作者有话要说：温柔克刚强？　　【生日快乐】　　　　这晚心心拿了学礼电话玩，不小心将电话掉到地上，连电池都摔出来。她怕挨骂，忙把零部件装回去，还没来得及调日期和时间，学礼就已抹着头发从卧室出来揾电话了。心心无奈认错把电话交给他，学礼只道没事，笑着让她快去冲凉，阵间讲古仔俾佢听。　　看女儿摞咗啲衫同浴巾自去冲凉，学礼set完日期时间后，挨个关闭不停跳出来的过期日程提醒，一个提醒映入眼帘——“阿强有咗”。那是旧年发现她怀第二胎那日mark低的了，似乎都还记得那时自己的心情。当年自己跑去做节育手术，完全是不希望她太累。后尾自己对眼好返，虽然有些许遗憾，但有个心心他都是心满意足了。旧年的第二胎真的是他意料之外的成果，不过至少证明到他有心有力，加上文强产检结果良好，他是好期待能顺顺利利陪她走完整个孕期，并一早讲定陪她入产房。　　妈妈教室的课和产检他都尽量一次不落地陪她去，虽然是文强第二次陀b，可对他来说一切都新鲜得好似第一次，万大事他都要紧张一餐，惹得文强不少抱怨。不过因为某些方面的禁忌，他也少不得被枕边人整蛊调戏，唉，鬼叫他衰咩，完全就是自己摞嚟嘅，与人无尤。讲真，他又真的好挂住曾经躺在他枕边的那个，哪怕再被她整蛊得大冬天去冲冷水澡都好，只要她能回到他身边，无论要他付出什么代价都好……　　哄睡了女儿，回到卧室，学礼拉开柜筒摸出自己亲手包了封皮的笔记本，翻开扉页，是她潇洒又带着温柔的笔迹——“给念念”。原来，她已经给细女取了小名，真的又好好听。　　翻开第一页，她写道，“bb，妈咪期待你的到来很久了，其实我知道爹地都是。虽然你这么迟才到，是有点拖拉，不过都还是好感谢你找得到我们俩。你有一个家姐了已经，这点和你爹地一样，等你大个咗，会说话了，可以和他交流一下你哋两个的家姐有乜唔同喔。妈咪都是屋企的细妹，其实做细嘅嗰个是好有执数嘅，所以系咪咁你先特地拣咁迟先来报到，俾妈咪同爹地锡你家姐耐啲呢？你真是个乖b，俾妈咪锡一啖先喇！”　　随手翻阅后面的纸页，虽然内容早已烂熟于心，不过每每重温，学礼又觉得心内温暖得好似她仍在世，只是这一刻远行而已。　　“bb，原来你都同你爹地一样唔中意食青椒咩？我今日俾佢笑喔～咁样挑食系唔好嘅呀，不如下次你食返啲喇？妈咪今日胃口麻麻地，如果日日都系咁，以后你就会系好细一只，虽然唔系要你似你爹地咁大只，但都要fit fit喇，听日乖乖食饭好唔好？”　　“bb你好体贴咯，今日食饭就有听话，无闹我，原来你都中意食粟米呀！唔知你系咪中意食榴莲～到天热嗰时再试试看咯！”　　“bb，呢张相是今日我哋去探你嗰时影嘅，原来你是个女女啊！哈哈，以后可以买多啲小裙子俾你了，或者你中意乜色乜款，都可以话我哋知喇。你爹地啊，次次要他帮眼拣你嘅嘢，他次次都无意见……不过他都唔系故意唔俾意见喇，其实他是紧张得唔知俾乜意见先至啱。他这个handle一班手下的team leader其实好着紧你呀，好几次俾我捉到午休时对住你宜家住嘅位置讲悄悄话，问他都唔同我讲，话系同你嘅秘密！bb，你偷偷话俾妈咪知他讲咗乜好吗？”　　“bb，今日午休嗰阵你踢咗我一下，喔，脚劲都几劲。你冇吓到我，但就吓到你爹地了，他都唔知你系同佢打招呼，真系个傻佬爹地呀系咪？。”　　“bb，呢幅画系你家姐上兴趣班画嘅了，佢话呢个系你喔。底时等你大个啲，咪可以同佢一起去玩了。佢至中意摞只笔四围画，有一年妈咪去英国读书，你爹地凑住佢，后尾听讲有时你爹地瞓觉醒返都发现自己俾佢涂花块面啊！不过呢啲行为系唔啱嘅，你唔好学喇！”　　“bb，今天系大年初一，虽然你仲未真正浦头，不过已经有好多人锡你，俾咗好多利是你喇，妈咪先同你收返，等你大个咗先俾返你好唔好？底时你惗住去买漫画书又好，买朱古力又好，买hello mimi又好，妈咪不会过问喇。不过唔可以摞埋啲钱去做衰嘢了，爹地同妈咪都系警察，会拉人嘅喔！”　　翻完整本日记，学礼嘴角扬起，又珍而重之将它收进柜筒，跟住摞出自己那本，同她讲起今日的事：“老婆，今日上昼我返警政大楼开会，顺便喺度食lunch，嗰间餐厅居然仲未转老细，不过佢系唔识我了。嗌咗份鸳鸯炒饭走鸳鸯，加埋一杯热鸳鸯，就好似你同我撑抬脚一样。下昼返总部我哋training killing house，唔知系咪系统升级难度都upgrade咗，好多人都接近一分半钟先搞掂。我咪发咗烂渣罚佢哋加操，跟住听到有人细细声嘀咕‘如果阿嫂喺度就好了’。讲真佢哋都唔系好了解你喈，如果你喺度，梗系都觉得佢哋表现麻麻喈系咪，我记得你以前killing house都有48秒嘅记录，真系叻过好多男仔了。不过如果你喺度，可能我唔会发烂渣，或者罚佢哋加操都跑少几圈噶？咁惗下佢哋又唔错得嗮喔～系了，生日快乐，朝早嗰束花你中意咩？晏啲话我知喇！”　　合上自己的日记本放入柜筒，摆低只笔，熄咗灯，学礼爬上床头。盖好被子，转头望望床边柜面上的组合相架中她的笑颜，又觉心痛难当。唔知默默淌了多久的泪，他方睡着。