作者有话要说：拜山拜山！！！拜拜更健康！！！　　【亡祭】　　　　“俞生，又嚟探俞太啊？”张叔巡完山准备回管理处交更，在C区路口遇见上山的学礼。　　“系啊，张叔你好！”学礼同他点点头。　　“大时大节仲嚟探佢，俞生你都几有心喈！”张叔朝他笑笑，跟住往下行去。　　“有心？”学礼自嘲地重复了句，摇摇头拎着手中的保温桶和花束朝12-3号走去。　　“老婆，我嚟探你了。”摆低物品，学礼照旧是掏出纸巾先抹一抹她的照片，跟住是墓碑墓台。　　“Sorry啊，原本惗住早两日带埋心心嚟探你，但初一嗰晚佢好似俾吓亲，系咁喊，到第二日都未好返，咪请陈医生嚟睇佢，所以嗰日我哋都冇嚟到。”做好清洁工作，学礼才将花束移正到墓台中央位置，复又道，“不过呢两日佢好返好多，你放心，我有陪住佢瞓嘅。暂时就冇带佢嚟了，下次啊，等清明先带佢嚟，你话好嘛？”　　打开保温桶，学礼将里面的菜渐次摆出来：“呢啲係你中意食嘅餸，有嘅係我整嘅，有嘅系陆姐整嘅。初二係你……亡祭”咬牙吐出那个词，学礼不由哽咽停顿了下，快速地眨了眨眼hold住眼泪，跟住同她笑道，“你食多啲啊！”　　“心心今年成绩唔差喔，呢张系佢成绩单，你睇，miss赞佢国文进步咗，数学逻辑思维都提升咗，成个人都专注咗，大咗一岁，系有啲唔同嘅了，你都放心喇！”学礼从外套内侧袋中掏出成绩单复印件同心心的近照，一并摆低让她看。　　“琴日班手足聚会，妈打都浦头，佢话呢排成日喺警察义工队做嘢，比退休之前仲唔得闲喔～”摸摸那张失温的照片，学礼目光深邃，无比怀念地问，“你记唔记得你以前都话，底时我哋退咗休，都要参加义工队发挥余热嚟架？”　　“过年前我都去探咗齐妈同阿齐，佢哋都几好，屋企有乜唔妥嘅，我都帮手整咗了，你都放心了。”学礼想了想，跟住道，“返嚟嗰时我仲撞返四婆，佢嘅孙推住佢坐住张轮椅，佢仲问我点解你冇去到……我记得头一次识得四婆嗰时，你都仲未係我女朋友，时间真係好快喔，madam～”忆起旧日时光，学礼回味似地笑了笑。　　“差啲唔记得咗，呢封係我俾女女嘅利是，啲利是封今年换咗间工厂印了，封口好牢固。仲有呢封係我俾你嘅，你喺嗰边，一定要健健康康先好。”忽得记起重要的事，学礼从另一侧内袋里取出两个印了“俞”字的利是封摆低，跟住道，“你俾心心嘅利是，我帮你俾咗了。俾我嘅，就当你争我，下一世还返俾我好唔好？我好贪心嘅，你冇笑我。如果下一世你撞返我，可能我又会特登笑你激你，可能我唔似宜家咁fit咁靓仔，你冇嫌我了，同我喺埋一起，我保证会比今世更锡你，唔会俾你咁就走咗去。”　　“你唔出声我当你应承咗了喔～”学礼自顾自笑了笑，先双手扶住膝盖企返身，站直后忽得双脚并拢，朝她庄严地敬了个礼，“Thank you, madam! ”　　陪她坐多小半个钟，学礼方执起祭品，临行前又抚多一次她的笑颜，温柔道，“Goodbye, madam!下次再嚟探你……”