。不是未来过这个地方，亲眷长辈世叔世伯早登极乐的也有不少，但从前都是自己陪父母来，陪家姐来，她都陪自己来过。可这一次送走的……是她了。那天轩仔陪自己来book厅时，管理员话呢间厅都送走过哥哥同梅姑，惗返起她俾自己影响，都好中意听啲旧歌，前排还听到她一路冲凉一路哼嗰只《今生今世》，不知几动听……　　墓位拣好咗，墓碑也都整好咗，最尾一次自己跟她的名出现在同一个平面，原来再不是结婚证书，不是保险合同，甚至不是女儿的喜帖，无几日真係要同她讲再见了。除开她或者自己去英国培训，两人真是从认识起就未有分开过多久，哪怕自己去美国医眼，后尾确定咗手术时间，她又摞假去探自己。这一次分开，真的就见唔返了，都唔知自己有冇办法习惯。　　真的送一个亲近的人走，先知道要做嘅手续居然有咁多，140文港纸，就换到张死亡证。惗返自己对眼出事嗰次，她后尾搂住自己喊，话几多钱都换不回陪住她的自己，她不要保险不要呢啲嘢补数，净係要自己唔好撇低佢，点知……原来被最爱嘅人撇低係咁嘅滋味，自己嗰时咁轻易讲分手，真係好hurt好hurt佢。　　整理她的遗物，发现把保险柜钥匙，到银行去开，里面多是屋企人赠俾佢嘅贵重首饰，加埋结婚时自己送佢的在PTS摞的嗰只银哨。她的那只自己一直同她送的其他嘢一起收在柜桶，宜家哨仲是一对，人却两地分别了。　　遗物里仲有本日记，是她贪得意写俾未出世嘅女的，他翻了几页，泪就不停掉，染花她的字迹，实在唔舍得睇落去，都唔舍得一起火化。　　原本自己是唔想火化她的，坟场那边话遗体可以保存六年先火化，他唔舍得她被火烧得炙痛，有年过年陪mummy进香，她只手俾香灰烫了旧小小的疤，自己都心痛好久，要送她入炉，他点落得去手？但她宜家嘅样，同火化过又有乜嘢区别……她再硬颈都係女仔，都係贪靓嘅，当然要尽可能让她走得好好睇睇先好。　　这日落葬，天好冻，落咗一整日雨，屋企人同班手足都嚟送她最后一程。对住外父外母，自己真是无面。以前言之凿凿话会一世睇住佢，先令他们舍得将最宝贝嘅女嫁咗俾自己，但其实都係嚟受苦，自己真係好冇用。　　心心学表兄表姐将手中嘅花放到墓台上，跟住问自己，係咪出年mummy就会返嚟，好似读幼稚园嗰阵时mummy去读书一样，自己好想答佢是，都唔知点开口，最尾都是大舅子抱住佢，话得闲多啲返英国睇公公婆婆。　　在机场送佢哋返去，返到屋企自己真的就倒下了，烧了一天一夜，他知道陈医生来帮自己打过针，知道家姐同mummy帮自己换过敷额头的毛巾，但他想要她再多帮自己抹一次身，探多一次体温，喂多一杯水先走，原来都已经不再可能。　　过咗两日烧退了，轩仔来探自己，讲咗好多，话自己咁样，她都走得唔安乐。这些他都知，但挂住一个人又见唔到，原来係咁凄苦嘅一件事，佢哋又点会明。　　放完寒假，心心返咗学个多礼拜，自己先有返啲精神，同屋企人讲咗，都係想带心心搬回自己同她的家住。Daddy罕有地唔讲嘢，净係喺度叹气，mummy眼眶红红留自己住多阵，都是家姐最尾讲，点都是要面对。之前执嘢都有返嚟过几趟，但都无真正喺度瞓过一晚。笑姐都返嚟帮手凑心心，自己行过厨房都唔觉意睇到她执嘢时抹眼泪，话太太是好人，可惜不长命。　　以前每年都喺大宅住到过完元宵先返嚟，今年都算是最晚，成个月无住人，连电费都悭返好多。自己唞多半个月先返工，揸车嗰阵无人同自己倾计，又真係几咁寂寞。以前自己讲过，副驾驶座留返俾佢，换咗架车都係一样，但宜家已经冇人嚟坐。　　返大房嗰时，差啲要惯性拐到佢张枱边摞佢只水杯去洗，先惗起轩仔都帮手执咗佢嘅嘢，宜家嗰张枱都唔係佢嘅了。自己枱面放嘅两个相架，一个係全team人合照，一个係一家三口合影，通通收埋入柜桶，迟啲先放返出嚟吧。阿头问自己有冇事，放多阵大假都得。其实放假都无第二度想去，心心又返紧学，喺屋企咪得返自己乱惗嘢，都係返工好过，自己咪撑住话已经冇事。　　食lunch嗰阵都唔知自己嗌咗啲乜，定係轩仔帮自己嗌嘅。成日有种幻觉佢就喺隔离：一阵话打印纸用嗮，自己听到咪去帮手摞返一箱，点讲佢宜家都操身大细，几惊动咗胎气；一阵话啲汤唔好饮要饮自己嗰碗，两碗咪平平係同一种汤，都唔知係咪想饮自己口水尾。其实以前最中意临收工嗰时无嘢做，咪喺座位上偷睇佢，打report又好，打电话俾其他部门又好，翻看啲资料又好，有时咬咬唇，有时皱下眉，有时用笔点住额头惗嘢，都係一样咁吸引自己。　　之前一直担心返嚟会瞓唔到，但原来返嚟又几好瞓，可能係呢张床垫瞓得熟嘅关系，不过一个人瞓又真係大咗小小。　　去坟场探咗佢两次，唔够胆带心心去，都係惊吓亲佢，呢啲地方细路都係少去为妙。