作者有话要说：从来情感多亏欠不知道在哪一天可再度回到你身边——区瑞强《陌上归人》　　“老婆，呢排心心放暑假，佢入camp去咗英国游学，要成两个礼拜，跟住会喺阿爸阿妈度住一排。游学团唔俾家长陪，so我都係等佢结束先摞假过去了。”夏日傍晚，学礼带了一束蝴蝶兰来墓园，擦拭过墓碑上的尘土，放下花束，跟住坐低同文强聊起来。　　“横惦得闲，放假我咪返医院做义工了。係了，我识咗个靓女义工喈！係咪又呷醋啊？人哋仲要係演艺学院高材生添！”学礼忆起从前文强吃起醋来那副闷闷撅起小嘴还要强扮无事的可爱样子，不由好笑，“好了好了，唔玩你了。其实佢之前读书嗰阵对眼有小小问题，係眼科基金嘅帮助下做咗手术好返嘅。咁佢宜家出嚟做嘢，就惗住做返啲嘢，佢话同班同学仔搞咗个慈善演出，帮助啲视弱视障嘅小朋友筹款喔。佢嗰日咪去医院派飞咯，都俾咗我一张添，我惗住你都中意睇戏嘅，咪嗌佢俾我多一张添。你睇，我今日咪摞飞嚟俾你，嗰日我哋一起去睇戏啊！”学礼把戏票放在墓碑前，复又将左手无名指上的戒指朝“她”亮了亮，跟住无比留恋地轻轻抚了抚照片上她的脸颊，“放心，人哋知我哋关系嘅，我仲戴住我哋嘅戒指喈，同埋我都话咗啲飞係要俾我太太嘅，冇呷醋了，嬲就唔靓咯！”　　微不可闻地叹了口气，学礼又再跟她说了一阵家人同班手足的近况。末了他的目光落在那束蝴蝶兰上，跟住忽又笑笑卖乖道，“係了，我头先去买花嗰阵，个sales话啲花有大马嘅同台湾嘅，我梗係知你唔中意大马嘅，咪买咗台湾嘅，係咪好知你咧！”照片中的人却只是嘴角微弯，始终未有应答。学礼低头瞄了眼手腕，想起些事，“係了，今晚要开业主大会，你唔喺度，得返我去了，咁……我走先。”同她道了别，在夕阳的余晖下漫步离去。　　　　周日晚间，湾仔艺术中心，学礼穿着一身黑白配色的正装出现。　　“俞生，你嚟咗啦？”洗手间外，一个披着卷曲长发的年轻女孩同学礼打招呼。　　“係啊，你係？”学礼笑笑礼貌点了个头跟住问道。　　“我係Donna啊！”女孩忙道，见学礼满是疑问的眼神，恍然，“喔~我今日上咗妆係咪好难认啊？”　　“係啊，直投换咗个人添，唔好意思！”学礼忙笑着同她道歉，复又朝她伸出手，“咁预祝你哋阵间演出成功！”　　“多谢！都祝你同俞太睇得开心啊！”Donna亦大方地同他握手，“咁我先返后台了，演出快开始了。结束咗你哋嚟后台揾我啊~”　　“好啊~”学礼目送她走远，自己亦返回剧院坐席。　　　　老人院庭院中　　『阿爸，阿妈已经唔喺度了，你睇到嘅唔係佢喈！』Donna扮演的女儿扶住头发花白的父亲坐低在长椅上，又给他拉了拉衣领。　　『我头先明明睇到佢，佢仲话阵间买埋啲戏飞同我睇戏喈。佢仲摞咗壶糖水嚟架，海带豆沙，落咗围村嘅陈皮，好甜噶！』父亲抚了抚身边扶手旁并不存在的保温壶，转头反驳女儿。　　『阿爸，边有喈？』女儿随他手的方向望了望，复又道，『你想食绿豆沙係嘛？我听日拎俾你啊！』　　『我唔要你煲嘅，都唔好食，你阿妈整嘅嗰啲绿豆都化咗，咁先好味！』父亲眯起眼半抬起头朝天空望去，好似回味紧记忆中的美味。　　『好，咁我都煲到啲绿豆烂咗先关火，得未~』女儿好脾气地应了声，又帮他扯了扯身上披着的围巾，『日头落山了，冻嘅，我哋返房了好唔好？』　　『我要喺度等你阿妈，佢话就返噶！』父亲倔强地摇了摇头。　　『……咁我哋返房等都係一样喈。』女儿低头望了望表，又转头道，『最多我阵间落返嚟接佢上去了！』　　『佢腿脚唔方便，你同我好好啲睇住佢啊！』父亲亦转头叮嘱她道。　　『我知，你放心了！』女儿扶父亲起身，『阿爸，扶住支手杖啦！』见父亲单手拄着拐杖走得摇摇晃晃，忙将他空在一旁的右手牵到拐杖手柄上来。　　『我要拎住只壶，你咪搞嚟搞去因住啲糖水撒咗，我仲未食嗮噶！』父亲忙将女儿的手打开道。　　『好了好了，咁只壶俾我拎了……』女儿只得伸出手，从他右手旁“接过”，父亲方依言双手扶住手杖。　　『阿女啊，你阿妈件冷衫仲係前年做寿你买嗰件，都几旧了，你记得买返几件俾佢噶，唔够钱阿爸有。』父亲佝偻着身体，缓缓踱步。　　『我知，过时过节我都买咗嘅……』女儿低声道了句，犹是小心搀扶父亲。　　『仲有，佢嘅中药你记得帮佢煲好，落啲冰糖。呢排返风落雨，佢实又风湿头痛了，佢唔肯讲，你都要细心啲睇住佢……』父亲复又叮嘱道。　　『……我有噶，係马sir嗰度抓药嘛。』女儿回道。　　两人远去，幕落。　　观众起立鼓掌，演员上台谢幕。　　　　卧室里开着床头灯，灯下放着一部行动电话，屏幕亮着讯息列表：　　“俞生，你嘅支票我哋收到了，我代班视弱儿童多谢你嘅支持！”　　“唔使客气，多谢你哋嘅精彩演出添！”　　“係了，今晚俞太冇嚟嘅？你隔离个位一路空住噶。”　　“佢唔得闲，下次了，下次睇下点。”　　“咁下次我哋出show我call你啊。”　　“好。”　　　　行动电话旁边摆着一樽相架，相架里是一家三口的合影，不，是四口：相片中左侧的男士抱住个细路女坐在他的膝盖上，细路女右手举着一条小小的布质挥春，红绸布面上绣着卡通字体“快go长大”；画面右侧的女士肚腩隆起，她拎了串长长的爆竹公仔，微微斜身靠住男士甜笑；男士则嘟嘴吻她脸颊，他身前的细路女仰头看向两位大人，挡在脸前的小小手掌掩不住眼垂嘴角泄露出的笑意。相架前放了一张短短的舞台剧票根，时间正是今晚八时，剧目是《触不到的爱人》。　　浴室里淅淅沥沥的水声，终于，断了。