不过次次都带埋新影嘅心心嘅相，烧俾佢，等佢知道个女都几好，咪安乐啲。跟住就转暖换季了，执衣柜嗰时发现佢一早都执定咗待产包，其实上次陀心心，也都是佢自己忙嚟忙去，他都未有帮到手，今次虽然自己话会陪佢一起面对，但原来自己都唔係好熟呢啲嘢。妈妈教室打过几次电话过来，自己先惗起唔记得去停课，跟住过去搞埋啲手尾，惗返上次陪佢上堂，又係瑜伽堂，自己硬是学不会，又俾她笑餐饱，自己都跟住都笑起来。　　五月的时候是母亲节，心心学堂要交一篇功课，叫俾妈妈嘅礼物。以前自己真係唔觉得呢啲题目有乜唔妥，宜家先知，原来唔係每个细路都有阿妈。同miss打咗电话解释，心心隐隐都感觉到做唔到功课唔係好学生，跟住又喊咗成晚，自己咪陪佢一起瞓咯。　　六月心心学堂组织户外教学去长洲过端午，跟住佢带咗啲学堂发嘅手信返嚟。惗返起嗰次她俾自己嘅惊喜，都几咁难忘，喺沙滩上帮自己吹蜡烛都好似係琴日嘅事，再过两个月又係自己生日了，原来嗰时自己许嘅愿，有效期都无几长。　　七月心心放咗暑假，等她做咗一半嘅功课，摞假带她出去玩了一个礼拜。旧年暑假一家三口去日本玩了十天，买了一堆hello mimi返嚟。自己是搞不懂那只没嘴嘅公仔猫有乜特别，佢就话自己没情调。哎，自己是不明，这种卡通公仔，最多跟可爱沾边了，关情调什么事。原本计划今年心心大一些，一家去北欧避暑，但后尾佢又怀孕，算时间暑假要坐月，计划便取消咗。好在都未同心心讲，不然今年若要一个人凑她去北欧，其实自己也觉得有小小吃力。今年去的是新加坡，带孩子出去，又是一个人，自然是选行程短、环境好、卫生安全、医疗交通都方便的地方了。心心都玩得挺开心，酒店里的儿童泳池和水滑梯就几啱她心水，圣淘沙的beach，裕廊飞禽公园，这些地方回港后她还一直念，加埋又吃了饱饱的榴莲。讲真，跟佢一起这么多年，最受不了的还是榴莲这件事，每次夏天自己激嬲咗佢，佢梗係抱个榴莲放在客厅茶几上慢慢吃，自己真是巴不得从室外墙上绕路走。榴莲不能带上飞机，遂带了很多榴莲糖榴莲饼榴莲果干回来，一些给家姐，一些带给佢了。　　自己放假，也让笑姐跟着放假，女主人不在，这几个月真的是多得她帮手。好在去的时间也不太长，虽然中间打了次风，但自己一早有防范，阳台上的花花草草全都摆低到地上，回来前又请家姐帮手派钟点工人搞了卫生就罢，家里也挺整洁。跟住又带心心回大宅住了一排，反正不用送她返学，自己一个人返工哪里都方便，最多就起早点。　　这日回来取信，顺便执衫，点知门缝里塞了张字条，原来是楼上的钱小姐，话她的衫落在自家阳台，请自己回来之后打俾她，她来摞。摆低信封在玄关鞋柜上，到阳台一看，原来是件内衣，他不由都有小小尴尬，找了个纸袋装起来，打给钱小姐，她话宜家出差不在香港，迟啲回来问自己摞。　　想起来第一次帮文强洗内衣，都是她公寓被人闯空门，自己带她回来过夜嗰次。老实讲拍咗那么久拖，头一次留她过夜，自己都不是没有蠢动，可是都觉得要尊重她，何况那晚她也不好过。不过接触到她贴身的衣物，先觉得阿源讲起帮慧慧洗衫时的自得，真的是理所当然的事。她走了这么久，屋企里她的气息也在慢慢淡去，自己也在慢慢习惯。　　转眼到了生日，都是要返工，一大早就收了好多短信，保险公司、银行、精品店、高级餐厅……班手足也都跟自己嘻嘻哈哈道贺。原本是讲定今晚去happy hour的，反正心心在大宅有人睇住，夜啲返都唔紧要。点知午休时收到个接驳的来电，是找她的。她的电话自己一路冇停住，只是把来电接驳到自己这里，费事有人有事搵她唔到，也是想自己实在挂住她时可以打她电话，听到那句熟悉的留言提示就好似她只是暂时听唔到电话。原来是速递公司送货，自己还追问是不是弄错，话嗮人都不在半年了，那边只说是照订单送的。于是请对方送到出边接待处，自己出去拿，没想到竟然是皇马这季的球衣，主客场各一件，自己的尺码，烫了自己的英文名和施丹的5号。看包裹里的落订时间，是年初新款球衣开始预购没几天。今年事情这么多，自己都忘了买球衣，后尾搞定她的身后事才想起来，但也都无乜心情。对住啲衫，仲有订单附注栏上打印的那句“老公，生日快乐！永远爱你！”自己无端端就鼻酸。撑完下午的训练，和班手足讲声屋企有事，下次补数就走了。点知在酒吧都被轩仔搵到，不记得饮了几多樽，反正是醉到断片。隔日喺轩仔屋企客房瞓到中午先起身，轩仔留了字条话帮自己同阿头摞咗假，也同屋企讲咗自己在他这里过夜。工人就话先生太太交代过，炉上煲了醒酒汤，在邱家吃了午饭先离开。下午去坟场探她，同她讲有心了，礼物自己很喜欢，如果，送礼物的人都在，就更好了。